اللي تساعدني لها دعوة في ظهر الغيب اتمنى الدخول وخاصة المتزوجات

[شروق الامل]

السلام عليكم ورحمة الله وبركاتة

اخواتي انا انخطبت وتملكت وأبي منكم تساعدوني في جهازي

انامهري 50 ألف كيف اوزعة بين الذهب والملابس والشنط والاحذية والاكسسوارات

وش احسن كريمات تبييض وعطورات

وكم طقم ذهب اشتري وكذالك الشنط والاحذيه

ارجوكم يا المتزوجات لا تبخلون علي بمساعدتكم انا في انتظاركم

[احلى كرميلا]

عن نفسي اكثر شي اشتري الذهب وخلي عشرة الالف بين الملابس والاحذية والشنط والعبايات وخمسة الالف قسميها بين اغراضك الشخصية والميكياج والعطور والكريمات ولاتنسى من نكتار او بزديى شوب اغراض العروسة وبقي من فلوسك لنفسك ممكن تحتاجي شي ليوم فرحك تعملي عروض او هدايا وممكن تخلي لبعد فرحك شي في يدك كمان وان شاء الله البنات يفيدوكي

[بشرى الحمود]

اهم شي ياقلبو انتي ومجتمعك
مثلا ..مجتمعك يحب الذهب وعندهم العروس لازم تلبس ذهب ...اذن خذيلك 3 اطقم حلوة
واحد سلسال ناعم مع حلق وخاتم .
.واحد يكون مثل الطوق مع اساوره وحلق وخاتم ..
وطقم ثالث على ذوقك
..بناجر (غوايش )حبتين
بعدين خذي ساعه ذهبي وساعه حلوة فضي ناعمه او كرستال
..........................................
وايضا مثلا مجتمعك راح يعزموك كثير يعني متاكده انه كذا بيت راح يعزمك ..خذي فساتين نااااعمه تايورات فخمه حقت العشوات والعزايم
على قد العزايم المتوقععه ...زي اذا عندكم العشاء الي يسوه لك اهل العريس مثلا او امك بعد زواجك ..هذا احلى تاخذي فستان رايق وحلو يناسب عروس
.......
العطور خذي عطرين او ثلاثه بسسس كفايه ...ومجموعه الوشن يكفيك مجموعه وحده وبسسس المجموعه مع مزيل العرق خذيها من نكتار برائحة التوت تهبل راح تدعييلي
......
المكياج خذي المكياج الي تحبيه ومتعوده عليه ...وبس لا تخربطي
العبايات ..2 خذي ساده لسوق ..وكششخه للمناسيات بسسس كفايه
....
الملابس عادي روحي الهرم او مراكز رخيصه وقشي منها بناطيل بلايز..ملابس استقبال ..
و ملابس داخليه تكون طقم الكولوت مع الستاينه خذي الالوان المحايده ابيض اسود احمر فوشي ... وخذي روب الحمام والمنشفه وخف الحمام وخذي قمصان نوم 3 طويله ساتان و 3 وسط و3 قصيرة .. وقميص ليله الدخله ..الابيض
...
الجزم والاحذيه خذي الاوان المحايده وحده ذهبي وحده فضي عشان الفساتين ...واسود ابيض بيج بني عشان الملابس
.....
فستان الفرح خذي ايجار ..اوفر واريح ..
...
اهم شي الاولويه لذهب ثم فستان الفرح ثم الكوفيره والمصورة تحجزيه من بدري او الكوشه ..وعشان هالامور هاذي هي الي تاخذ منك اكثر مهرك ..
يعني فكري باالاهم فالاهم
وحسب مجتمعك
...
لاتنسي بخور وعود وتوله خمريه شعر وحده ....<<من الماجد حلو ورخيص او اي مكان تشوفيه رخيص
ومسك الطهار الابيض مسك العروس او الختام <<تلاقيه عند القرشي او العربيه بس للمنطقه بين فخوذك يعطي ريحة حلوة
لا تنسي سجاده وشرشف وقران
دايم ابدي في المحلات والمراكز الرخيصه تلاقي عندهم شغلات حلوة ورخيصه ..وبعدين اذا حبيتي كملي من الماركات ...

وبس هذي الي في بالي وا نشاءالله البنات يفيدونك

[nwarah]

انصحك ما تكثري من اللوشن والكريمات والخرابيط ذي ما استفدت منها شي
اذا تحبي خذي مجموعه وحدة فقط والعطور والمكياج لا تكثري
واهم شي الذهب قسمي مهرك 25 للذهب او 30 والباقي لجهازك

[sweet moon]

الخ من التجهيزات اللي قالوها البنت

خذيها مني نصيحه حطي 5000 لليزر وتبيض الجسم

اذا انتي من الرياض روحي ادمه

بشهاده صحباتي لاسواد ولا شعر

راحه نفسيه ومافي تعب والفلوس فيها حلال

اذا على الملابس والخرابيط لاحقه بعد الزواج تشترين لين تشبعين

لاتضيعين كل المهر على اكسسوار وفساتين وكماليات مالها اهميه

بعد الزواج بتشترين اكثر واكثر واحتمال تحملين وتضيق الملابس زي اختي

فاشتري بالمعقول

الف مبروك وبالتوفيق

[sahab]

اشتري ب 30 الف او اكثر ذهب لانه هذا الدايم

الملابس حتى لو تقضي الي يكفيك والباقي لتزوجتي

انا كان مهري 30 وشريت ب 25 الف ذهب

طبعااا كنت اشتري واقضي واجهز اشوي اشوي من مصروفي خلال فترة الخطوبة

لغاية ماكتفيت

وال خمس الاف كفتني طبعا طارت على ليلة العرس

وبااقي المقاضي شريتها بعد الزوااج

الله يهنيك ويسعدك ياارب

[مميزة بطبعي]

اولا مبروك ياحلوه الله يتمم لك على خير ويهنيك
ثانيا انا اقول اشتري ب30 ذهب و10الاف تجهزي منها و10 الاف حطيها بحسابك ومن رايي بعد ماتتجهزين ب10 يعني ب7او8لانك اكيد بعد ماتتزوجي هم بتقضي معه وبتستانسي صح ولاانا غلطانه
مبروك ياحلوه

[مشاعل الدوسري]

السلام عليكم


حبيبتي الذهب حطي له ميزانيه 20 و مو شرط تاخذين كثير

كثير انتي عندك طقم الشبكه .. و خذي طقمين زياده و بس

لما تدخلين محل الذهب قوليله يطلع لك الاطقم اللي اسعاره بحدود الاربع و الخمسه

اوكي و في اطقم تجي بس حلق و عقد وبعضهم معاهم خاتم اسعارهم 1500

خذي طقمين بحدود ال5 و مايتعدى
و الاطقم الصغيره خذيها فضه عشان ينفع تلبسينهم مع السبورت و هيك شغلات


اذكر لما دخلت محل الذهب قلت له ابي طقم بسعر 7 و طقم بسعر 4 و طقم بسعر 5

وطلع لي و انا اخترت

مابقى شي كلهم بعتهم لعبت فيهم عدى الشبكه و هدية الصباحيه مابعتهم ..


المهم بعدها

ارجعي البيت و افتحي الدولاب

شوفي شنو من ملابسك كويسه و تنفع انك تلبسينها شيليها على جنب

حاليا بوقت الملكه لما تشوفينه لاتكشخين كثير لا تحطين ميك اب حدك كحل و مسكرا


خلي التفنن و الكشخه بعد الزواج ابهري

حاليا خليك عادي بين الترتيب و نظافه و صنع و المكياج اللي بس كحل و روج خفيف مسكرا


اوكي

خذي مبلغ للمشغل و خذي مبلغ للمصوه و مبلغ خذي مبلغ لقستان الزواج خذيه اجار افضل لك ..
و روحي دفعيهم عشان ماتتوهقين

المشغل 1500
المصوره 1500 الى 2000
فستان الزواج الاجار دايم 3000
و المسكه خذيها ورد ماتتعدى 500او 600
فساتين للزواجات خذي 2 و خذي واحد للصباحيه ..
اسعارهم ب 600 و 700 و 1200 هذي حدودك
كريمات من نكتار خاصه بلمتزوجين في بطعم الفانيلايا و الفروله و الشوكلت
انصحك تأخذين من عنده كريم بطعم الفانيلا سعره 180
و بودرة الكاكاو بطعم الكاكاو
تحطين الكريم نتفه بكل مكان على جسمك و بعدها بلاسنفجه حطي بودرة الكاكاو ..
طعمه خطير بودرة الكاكاو الظاهر انها 90 ريال

و عندهم كريم يعطيك ملمس مخملي خطير خذيه اتوقع سعره 120


و الكريمات العاديه شنو تستخدمين انتي جونسن و لا فازلين خذي 3 علب
مزيل العرق خذي 3
معطر للجسم عند مكياجي برحة الفواكه سعره اتوقع مايتعدى 25 ريال ريحته حلوه

او اي معطر خذي منه 2

خذي لك دهن عود كمبودي المعتق او الكمبودي العادي

و دهن عود اي ريحه ثانيه خفيفه

روحي جنيد اشتري لك عطر شمس و عطر حجر شمي ريحتهم
اذا اعجبووك اسعارهم مابين 70 و ال100


او عطر فالنتينو اللي عليه الدنتيل الاسود المهم العطور لا تكثرين 3 ليه ..؟


لان مرده تجيك هدايا انا لما اشتريت بزواجي خذيت2 بس لان زوجي
اشترى لي مجموعه 5 عطور قدمها بوقت الملكه مع الذهب و المهر


و جاتني هدايا فيها عطور حول 7 عطور حتى بعضهم مافتحتهم
اهديتهم من كثرر العطور ..


10 الالف خذي لك فيهم كم جينز بين 3-5 جنزات كم تيشرت سبورت و كم بلوزه رسميه و كم فستان
و قمصان النوم خذي لك حول ال 15 قميص بين الرخيص و الغالي من لاسنزا و ستي ماكس و سنتر بوينت و محلات كثيره
و ملابس داخليه
و خذي لك عبايتين جاهزين و عبايه فصليها .. كل هذا مايتعدى ال 800 ريال

المكياج علبة ظل عيون و علبة حمرة خدود و 7 ارواج و مسكارا و كحل 3 الوان ازرق غامق و اخضر غامق و اسود كل هذ و بودرة اساس ناشفه و بلماي او سائل على حسب اللي تستخدمينه


و خذي لك بين 4- 8 شوزات

و كم كعب مناسبين للفساتين

فضي و ذهبي و اسود ..

3 ساعات كشخه رسميه و عاديه وووووووووو اكسسوارات ..




انا عن نفسي رحت مجمع الظهران و صرفت 8000
هناك خذيت 4 بناطيل و تشيرتات سبوت 4 و فساتين 6 قصيره و بلايز رسميه
و خذيت كريمات من نكتار و خذيت 4 قمصان من لاسنزا و 4 من ستي ماكس
4 سنتر بوينت.. و اشتريت بعد مكياج كريم الاساس و مسكرا و كحل و عطرين و 2 جوتي سبورت
و ساعتين 4 حلقان و كم شغله من الاسسوارات كل هذا 8000 بس





تبين شي يفتح المنطقه الحساسه و مافيه ريحه انا جربته
قبل زواجي باسبوعين و 4 ايام خله جسمي لونه موحد ......

اهم شي اهتمي في بياض المنطقه الحساسه لا تنسين هو شافك بلونك
و قبل فيك يعني ماله دااعي تبيضين نفسك بشكل اوفر

المهم استخدمي الكريم بين منطق الفخوذ و المنطقه الحساسه
و الاكواع و يدك و الركب

هو الكريم مصمم للمنطقه الحساسه لكن انا استخدمته بكل مكان و ماضرني لانه اصلن تركيبته حق الجلد الحساس فا ماراح يضرر ابد بجيبلك اسمه و صورته

و لجسمك استخدمي المره ذوبيها و حطيها في بخاخ و كل يوم مرتين رشي على جسمك


بيصفي جسمك ن الاثار حقت الحبوب
و لو فيك حبوب بينشفها و بيخفي اثرها

عموما لا تكثرين بلملابس و لا بلاغراض
لانك مردك تطلعين السوق و تبين تشترين فا عشان كذا لا تكثرين ملابس ابد

و لا تنسين الجلابيات خذي 3 .. و الباقي انشالله البنات يفيدونك فيه

انتي ماكتبتب انتي من وين عشان البنات يساعدونك بلمحلات اكثر و الاسعار ..

[المستحيله]

اهم شي شيلي شعر جسمك بالليزر كله نصيحه راح ترتاحي....وما انصحك تشتر ذهب كثير لا الناس بتهديك ذهب غير الصباحيه ...كثري ملابس البيت هي الي بتحتاجينها وملابس الطلعه لا تكثرين لانك اذا سافرتي بتشترين...
خلي لك مبلغ 5000 تقريبا تتحتاجينه بعدين هدايا او تشترين لك شي بشهر العسل بتستحين تطلبين منه

[شروق الامل]

بارك الله فيكن وجزاكن عني كل خير صراحه استفدت منك كثيييييييير الله يوفقني ويوفقكن

ويسعدكن دنيا واخره