لله ما أعطى ولله ما أخذ.......أنا أجهضت

[&ام عبدالله&]

السلام عليكم ورحمة الله وبركاته

بعد الافرازات البنيه اللي جتني من بداية الاسبوع السبت
ماجاء يوم الجمعه الا ونزل علي دم بالبدايه كان خفيف لاكنه زاد وكثر
لدرجة نزل معاه قطع دم متجلط مثل الكبده وانتم بالكرامه
رحت المستشفى قالو الرحم مسكر وكتبولي تنويم
ومع الفجر جتني الام شدييييييده مثل الطلق مع نزيف حااااااااااااااد

عالساعه 8 عملتلي الدكتوره اشعه وقالت مو بين معي شي لازم اشعه مهبليه وعملتها
قالت النبض متوقف وحجم الجنين 3 ملم يعني على عمر 6 اسابيع

المهم بعد مارجعت غرفتي وجاء الاستشاري الله لايوفقه وين ماراح
قال انا بكتب لك خروج وبعطيك مثبتات تجين بعد اسبوعين نشوف اذا الجنين بدأ فيه النبض او لا قلت انا معي نزيف كيف اخرج وبعدين ليه ماتسويلي تحليل هرمون الحمل اذا مرتفع يعني الحمل ماشي واذا منخفض معناته متوقف
قالي وش بتعلميني شغلي مايحتاج

تخيلو خواتي بغى يثبت حمل ميت ببطني كان بيسبب لي تسمم حسبي الله عليه

المهم قعدت استغفر للعصر وانا موسوسه اخاف اذا ثبت يكون مشوه لان حقت الاشعه قالت شكل الكيس متعرج وهذا غريب

والعصر قالو عندك خروج (مع العلم ان النزيف مستمر)
رحت بتوضا العصر الا شي كبير نزل مني مثل فطيرة الكروسان
ناديت السستر جات واخذته وجات دكتوره وكشفت علي وقالت الرحم مفتوح وهذا الجنين نزل
وبالليل سوولي عملية تنظيف
والحمد لله من قبل ومن بعد
وهالحين افكر استعمل حبوب منع الحمل لاكن مادري متى استعملها
ومو عارفه كيف اهتم بنفسي بعد الاجهاض

ابغى منكم نصايح ودعوات جزاكم الله خير