تعالي اعلمك كيف تزعلي من زوجك زعل يحفظ لك قدرك في قلبه

حلمي يايمه الأمومه · 10-16-2010, 02:09 PM

ندخل في الموضوع مباشرة لاني ما بحب

المقدماااات ....

اللي دفعني اكتب الموضوع انه والله يابنات

ملاحظة انه اغلب الزوجااااات تزعل من زوجها

اسابيع واحيانا توصل لشهوووووووووور ....

طيب ليش ؟؟ وعلى ايش ؟؟ وايش هو الشيء

اللي يستحق انك تزعلي كل هذي المدة ؟؟؟

طيب قبل ابد ا موضوعي ... بس حبيت اذكركم

بحديثين عن الرسول صلى الله عليه وسلم امكن

اغلبكم يجهله ... الحديث الاول ..قال الرسول

صلى الله علية وسلم <نساء اهل الجنة الولود

الودود العؤد>

عارفين ايش يعني العؤد؟ هي اللتي ترجع وتعود

لزوجها حتى لو كان هو الغطاااااااان ... وحديث

اخر قال الرسول صلى الله علية وسلم <انا زعيم

ببيت في ربض الجنة <أي وسط الجنة> لمن

ترك المراء وان كان محقا > المراء هو : الجدال

تخيلي اللي تترك الجدال حتى لو كانت محقة تنال

هذه الرتبة فما بالك لو كان مع الزوج ؟؟

والله يابنات من هذين الحديثين ... نستنتج انه

الدنيا حقيرة ولا تسوى جناح بعوضة ... طيب

تعالي وقوليلي عن اخبار الامم السابقة سواء

ربي ذكرهم بالقران او اللتي ذكرت في

التاريخ ... اين هم الان ؟؟؟ كلنا نعرف قد ايش

كانوا يتنافسوا على الدنيا وعلى شهواتها وكانوا

يقاتلون بعضهم و ووو ... الخ

كلنا نعرف مدائن صالح .... اين هم اهلها الان ؟؟؟

كلنا نعرف ارد ذات العماد ...اللتي لم يخلق مثلها بالبلاد .... اين هم اهلها الان ؟؟

كلنا نعرف قوم ثمود .... اين هم الان ؟؟

وقوم عاد ؟

وفرعون اللذي قال انا ربكم الاعلى

عن جد يا بنات قد ايش هذولا اتقاتلوا واتنافسوا

على الدنيا .... لكن فين كانت نهايتهم ؟؟ الموت

ماتوا وخلفوا كل شيء وراهم ... هل نفعتهم

الدنيا ؟؟ هل نفعتهم الجاه والمال والغنى ؟؟؟

طيب اقرب مثال لكم ... اجدادكم ... ثاني وثالث

ورابع جد .... لمن تسمعي قصصهم ومشاكلهم

كيف كانت

وكيف صاروا دحين ... وتعرفوا زمان كيف

اجدادنا كان اهم شيء عندهم الاراضي والمال ...

وممكن الواحد يضحي بأخوه و ببعضهم

عشان شوية ارض ... فينهم دحين ؟؟ ماتوا

وتركوا كل شيء وراهم .....

لو كل وحدة تفكر بجد ... والله تكتشف قد ايش

هذي الدنيا قاهرة ظالمة .... قطاعة .....

وهالكة ....

يعني لو كل وحدة تفكر انه زوجها بيموت

بكرة .... والله ماراح تعاملة بقسوة ... لا تجي

وتقولي هم السبب وهم القاسين ... هذا راح

نتكلم فيه تحت ... لكن انا بتكلم عنك انتي ...

يابنات ضيعنا عمرنا ووقتنا واحنا في شجار

ونقار وخصام .... وعلى بالك انك بتربيه ؟؟ ولا

تعلميه من اول وجديد ؟؟؟ لا ياقلبي مهما الرجال

كان طيب وحنون لا تعودية يقسى قلبه عليكي ...

خلي قلبه طري زي اول ما اتزوجتيه ... لا

تعودية على القساوة ... والقساوة غالبا تكون

بسبب المرأة بدون ما تحس ....

طيب انا فتحت الموضوع عشان اقلكم ... طريقة

حلوة تزعلي فيها من زوجك .... ومع ذلك

تحافظي فيها على قدرك ومكانتك في قلبه

والاحتفاظ بكرامتك

اذا حصل أي موضوع شجار بينكم ويكون السبب

توافه الدنيا طبعا .. ماطبختي ماغسلتي ....

زوجك عصبي مزاجي متقلب ... أي شيء أي

شيء ... وطبعا يكون هو الغلطاااااان ...

ساعتها .. من وقتها اتكلمي وقولي وجهة نظرك

بدون قلة ادب ...يعني خذي حقك منه اذا كان

غلطان لكن بأدب واكرر بأدب احرجيه

بأسلوبك ... واذا ما اتعلم منك اليوم بيتعلم

بكره ... وبعد ما اخذتي حقك

خلاااااااااااااااااااااااااااا ااااااااااااص ... انسي ولا

كأنه صار شيء ومارسي حياتك الطبيعية معاه

عادي ... انا ما اقول روحي اعتذر منه .. لأنه بصراحة انتي ما غلطتي..

انا اقول ارجعي كلميه عادي ولا كأنه صار شيء

انا والله اللي يقهرني انه تجي وحدة

وتلعلع بصوتها وانت .. وانت وانت ... لا وكمان

عليها تطق بزعل ايام وتوصل اسابيع ... طيب

يابنت الحلال مو خلاص اخذتي حقك ... ليش

تهجريه ؟؟؟ ليش تخليه يقسى عليكي ؟؟؟ ترى

كثر العتاب يولد الجفا ... والرجال عنده كرامة

يعني اغلب الرجاااااال مستحيل يراضي زوجته

حتى لو كان غلطان ... ترى منظورهم غير

منظورنا ... وانتي اللي بتتعطلي عن حياتك ..

وحياتك متوقفة على ... حاجتين يا انك تكلميه او

لا تكلميه ... يا بنات ترى الدنيا والله فانية ....

زائلة .... لا تحسبوا نفسكم دايمين في هذي

الدنيا ... احنا قلنا فين راحوا الامم السابقة ؟؟

وتركوا كل شيء وراهم ... وحتى انتي اذا

خرجتي من هذي الدنيا .. اتركي ذكرى طيبة

لزوجك يتذكرها .... عودية على طيبة قلبك ...

عودية على طهارة نفسك .... لا تجلس الوحدة

تتعلم الحقد والكره ... كأنه ربي ما خلق في

هذي الدنيا الا الزوج كل مرة تزعلة بطريقة

جديدة ومميزة عن غيرها .....

طيب عارفين متى تزعلوا زعل قوي ... عشان

تفرقوا بين الزعل العادي والزعل الكبير .... لمن

يكون شيء كبير فيه عرض فيه شرف ... شيء

مصيبة كبيرة ...فيه خيانة مع دليل ثابت

شرعي .. يعني شفتيه بعينك او سمعتيه .. مو

مجرد اوهام وظنون وشكوك وتسوا فيها

مشكلة ... ان بعض الظن اثم .... ولو تتجاهلي

كمان هذي النقطة يكون افضل عشان تعيشي لانه

ربي الهادي هو اللي بيهديه .... يعني من الذكاء

انك تتغابي في بعض المواقف ...

عارفين يا بنات .. انا كنت زيكم بداية زواجي

ازعل بالاسابيع .... وخليت وربي قلبه قاسي

علي .... يعني لو يمر شهر ما اكلمه ماعنده أي

مشكلة ... لكن والله يا بنات انا دايم ادعي

ربي ..<اللهم ارني الحق حقا وارزقني اتباعة

وارني الباطل باطل وارزقني اجتنابة> حتى

اتعلمت وفهمت وعرفت الحياة الزوجية صح ....

يعني دحين لي اكثر من 6 سنوات ماشاء الله ما

اتذكر انه في يوم نمت وزوجي زعلان علي او

انا زعلانة عليه ... خلاص من وقتها نتناقش

وكل واحد ياخذ حقة من الثاني ... وبعدها والله

ولا كانه صار شيء ارجع اكلمة وانا قلبي

نظيف ... وصار هو مثلي يكلمني بعد الزعل ..

مباشرة لاني عودته على هذي الطريقة ...

وبعدها والله نضحك ونتكلم ونتفرج مع بعض

التلفزيون ... جربوا هذي الطريقة والله ترتاحي

نفسيا .. لانه كثر القهر والزعل والهم يكبر

الوحدة ويخليها كأنها عجوزة ... لا تعودي

نفسك على الحقد والكره .. ارمي ورى ظهرك ...

ارمي وما عليكي .... ..

وفي بعض البنات .. اذا اتزاعلت مع زوجها ...

ابد ما تجادلة حتى لو كان غلطاااااااان ... اما

هذي عاد مرتبتها افضل واحسن .... بس في

نفس الوقت ما تشحن في نفسها .... عشان لا

تحقد يعني يا انها ما تجادله وتنسى ولا كانه

صار شيء ... او تتناقش بأسلوب معاه وخلاص

ترجع زي ا ول واحسن كمان ... وهذي

الطريقتين والله بتحفظ كرامتكم وقدركم عند

ازواجكم .... جربوها يا بنات واذا ما نفعتكم

على الاقل ماراح تضركم

انا قبل فترة نزلت موضوع عن كيف تتعاملي مع

زوجك اذا قال بسافر لوحدي

وجاتني رسايل خاصة يسالوني من فين جايبة

الكلام من كتب ولا من التلفزيون ...

لكن انا والله كنت ادعي دايم <اللهم اجري

الحكمة على قلبي وعقلي ولساني> فاذا وجدتوا

حكمة في كلامي فهذا بفضل الدعاء .. ولا يخفى

عليكم ايضا خبرتي وتجربتي في الحياة واستفدت

من احاديث الرسول وطبقتها في حياتي وحبيت

انكم تستفيدوا منها ايضا ...

منقول
ونسمع ارائكم يا صبايا يا حلوين

ابي بنوته خدودها مليانه · 10-16-2010, 02:52 PM

صدقت كلامها عين العقل

اصلا كيف تجلسون فتره متزاعلين وانتم في بيت واحد وعلى سرير وحده

كيف تعيشين وهو مطنشك ولايقدرك بتتعبي اكثر

الله يهدي الجميع ويصلح لنا ازواجنا

ويوجهنا للطريق الصحيح

حلمي جزاك الله خير على هالموضوع

*~ملاك اليمن~* · 10-16-2010, 04:05 PM

مشكوره اختي ..
علي النصايح القيمه والله كلامك ينكتب بالذهب
الله يهدينا
الله يبارك فيكي

دلوعته واحبه حبيبيf · 10-16-2010, 04:34 PM

مشكوره ياقلبي على الكلام الرائع بس ياقلبي مين يطبق انا عن نفسي احيانا اطبق واحيانالا بس الله يهدني ويهدني الي مثلي وتصير حياتنا سعيده اكثر واكثر والعشره والزمن لهم دور كبير بعدتقبلي مروري ودمتي بود

ام لاحلى بنت · 10-16-2010, 04:48 PM

حلو كلامك بس احنا يالحريم متقلبات الله يعينا عاانفسنا

حلمي يايمه الأمومه · 10-16-2010, 06:49 PM

زهره الرمان · 10-16-2010, 07:34 PM

روووعه

هو بعد يصير زيك

لاعدمنااك

براري · 10-16-2010, 11:39 PM

تسلمين طرحك رائع

أميرة · 10-16-2010, 11:52 PM

جزاك الله خير خيتوو ع الكلام الرائع

قمراي20 · 10-23-2010, 12:52 AM

كلامك درر الله يعطيك العافيه على النقل.............

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اتحداكِ تزعلي زوجك بعد الدخووووول للموضووع "مهــــم يا بناااات"	مودي	منتدى الحياة الأسرية والزوجية	34	09-18-2011 12:44 AM
تعالي شوفي اسم زوجك ..	عاشقها زوجها	منتدى الحياة الأسرية والزوجية	39	02-17-2011 08:54 AM
تريدين قلب زوجك تعالي اهمس لك )) حصريا	ام مالك	منتدى الحياة الأسرية والزوجية	13	05-27-2010 09:34 PM
الحقو قبل العيد تعالي اعلمك كيف تسوين تسريحات قصات صبغات خيال لك ولبنتك بطريقه بسيطه	الما	الموضة و الجمال	5	09-23-2009 11:15 PM