يارب لك الحمد .. ولدت وجبت فهد واخيرا سرت أم !!!

[Nana.1985]

السلام عليكم جميعااا
طبعا الكل عارفني .. صرعتكم ماولدت ماولدت .. متى اولد ومتى اولد خخخ
الحمدلله بس .. طبعا انا كان المفروض اولد 22 اكتوبر .. ولين هداك اليووم وفوقو 10 ايام انا بكامل قوايا العقلية والجسدية ومافيا اي الاام ولا طلق ولا رحم مفتوح ولا هم يحزنون ..
راجعت في بخش في مكة وقالو لازم طلق صناعي خلاص .. مدام مافتح من حالو .. وكمان موية الجنين بتنقص ..
حطوني في كشك الولادة يومين طلق صناعي ورا طلق صناعي كل 6 ساعات قرررررررفت عمررري !!!
وماماتي حبيبتي تنام معايا في الكشك بس ع الارض .. ماهي راضيه تطلع للغرفة الي حاجزينها فوق .. خايفة عليا حبيبتي :(
المهم اخر شئ من التحميلة التانية قلت للدكتورة بعد مازهقوني كشف كل شويا من تحت .. للعلم بس ترا مايعور .. بس سار يعور من كتر مايكشفو مليووووون وحده كشفت عليا .. بس فسار يعور شويا ..
قلتلهم ماعد ابا طلق خلاااااااص! لانو ماسار شئ من التحميلة الاولى والتانية .. بيجيني طلق خفيف وتعبـــــــــــت مرااا!!!
قالو انتي بكرية ولازم نحاول معاكي لااااخر رمق .. وصبرت واستحملت لين التحميلة التالته وبرضو زاد الطلق بس مافتح الرحم ولا نص سانتي! تعبـــــــــــــــت مراااا ..
واخر شئ يعد يومين معاناة قالو لازم عملية البيبي مايستحمل خلاص! والموية بتقل .. وحددو يوم الاتنين 10 صباحا العملية ..
ورحت غرفة العمليات وجلست ابككككي طبعا وامي تبكي وزوجي يبكي حبيبي .. لاني من اول مطفشتو اقولو انتا ماتهمك صحتي بس تبا تشوف ولدك ومتحمس تشوف ولدك .. فأفتكر كلامي وجلس يبكي >>> طيب وبعدييين؟!! خخخ
المهم دخلت تقريبا 11 وخرجوني 2 لأهلي ..
بس قبلها قالولي بنحطلك قسطرة البول .. ونا اقولهم مابغااااااااا الا لما اتبنج مافيا اتألم خلاص قرفت!
قالو طيب ونا في العمليات الممرضة تقول للدكتورة المريضة رافضة القسطرة حقت البول الا مع البنج .. قالت ااااه اماااال دنا بحب ادلع الزبونة بتعتي .. حسيت اني داخلة عند جزار خخخخخخ
دكتورتي كانت حنان غنيم .. مررااا شطورة ماشاءالله وطيبة .. وعسل .. انا كنت ابكي طبعا في صمت طوال الوقت .. والدكتور الي هناك كان يدلع فيا خخخخ لو يدري عنو زوجي بس ..! كان يقولي مالك ياست البنات بتعيطي ليه؟ مافيش حاقة دي بسيطة اوي خخخ وكان يقولي ادعية وانا اردد وراه .. لين مانمت ..
صحيت في الافاقة وكنت حاسة بألم بسيط في بطني بس كنت اقولهم ابغااااااااا مسكن ابغاااا مسكن ونا نص صاحية نص نايمة ..
طبعا ماكان الم قاتل .. بس انا مدلعه مراا ومجغه ..
وقبلها جاتني حالة زي النفاضة سرت ارتجف بقققققققوة لين حسيت اني ح اطيح من السرير واقولهم بردانه بردانه واسناني تطقطق بقوووة .. مره خفت حسيت ااني ح اموت ..
الحمدلله بس .. بعدها قالولي يالا فوقي وصحصحي عشان نوديكي لاهلك تحت ووودوني لامي .. وكانت تبوس راسي وتقولي ياحبيبتي اسعدتيني وفرحتيني انك جبتي احلا حفيد .. وزوجي مرااا كان طاير من الفرحة .. الحمدلله يارب ..
وانا من اوووول كنت اقولهم لما اولد ح اعض ولدي وح اقرصووو .. من كتر ماتعبني .. لما شفتو ماما قالت هيا عضية! طالعت كدا وقلت لا حرام صغير .. ههههه
طبعا اول يومين تعبت في المستشفى من القومه والقعدة عشان الخياطة .. بس الممرضة توقفني وتوديني الحمام وتشطفني وتسوي كل شئ لاني مني قادرة اوقف مزبوط اول مافقت ..
بعد كدا قالولي لازم تمشي كتير .. وكل مرا تجي الممرضة توقف جمبي تحسبا لا اطيح ولاشئ.. لكن ماتساعدني تخلييني اعتمد على نفسي .. وولدت يوم الاتنين 1 نوفمبر .. وخرجت الاربعاء الظهر .. ولما رجعت بيتي نسيت الالللللم وكل شئ عشان عندي اهلي زوجي ومبسوطة ومرتاحة نفسياااااااا .. الحمدلله
وترا لحد يقول ابااااا اولد وارتاااااااااااااااح .. ترا مافي راحه بعد اولد ..
هههه .. سبحان الله ماعمري اتخيلت اني ح احب احد في الدنيا قد مااحب ولدي الله يخليه ليا يارب ... ويجعله من الذرية الصااااااالحة ... اللهم امين .. بس بيني وبينكم لين دحين مااحس انو ولدي .. احس انو بنتبه ليه شويا وبعدين ح ارجعو خخخخ كأنو لعبه شئ زي كدا
المهم حكيتكم قصة حياااااااااتي ..
وترا ايوا صح! الرضاعة عزااااااااااااااااااااااااب ياربي محد قد قلي!!!
الله يعين جميع الحوامل والامهااااااااااااااااااااات !
منجد الجنة تحت اقدام الامهات مو من شويا !!
الولادة في طه بخش .. كلفتني 12 الف .. دا بعد التخفيض عشان اهل زوجي يعرفو واحد هناك .. والطبيعي بـ4400 والقيصري ب9000 بس مو شامل التحاليل ومدري ايش ..

وعقبااااااال البقية ..

[بسوم]

الحمدالله على سلامتك
والف الف مبروك ماجالك الله يجعله من مواليد السعاده ويقر عينك بصلاحه
وعقبال الثاني ههههه
باقي مقد شفتي شي اذا صار يحبي ويمشي لاكن الله يحفضه لولديه

[الحب لك وحدك]

الحمدلله على سلامتك

يتربى بعزكم يارب الله يحفظه ويخليه لك

[روح دحومي]

مبرووك حبيبتي

و حمدلله على سلامتك

وربي يخلي لك فهوودي و يتربى بعزك و بعز ابووه

[**سماسم**]

الحمد الله علة سلامتج ومبروك ماجبتي جعله الله من مواليد السعاده يارب
ويتربى بعزكم
,,

[ندوشہ]

مبروووووووووووووووووووووووووووووووك
الف الف الف مبرووووك
والحمدالله ع سلامتك
الله يجعله من الذرية الصالحة

[نلي خانم]

مبروك يانانا
والله فرحتلك من قلبي
واللي فرحني كمان أنو زوجك كان جمبك مثل ماكان هو يتمنى
ترى لك وحشه ومكانك بالتجمع ماأحد راح يمليه ألا أنتي
لاتطولين وتنشغلين بفهود القمر وتتركينا ترى نموت بدونك خخ
الله يحفظه لك
ونزلي صورته بالتجمع خلينا نشوفه ياربي يحفظه
بوسيه وقولي له خاله نلي تحبك مااااااااااااراااااا

[my love]

ألف ألف ألف
مبرووووووووووووووك
والحمدلله على سلامتك
ويتربى في عزكم ان شاء الله

[ثلجه فوشيه]

نانا مرررررررررا أحوووبك ..
وحشتييييييييييييييني كتير كتير كتير
ياقلبي عليكي الحمد لله على سلامتك وربي يحفظ لك فهوودي وعقبالي ياااارب
انتي أكثر وحده هنا بالمنتدى حسيت بخووفك وقلقك وحماسك للولاده ويااا الله لما كنتي في المستشفى رحت باشراحيل انا ومريت من جنب بخش وافكر فيك اقول ياارب ايش تسوي نانا دحين ودعيلت لك كثيررر والله مو عارفه ايش اكتب خخخ بس ماشاء الله عليكي صرتي خبره خلاص على قوولك هههههه ماقولتيلنا فهوودي يشبه مين ؟؟ انتي والا ابوه ههههه
احــــــووووووبك ياووحشه ..

[ام شوجي]

مبرووك ياقمر
تدرين قصة ولادتك مثل قصة نقراها كل يوم وننتظرمتى بتولدين بس الحمدلله على سلامتك ربي يقومك بسلامه