قصتي شخصيا بتاخر الحمل لمن احبت الاستطلاع ..

[خيال القمر]

السلام عليكم ..

كيفكم يابنات ..

حبيت اشارككم بلحضاتي قبل ماحمل وكيف كان شعوري .. واحب اعطيكم امل .. ان مافي شي بعيد عن رب العالمين قبل كل شي تذكري ربك ..
اخر الليل صلي وترك وركعتين لله طلب وترجي فيها انه يرزقكك بالحمل ..
ويقسملك .. انا كنت مثلكم اتمنى خاطري في يوم اني اسمع اني حامل .. وربي
يابنات من كثر ماخذ التحليل المنزلي واتحطم معه صرت اسميه جهاز التحطيم وخواتي يضحكون علي .. مواساه لي وانا كنت ازيح بنظري عنهم عشان مايشوفون دموعي لما احلل وتطلع سلبيه النتيجه ..
بس الحمدلله ربي كريم .. ماينسى عباده اللهم لك الحمد ..
تخيلو انا ركضت من مستشفى لمستشفى .. واروح احيانا خاصه واقعد سنه سنتين ..
ومافي كل ماحملت اسئلهم شالمشكله قالو وزنك .. يابنات وزني 62 يمديني احمل فيه من امتن مني وماشالله كل سنه بواحد ..
تخيلو 4 سنوات وانا اركض وتعبت .. وفي الاخير بطلت .. مو ايس بس الحمدلله قناعه مني وزوجي شايل فكرة شي اسمه زواج ع انه دايم يقولي ان تجيه عروض للزواج من اقاربه وانا انقهر لها الدرجه شايفين بناتهم سلعه استغفر الله بس ..
المهم ان فيه وحده دلتني ع مستشفى خاص هي لها 4 سنوات ماحملت وبعدين تعالجت فيه عند دكتوره قمة الروعه وجابت احلى توام بنوتتين .. الله يخليهم لها والحين حامل بالثاني ماشالله ..
كلمت زوجي بعد محاولات اقناع مشينا انا كنت شبه متامله وهو قاطع ابد الامل .. استغفر الله ..
المستشفى صغير وشكله مرتب ترتيب بسيط الا انه امتيازاته كلها باطبائه وكفائتهم ..
دخلت عند الدكتوره وبديت معها الرحله وقالت عندك التهابات وهالشي مو جديد وعندك ضعف مبايض ... والجديد في الموضوع عندك قرحه مره كبيره هي سبب عدم نجاح الحمل معك .. وكل شي من رب العالمين ..
تخيلو اكتشفت قرحه وعمري في حياتي ماسمعت من هالدكاتره قالو عندي قرحه بموت قهر منهم تبددت فلوسنا ع الفاضي >> بخيله ..
بس جد 4 سنوات قهر ..

عالجتني من الالتهابات بتحاميل ودش مهبلي با12 يوم .. ورجعت عندها وسوت لي كي للقرحه .. وعطتني مواعيد المهم قالت 3 شهور وتطيب ..وان شالله تحملين ماتحتاجين للكلوميد .. اللي هو مقوي للبويضات او منشط .... ومشت الايام وعادي يعني اخر دوره جاتني كانت ب 15 . 6 ..
وطبعا رجعت لها واعطتني الكلوميد وقالت استني الدوره الجايه وكالعاده محطة انتظار ..
وسبحان الله بدت الاختبارات ومن المدرسه للبيت ومن البيت لعند اهلي وكنت دايم احس بعوار غريب اسفل البطن .. فشكيت مره لاختي قالت والله خيال شكلك حامل هاذي اعراض حمل قلت لها روحي بس قالت دقي ع زوجك وجيبي جهاز التحطيم قلت لها لا ..
وقامت هي اشترته لي وزوجها .. واعطوني وانا مابي احلل كنت راميته ومهمله فيه ومو مهتمه قمت اليوم الثاني سويت التحليل فجئه ش المفائجه طلع الخط الثاني .. واخيرررررررررررررررررررررررررررا مو مصدقه كاني بحلم يالله قمت اركض في البيت احس اني بحلم النوم طار نزلت عند اهي قومت اختي تشوفه يالله مره استانست وقعدنا مسوين مناحه وامي معانا .. ونضم ببعض كان لقينا شي ضايع او متزاعلين وتراضينا شكلنا توحفه ..
ورحت المستشفى وحللت دم وتاكد والحمدلله اخيرا النتيجه ايجابيه يعني مافي نيقتيف اللي هالكلمه كرهتها من قلبي .. استانست قالو اهلي لزوجي انا ماكنت عندي الجراه احس بيطيح قلبي لو قلت له دخلت البيت كان قمه في السعاده .. والحمدلله والان ننتظر العزيز الغالي او الغاليه ..

وعقبالكم يابنات من كل قلبي عقبالكم مثل مانحرمت 6 سنين وربي رزقني يرزقكم ان شالله بس الله الله بالوتر والدعا اخر الليل والله مفيد حيل وحده تقول استمرت تخيلو بس شهر واكتشفت انها حملت وكله بفضل رب العالمين .. خذي بالاسباب تعالجي ونفس الوقت اطلبي من ربي انه يعطيك انتي سعيتي والساعي حقه يوصله مايضيع ..
تكفون يابنات ادعولي يتمم حملي افرح فيه ..

حبيت اشاركم قصتي ولو اني طولت بس اعطيك امل وع فكره اختصرت كثير من حياتي << وكل هاذا كتاب مالفه ياخيال ..

عزيزاتي لاتحرموني من مشاركتكم لي ..