أجهضت وبعدين؟؟

[3Roos Dody]

السلام عليكم...

كيف الحال جميعاًً

انا اجهضت قبل أسبوعين تقريباً

كان الأجهاض بسبب توقف نبض الجنين وهو عمرة 12 أسبوع
وكان اجهاض غير كامل يعني نزل الجنين بس وبعدها الدكتورة سوت لي تنظيف للرحم من بقايا الحمل
المهم انا ابي أسألكم ان
متى ممكن احمل مرة ثانيه؟
وهل فيه خطورة لو صار حمل ثاني بعد شهر من الأجهاض؟
وكيف ممكن اتجنب الأجهاض مرة ثانيه؟
انا خايفة ان اللي صار معاي بالحمل الأول يتكرر مرة ثانية

انا الحين مستمرة عالفوليك اسيد
وقالت لي الدكتورة تعالي وبعطيك بيبي أسبرين
طيب هذا ليش يستخدمونه؟
انا اعرف انه يسبب ميوعه في الدم بحيث ان الدم يوصل للجنين أو للمشيمة
طيب هذا استخدمه الحين او بعد الحمل ؟

أسمحوا لي طولت عليكم
اتمنى انكم تفيدوني
والله يوفق كل وحدة ترد علي

[روح الفراشة]

السلام عليكم ورحمة الله وبركاته
اختي أولاً: الحمد لله على كل حال وربي ما كتب
هالشي الا أكيييييد صلاح لك..

ثانياً: أنا تعرضت لنفس المشكلة بس في الاسبوع
السادس توقف نمو الجنين وقررت من نفسي أنتظر
شهر وبعدها أحاول بالحمل... لكن اللي حدث اني فضلت
أسوي مجموعة تحاليل لمعرفة السبب واضطريت أعيدها
مرتين ولأنها ترسل لألمانيا تحتاج وقت طويل فانتظرت
5 أشهر ولكن بعدها حملت حمل غير مخطط له أبدا
وتأكدت ان مشيئة الله فوق كل شي..

ثالثا: سبب اجهاضي نقص في بروتين s المسؤول عن
تمييع الدم لازم آخذ ابر هيبارين(تمييع الدم)
واسبرين (يعمل على توسعة الاوعية الدموية لضمان
وصول كمية أكبر من الدم للجنين).

رابعاً: بما انك عاملة تنظيف رحم انتظري 2-3 أشهر
وخلالها سوي تحاليل لمعرفة سبب الاجهاض..

ربي يعوضك ويكتب لك الحمل التام السليم المعافى

[احاسيس انثى]

انا متزوجه من 9 شهور اجهضت مرتين ..
ثاني شهر من زواجي حملت شهرين واجهضت بسبب التهاب ..
بس ما عملت تنظيف للاسف بعد الاجهاض بشرين حملت واجهضت في شهر الثالث بسبب التلقصات من حمل الاول والحين كملت 3 شهور من الاجهاض وما حملت بس الحمد لله على كل حال انا ودي احمل و اشوف عيالي وخايفة يتكرر الاجهاض عندي انا مثلج تماما

[3Roos Dody]

روح الفراشة
يسعدني مرورك يالغلا
صح انا افكر اني اسوي تحاليل قبل الحمل الثاني ان شاء الله
الله يعطيك الف عافيه وينولك مرادك يارب

احاسيس انثى
والله خوفتيني اول مرة اسمع عن اجهاض بسبب تقلصات من اجهاض سابق بس احس شهرين كفايه انك ترتاحين .. انا بعد خاااطري احمل واشوف عيالي ومو بس آنا حتى زوجي خاطرة في الجهال يقول ارتاح شهر بس وانا اقول مرة ابي احمل بعد شهر والحافظ الله ومرة اقول نتلافى الخطر احسن وننتظر 2-3 شهور افضل
الله يعوض عليك وعلي يارب بحمل ثاني سليم ومعافي كامل الخلق والخلقة ويرزق كل محرومة يآرب

[3Roos Dody]

up













.

[نفسي احمل]

انا اجهضت من اربعة اشهر بسبب النزيف إلي تعرضتلة

بس ترى فترت شهرين وتحملين قليلة مرره لزم على الأقل اربع او خمس اشهر ترتاحين فيها

عشان ظهرك يسترد قواه لان لزم بعد الإجهاض الظهر يعور وعشان ماتتعرضي للإجهاض ثاني

انا عن نفس قبل اقرر احمل بروح للمراخة تمرخ بطني وظهري

وبروح لشيخ يعطيني ماي مقري فية عشان مانزف

وانشاء الله على الشهر الجاي اكون حامل