آسآل ومحتآره ليه وش هي الاسباب

[رمآدآ]

السلام عليكم ورحمة الله وبركاته

اول شي الله يرزق كل محرومه يارب الذريه الصالحه ويرزقني يارب
ويسخرني لزوجي ويسخره لي ......

اللي عندها جواب لتسآؤلاتي لا تبخل علي
الله اعلم بحالتي مع الناس وماني مع الناس احس با احباط بقلق بتوتر
احس هالدنياء كلها ضايقه فيني اتمنى طفل اضمه لصدري
كل شهر لما تشرف اللي ماتتسمى الله يعلم بحالتي
واتوقع حال الكل من المحرومين مثلي .....

انا سلمكم الله ضليت من تزوجت اممممم سبع شهور ماصار حمل ولا تعالجت ولا شي

وكان فيني قبل لا اتزوج هرمون الذكوره مرتفع وتوقعت هو اللي مانع مسآلة الحمل
رحت لدكتوره وسوت لي تحاليل وقالت لي التحاليل كلها سليمه ولله الحمد

وقالت لي تعالي مع اول دوره ورحت لها تخيلو ماحطت علي التلفزيون ولا شي
اكتبت لي كلوميد وقالت لي اكليه اذا ماجات الدوره تعالي حللي وان جاتك تعالي

الموهم اخذت العلاج واكلته وفي اخر ايام التبويض خفت وقلت بروح مشفى خاص وبخليها تحط لي التلفزيون وحطه علي وقالت لي ان فيه تبويض وان التبويض ممتاز
وان شاء الله يكون فيه حمل تطمت حيل وقلت ان شاء الله يكون فيه حمل يارب
وانا الحين لي تسع شهور من تزوجت تبعا اللي اكلت فيه الكلوميد هو التاسع

وداخله على الشهر العاشر وتاخرت علي الدوره يومين وسويت تحليل حمل منزلي
والنتيجه اطلعت سلبيه اصبت با احباط واحس با الم مثل الم الدوره يروح ويجي
قلت خلاص اكيد بكره او اللي بعدها بتنزل علي

بس انا ابي اعرف وش السسب اللي ماصار فيه حمل
مع العلم انها قالت لي بطانه الرحم كويسه جدا وكل شي سليم والتبويض ممتاز
وكل يوم يكون فيه جماع تقريبا في ايام التبويض وبعدها
شنو برايكم يكون السبب في عدم حصول الحمل ...

والله يوفق كل وحده ترد علي ويرزقها الذريه الصالحه يارب

[ندى السعوديه]

هلا فيك اختي الغاليه

ياعمري اعلمي ان الله سبحانه وحده هو مقسم الارزاق

ويمكن تاخير الحمل لك فيه خيره من رب العالمين لكن لابأس انك تتعالجي وتاخذي بالاسباب

واحنا كلنا متلهفين على الاطفال وضمتهم

انا وحده مثلك اتمنى اليوم الي اسمع فيه خبر حملي

الصراحه احس الوحده محتاجه اطفال يونسوها في البيت وتقضي وقت فراغها معاهم

وتتغير اجواء البيت مع الاطفال ( اللهم لاتحرمنا منهم )

الله يرزقني ويرزقك اختي الغاليه ويرزق من تتمنى الضنا عاجلا

انه ربي اكرم الاكرمين

[رمآدآ]

كلامك صح ندى خاصه لما تكونين في سكن بعيد عن اهلك
واهل زوجك بسكن مستقل ويبعد عنهم مسافات موب طويله لاكني ما اشوفهم الا مرتين بالاسبوع
وباقي الايام عايشه بطفش ولحالي وزوجي برى وشغل ونوم تحسن ان حياتك ناقصه
وان انتي فيك شي ناقص عن غيرك والله شعور يذبح ان شاء الله ما احد يحس فيه
ويرزق كل البنات بالذريه الصالحه ويرزقك ياقلبي

ونعم بالله متوكله بالله وهو خير الوكيل ،،

[سلوة المبدعين]

حبيبتي هذي الدنيا لازم لها من الصبر والصبر مو سهل

رددددددي الآية : ( وبشر الصابرين ) تبرد عليك والإستغفاااااااااااار أبحثي وحتلاقي العجب وأنا أقولها عن تجربة

بس عشان نصل لهذه البشارة لازم نبكي ونتضايق وننحرج أمام الآخرين ونتظاهر إنه عادي غير نظرررة الشفقة وسؤال الأطفال ونطفش وتجينا حالة ضيقه وكل حاجة حلوة ودك ترميها نفسك لو تعيشين لوحدك ووووووووووو......................

الله يقصر علينا مدة الإ نتظار بفرج عاجل غير أجل يااااارب ويرزق كل محرومة
يامن جعلت العقيم منجباً
أنت المانع والمعطي فبرحمتك يا أرحم الراحمين جود علينا ولاتحرمنا
آآآآآآآآآآآآآآآآآآآآآمين

[ندى السعوديه]

الله يرزقنا من واسع فضله ورحمته

اللهم ارحمنا وارزقنا ياارحم الراحمين يااكرم الاكرمين

لا اله الا انت سبحانك اني كنت من الظالمين

استغفرالله الذي لا اله الا هو الحي القيوم واتوب اليه من كل ذنب ..!

[دمعة حرمان]

ممكن سؤال اختي رمادا
زوجك عمل تحاليل على السائل المنوي ؟؟؟
قد تكون المشكلة منه كما هو حالنا
انا سلمية ولله الحمد لكن زوجي يشتكي من ضعف في عدد الحيوانات المنوية وقلة حركتها
دعواتي لكِ بالحمل العاااجل والتيسير ...

[هدوء انثى]

انا مع دمعة الحرمان يمكن المشكله من زوجك ياقلبي لانو كل شيء فيك سليم وربي ماينتهي الاسبوع الا وانتي حامل

[أم بيسان]

ربي يكتب لك الحمل السليم عاجلا غير آجل
لا تفكرين وتقلقين
انا حاسة فيك بس اصبري و توكلي على الله
و مثل ما قالو الاخوات خلي زوجك يعمل تحليل

واذا رحتي للدكتورة خليها تفحص لك قناة فالوب
عشان تتأكدين ما فيها انسداد ان شاء الله
وان شاء الله كلكم سليمين

وانا اعرف لك وحدة عندها بنت ومن بعدها ما عاد حملت
بنتها صار عمرها تقريبا 5 سنوات
وهي ما فيها ولا شي وحتى زوجها
لان كل الامور بيد رب العالمين سبحانه

اهم شي اقري سورة البقرة ولا تيأسين من رحمة ربي

[شموع الورد]

اختى احمدى ربك انا دخلت السنة 8 ولا صار حمل وكلش سليم واليوم نزلت الدورة وكنت حاطة امل حمل وطبعن كان بشهر 8 حاطة امل ولا صار وبشهر 4 تاخرت الدورة عنى اسبوع وفرحت قلت حامل ونزلت واخربت نفسيتى كنت متزوجة انا وبنتين من اقاربى سبحان اللة وحدة بعد سنتين احملت والحين معها 2 والثانية بعد 3 معها 3 وانا ما رزقنى اللة وانشاء اللة راح ابد ب العلاج بس ادعو لى ان العملية تنجح معى ولا اتحطم

[رمآدآ]

الله يرزقنا بالذريه الصالحه يارب
ويهون علينا الصبر

استغفر الله واتوب عليك

وزوجي سوى تحليل وطلع سليم ولله الحمد
انا وهو سليمين الحمد الله لاكن قناة فالوب
كيف يكون عليها التصوير ويعني اذا سوت لي تصوير
ماتشوفها وانا قالت لي التبويض زين بعد ايام التبويض يعني اتوقع انزلت المبايض للرحم
يعني مافيه انسداد ،،،،