الله يحقق امانيكم و تكونوا كلكم حوامل يا رب

[حنّه]

السلام عليكم بنات

شخباركم ؟ ويش مسويين ؟ ان شاء الله كلكم حوامل يا رب

بخبركم بقصتي و انتون قولوا لي ويش اسوي بالضبط !!

انا لما اجتنئ العادة هالشهر ما كانت مثل كل مرة ، اني عادتي منتظمة يعني ( وقتية عددية ) لمدة 6 أيام .
إلي صار هالشهر انها نزلت علي بس لمدة 3 ايام ، يوم ونص نزل عليي دم غزير و يوم و نص دم خفيف و بعدين وقفت خلااااص
و ظلت بعدين 3 او 4 ايام ينزل علي { وانتوا بكرامه وقت التبول } بس خيوط حمراء بدون دم ، مع العلم ان قبل لا ينزل عليي الدم ظليت يوم كامل بس خيوط حمراء وافرازات بنية .
بعد الطهور ، لاحظت ان اثناء التبول بعد خيوط بيضاء و افرازات سميكه مثل زلال البيض و الم فضيع في بطني لدرجة اني ما اقدر اقوم الا واني ماسكة شيئ ، واكثر الالم الليل قبل لا انام والصبح اول ما اقعد بس بعض الاوقات يجيني الالم في نص النهار . { هذا الشيئ للحين مستمر وياي }

والحين اني ما ادري شنو الموضوع ؟ ويش صاير في جسمي بالضبط؟ لان الحيض و نزل فالالام هذي تحتاج لتفسير ؟ هم الحيض نفسه بس 3 ايام يحيّر ؟؟!!

اشتريت اختبار حمل بس ما طلع لي نتيجة . . !!

[ام هند]

انا في حملي الاول جاتني الدورة وبعد ما انتهتت بي اسبوعين(المفروض ايام التبيويض ) نزل علي دم شديد مع الاام شدييييدة في اسفل البطن والظهر والدكتور قاللي زيادة في التبويض بس كان عندي احساس اني حامل فعملت تحليل بول منزلي وطلع ايجابي وما صدقت عدت التحليل 3 مرات وكان ايجابي .. فخبرت زوجي ورحنا فحصنا بالدم طلع ايجابي سبحان الله.. بس كل الدم اللي نزل اثر على الجنين وبعدها باسبوعين نزل علي دم ورحت للدكتور قاللي لا تتحركى من السرير .. بس مع الاسف هذا الدم كان اجهاض وحللت بالدم وكان ايجابي لكن مافي نبض.. والحمدلله .. ربي يرزقنا جميعا

[ام علاوي1]

مادري حالتك غريبه بس ممكن الدوره وحده عن الاخرى ماتشبه وخاصه اذا تعديتي ال30 سنه
الجسم يبدي يتغير والدوره بدل ال5 ايام تصير 3 ايام
وبالنسبه للافرازات مثل الخيوط ماعرف عنها شي بس الالم هذا دليل على التبويض والضاهر ان التبويض عندك ماشاء الله قوي
واهم شي تروحي على الدكتوره للفحص كي تتاكد من عدم وجود اي التهابات