بشروني الله يبشركم بالخير

[saya5005]

السلام عليكم ورحمة الله وبركاته
كيفكم بنات
انا من متابعاتكم بالمنتدى بس من وراء الكواليس وقررت اخيرا اشترك معكم حتى تفيدوني
طبعا انا متزوجه من تسع سنوات وربي ماكتبلي احمل لان زوجي عده ضعف وقله بالحيوانات المنويه وهالشي ماحد يعرفه لا اهله ولا اهلي وانا دورتي مخربطه ..وكانت لنا صولات وجولات بالمنشطات والانابيب والتلقيح ... الحمد لله على كل حال

دورتي متأخره من فتره يعني من كم شهر وهذي مو بأول مره رحت للمرخه الشهر اللي فات وقالت لي ان رحمي تمام ومعتدل ومااحتاج تمريخ بس قالت لي استخدم عشبة المدينه وكف مريم عشان تنشيط للمبايض وزوجي استخدم عسل جبلي مع شوية حلبه

المهم مدري وش طرا في راسي قلت له جيب تحليل حمل فيرست ستيب اللي غطاه كحلي
حللت طلع لي خط غامق وخط باهت جدا جدا حتى شكيت اني اشوفه كأنه ظل حتى زوجي بالغصب شافه وقلت له جب اثنين برضو اتأكد اليوم الثاني حللت واحد بطلعت الروح يبان
وجلست فتره لين الصبح وحللت نفس الاول خط غامق والثاني كأنه خيال ..فرحت وخفت في نفس الوقت .. ابغى اروح احلل دم بس خايفه اسمع كلمة مافي حمل من كثر ماسمعتها ..الحمد لله بس
قلت له جب لي تحليل من ابو عشره اللي بقطاره
حللت الصباح طلع خط واحد انصدمت وزعلت وراح جاب لي جهاز مثل الاول نتأكد وحللت صباح اليوم طلع برضو خط غامق والثاني باهت مثل الظل يالله تنشاف وكلها بالدقايق الاولى وهالكلام كله خلال هالاسبوع

اللحين مدري حامل والا لا حبيت تشاركوني من صار لها مثلي وليش يطلع باهت كذا يكون حمل ضعيف او باقي ماله اسابيع

اكيد بتقولون ليه ماحللتي دم وارتحتي ...والله خايفه ومتردده واحس حتى زوجي متردد زيي
بس أكيد باحلل بعد اسبوع

طمنوني بنات من تجاربكم الله يجزاكم الجنه ويرزقني وياكم الذريه الصالحه يارب

[ثقتي بربي تغمرني]

حللي دم حبيبتي حتى تتأكدي وان شاء الله حامل

[حياتي توأمي]

يارب يارب تكوني من حوامل هالسنه الله يعينج حياتي
انا بحملي الأول ظليت 4 سنوات بدون حمل وكنت بمووووت على بيبي صغير والكل يسأل ليش تأخرتي وليش وليش !!
وأنا قلبي مكسووور .. وربي فرجها سبحان الله وحملت بعد 4 سنوات بتوأم ربي يحفظهم .. الله يعينج بصراحه 9 سنوات الله يصبر قلوبكم يااارب
حبيبتي لاتفقدي االأمل ربي راح يرزقج ويعوض صبرج.. عليج بقيام الليل والصدقه بنيه اللهم لاتذرني فردا وانت خير الوارثين
ترى مفعولها اكبر من الأدويه سبحان الله .. ورددي طول الوقت استغفر الله العظيم ويارحيم .. وان شاء الله تبشرينا عما قريب
ألجأي لربك فهو الوحيد الذي سيعطيكي ان شاء الله

[saya5005]

الحمد لله على كل حال عندي أمل كبير بربي وعمري ماحسيت بيأس الحمد لله ودايما اذا حزنت احمد ربي كثير واشكره على حكمته

في مقطع قبل شهور شفته للشيخ المغامسي عن فضل تكرار ( ربي لا تذرني فردا وانت خير الوارثين ) اربعين مره في السجود للانجاب
وملازمين عليه من فتره لفتره انا وزوجي وعندي أمل فيها بعد الله عز وجل

[الأمورة سوس]

الله يرزقك حبيبتي
وتبشرينه بحملك
بنستنا تسوي تحليل الدم وتفرحينا فيك
يارب ياقدير

[saya5005]

ربي لاتذرني فردا وانت خير الوارثين

[جهينة السلفية]

الله يرزقك توكلي على الله وحللي دم ويارب تطلعي حامل
الله يرزقك ويفرح قلبك بذرية صالحة

[احلا دنيا]

حللي وفرحينا حبيبتي ان شاءالله حامل

[im mohmmed]

روحي يا بنتي سوي تحليل وبشرينا ان شاء الله ربنا حيرزقك عاجل غير آجل يارب وتفرحينا انا مرت خالي قعدت عشر سنين ما حملت وزوجك زي خالي بالزبط مشكلتوا والحمد الله هيوا عندوا توأم وبنت زي العسل ربنا يطعمك متلهم يارب ما يحرمك وايانا يارب

[mimo4ever]

لا تحللين دم الان انتظري اسبوع عالاقل ويارب ياكريم ما يخيب رجاكم ويرزقكم الذرية الطيبة اللمباركة اللي تقر اعينكم