بنتي ترضع طبيعي والحين حامل..ساعدوني

[كعوشه]

السلام عليكم جميعا


اخواتي مثل ما انتو شايفين العنوان بنتي بكريتي ترضع طبيعي عمرها الحين سنه واسبوع
وقبل كم يوم بعد ما تاخرت الدوره حللت وطلعت حامل هالحمل ماكان على بالي نهائيا
وللحين مو مستوعبه والحمدلله على كل حال اللي ابيه منكم تساعدوني كيف افطمها
وهي ماتتقبل الحليب الصناعي ابدا ولا الرضاعه حاولت اسويلها بالكوب موعاجبها طعمه
حطيت معاه كاكاو وبعد ماتقبلته وزنها شوي نازل والحين مرحلة تسنين وتعرفون كيف نفسياتهم
شينه من تعب التسنين تكفون من مرت بنفس حالتي تساعدني قلبي يتقطع عليها مابغا احرمها فجاه
وهي متعلقه بصدري مع اني قاعده اخفف قد ما اقدر وكمان الاكل مو اي شي يعجبها ماتحب الحالي
لا فواكه ولا سيريلاك وفي الليل تصحى تبغا ترضع ووقت النوم حتى لو شبعانه لازم تمسك صدري..

اللي مرت بنفس وضعي او اللي عندها خبره تساعدني او تدعيلي ربي يسهل علي فطام بنتي وحملي
ويحنن قلب زوجي لانه مو متقبل الحمل ابدا وطلب اسقطه وكل شوي يجرح بالكلام ويقول انه يكره هالجنين
ولا يبيه ومو مهتم لو شلت ثقيل ولاغيره عشان يطيح :(

نفسيتي جدا تعبانه ولا قادره ابكي عشان ارتاح عالاقل:(

[الله أملي ورجائي]

الله يهدي زوجك ويسخره

غيره متلهف ع شي اسمه طفل

واهو متعافي ع نعمه ربه

خليه يقول يارب

حتى يجي الطفل سليم ان شاءالله

اما بالنسبه للفطام مضطره تفطمينها

راح تتغير وتتعب نفسيتها

لاكن الله يعينج عليها

وركزي ع الاكل الي ترغبه

يعني حاولي قد ماتقدرين تعطينها اكل

وان شاءالله مع مرور الوقت بتخف رضاعتها

ربي يتمم حملك هلى خير وتقومين بالسلامه يارب

[أم حمودي وعبودي]

الله يكون في عونك

ما شاء الله صار عمرها سنة قللي عدد مرات الرضاعة وزودي وجبات الأكل

[معانده]

الله يعينك ويحنن قلبه عليك الواحد تجيه النعمه ويرفسها برجله ..!
لكن يمكن انصدم لان تو بدري ع الحمل وان شاء الله بيلين مع الوقت
وبنتك بتتعود مع الايام ماعليك بتتعبك اسبوع اسبوعين وغصب تاكل بعدها
دام كملت سنه عادي عطيها الحليب في كوب او علبه شفاط والله يهون عليك انتبهي ع نفسك

[حياتي توأمي]

ياقلبي
الله معك ويعينك
بالنسبه لبنتك مثل ماقالت معانده ان شاء الله مع الوقت بتتعود لاتخافي
وبعدين لاتقولي انك حرمتيها ماشاء الله رضعت فوق السنه يعني شيء ممتاز
حاولي تأكلينها والحليب ضيفي له نكهات يعني حطي معاه سيريلاك
أنا بنتي معتمده عالطبيعي من ولادتها
بس بعد 6 شهور اضطريت أدخل شوي الصناعي عشاني رجعت شغلي وضروري تشرب صناعي فتره الصباح
وطبعاااا رفضت الصناعي رفض تااااام
لكن انا كنت معوداها على المراضع اشفط حليب صدري واحطه بمراضع ولهالسبب ماتعبت كثير في تعويدها عالمرضعه
وبالنسبه للصناعي خلطته مع سيريلاك عشان يكون طعمه أحلى
والحين الحمد لله اخذته مع انها كانت ترفضه
انتي حاولي كذا مره معاها
وبقولج
حطي منقوع المره على الحلمات عشان تفك عن صدرك وبعدين جوعيها وهي غصب راح تشرب المرضعه
حاولي حبيبتي
والله يعينك على هالمرحله
ويسخر زوجك

فعلاااااااااا الأزواج عديمين احساس بصراحه
اللي عندي عندك ياقلبي
كلهم نفس الشيء
الله يصبرناااااا

[كعوشه]

المشاركة الأصلية كتبت بواسطة الله أملي ورجائي

الله يهدي زوجك ويسخره

غيره متلهف ع شي اسمه طفل

واهو متعافي ع نعمه ربه

خليه يقول يارب

حتى يجي الطفل سليم ان شاءالله

اما بالنسبه للفطام مضطره تفطمينها

راح تتغير وتتعب نفسيتها

لاكن الله يعينج عليها

وركزي ع الاكل الي ترغبه

يعني حاولي قد ماتقدرين تعطينها اكل

وان شاءالله مع مرور الوقت بتخف رضاعتها

ربي يتمم حملك هلى خير وتقومين بالسلامه يارب

الله يسعدك على ردك واللهم امين يارب
وفعلا المفروض يحمد الله
خواتي ثنتين حبايبي وحده لها 14 سنه ولا حملت والثانيه عندها ولد واحد وكل ماحملت تجهض
الله يرزقهم ويرزق كل محرومه يارب

[كعوشه]

المشاركة الأصلية كتبت بواسطة أم حمودي وعبودي

الله يكون في عونك

ما شاء الله صار عمرها سنة قللي عدد مرات الرضاعة وزودي وجبات الأكل

هذا اللي قاعده اسويه بس تعذبني وقت النوم بالرغم اني اكون مشبعتها
بس لازم تمسك صدري اليوم حطيت عليه مر وعادي مافرق معها
ونفسيتها جدااااا سيئه عشان التسنين صايره بس تبكي من اي شي
مع انها بسم الله عليها كانت دايما بس تضحك ونادرا تبكي وهي صاحيه

[كعوشه]

المشاركة الأصلية كتبت بواسطة معانده

الله يعينك ويحنن قلبه عليك الواحد تجيه النعمه ويرفسها برجله ..!
لكن يمكن انصدم لان تو بدري ع الحمل وان شاء الله بيلين مع الوقت
وبنتك بتتعود مع الايام ماعليك بتتعبك اسبوع اسبوعين وغصب تاكل بعدها
دام كملت سنه عادي عطيها الحليب في كوب او علبه شفاط والله يهون عليك انتبهي ع نفسك

اللهم امين الله يسمع منك يارب

حتى انا انصدمت بس الصدمه ماتخليني اتكبر على النعمه واقول مابيها
الله يهديه يارب ويحنن قلبه ببدأ اسويله حرب نفسيه عشان يحبه غصب عنه
وبنتي الله يهديها ماتحب الحليب جربت انواع كثيره حتى بالنكهات متعبتني الله يعين عليها

[كعوشه]

المشاركة الأصلية كتبت بواسطة حياتي توأمي

ياقلبي
الله معك ويعينك
بالنسبه لبنتك مثل ماقالت معانده ان شاء الله مع الوقت بتتعود لاتخافي
وبعدين لاتقولي انك حرمتيها ماشاء الله رضعت فوق السنه يعني شيء ممتاز
حاولي تأكلينها والحليب ضيفي له نكهات يعني حطي معاه سيريلاك
أنا بنتي معتمده عالطبيعي من ولادتها
بس بعد 6 شهور اضطريت أدخل شوي الصناعي عشاني رجعت شغلي وضروري تشرب صناعي فتره الصباح
وطبعاااا رفضت الصناعي رفض تااااام
لكن انا كنت معوداها على المراضع اشفط حليب صدري واحطه بمراضع ولهالسبب ماتعبت كثير في تعويدها عالمرضعه
وبالنسبه للصناعي خلطته مع سيريلاك عشان يكون طعمه أحلى
والحين الحمد لله اخذته مع انها كانت ترفضه
انتي حاولي كذا مره معاها
وبقولج
حطي منقوع المره على الحلمات عشان تفك عن صدرك وبعدين جوعيها وهي غصب راح تشرب المرضعه
حاولي حبيبتي
والله يعينك على هالمرحله
ويسخر زوجك

فعلاااااااااا الأزواج عديمين احساس بصراحه
اللي عندي عندك ياقلبي
كلهم نفس الشيء
الله يصبرناااااا

الله يسعدك يارب المشكله بنتي ماتقبلت الرضاعه ابدا حتى لما كنت اشفط من صدري ماتشربه
المستشفى اللي ولدت فيه ماكانوا يعطونها رضاعه نهائي اذا جاعت يعطونها بشفاط يقولون عشان لاتتعود على حلمة الرضاعه
وبالنسبه للسيريلاك هي ماتحبه ابد كنت كل مره اسويه انا اللي اكله بالاخير عشان لا اكبه
والمره اليوم جربتها ومانفعت رضعت وماهمها الطعم رغم انها كانت شبعانه
بس اللي يهمني وقت النوم مابيها ترضع من صدري ومدري كيف اخليها تسكت لاقامت تبكي تبي ترضع عاد بكريه ومالي خبره وخواتي الله يرزقهم يارب محد عنده خبره منهم وحتى
اني بالرياض واهلي بجده لو انهم قريب كان رحت عندهم تنشغل مع الصغار وتنسى ترضع
لكن الله يعين يارب
ويصبرنا على هالازواج المشكله احنا اللي نتعب وبالاخير وانتي توك والده يقولك
عادي ليه ماتقومين وتتحركين منتي اول وحده تولد ليتهم يجربون الطلق بس

[سعاد4]

عندي لك نصيحه ان شاءالله راح تضبط معك حطي بالرضعه حليب صافيو ساده و شوي حليب صافيو فراوله لين تتعود عليه يمكن يبيلك اسبوعين كذا وبعدين بعد ما تتعود عليه نقصي حليب الفراوله باتادريج لين يكون حليب ساده واذا تعودت على الحليب الساده
وقفي حليب الصافيو وعطيها الحليب المخصص للاطفال لانه حيكون افضل من الصافيو فيه حديد ومعادن عكس الصافيو
جربي هالطريقه وراح تدعين لي بس لازم الصبر الصبر والمحاوله
ونسيت اقولك الحليب طلعيه براء الثلاجه ساعه