هل حسيتي بأنك حامل من ايام التبيض ،، وطلعتي فعلا حامل ، شنو الاعراض

[Rawanusa]

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

يعطيكم العافيه بنات

سؤوالي وضح من. العنوان

انا حسيت اني حامل من ايام التبيض وللحين احس بالاعراض

وباقي عالدورة 4 ايام

منو حست انها حامل من ايام التبيض وطلعت فعلا حامل !!

ابي تفاعل بنات يعطيكم العافيه

[امووووون]

شنو الاعراض اللي حسيتيها؟
لان انا احس بااعراض بعد ومستمره تخف وتزيد وباقي عالدوره اسبوع الله يرزقنا يارب

[Rawanusa]

انا حسيت في ايام التبويض حرقان بالبول الله يعزكم وحكه بالمهبل خفيفه استمرت كم يوم وافرازات بيضا هذا ايام التبويض

وبعدها صار الم بظهري مستمر واحس صدري شويه مشدود والم خفيف مع اللمس

وكتوفي وظهري مرة بالنص واكثر شي باخر الظهر احس الورك بينفصل ساعات

واذا اشتغلت شغله خفيفه او صعدت الدرج احس نفسي ودقات قلبي كأني راكضه

وغير هذا احساسي اني حامل

كنت راح اروح واحلل تحليل هرموني رقمي وطبعا سعره غالي شوي
لان مو قادره اصبر
بس وكلت امري لله وقلت اصبر الين يعدي ميعاد الدورة،، والله مع الصابرين

[Rawanusa]

علي فكرة سمعت ان العاب اذا زاد يكون من اعراض الحمل

انا مالاحظت زياده باللعاب الا ساعات وانا اتكلم كاني مااحاسب علي اللعاب يطلع استغرب خفيف
مو مرة يعني بس مو طبعي يطلع وانا اتكلم *

[#ام جوان#]

الله يرزقنا بالذريه الصالحه يارب

[عروووس لحبيبي]

صباح الخير ويوم خير
مراحب بالحلوين كيفك اخت روان ؟؟
انا اعراضي نفسك بالضبط والم الظهر مو مثل الم الدوره صح ؟؟ وبالنسبه للحرقان وقت التبول انا صار بعد الاباضه
حبيبتي حللي كلير بلو رقمي وان شاء الله ما تشوفي إلا اللي يسرك ويفرح قلبك يااا رب

[امووووون]

انا اللي حسيته الم مثل الدوره يروح ويجي والظهر مستمر وصدري نغزات وحكه والمهبل بعد نغزات ولي يومين ينزل افراز فيه دم فاتح مره واللعاب احسه صاير كثير وبعد عيوني زغلله ماقدر اركز بس باقي لدورتي اسبوع تقريبا

مالنا الا الصبر وعسى ربي يرزقنا الذريه الصالحه عاجل غير اجل

[Rawanusa]

المشاركة الأصلية كتبت بواسطة عروووس لحبيبي

صباح الخير ويوم خير
مراحب بالحلوين كيفك اخت روان ؟؟
انا اعراضي نفسك بالضبط والم الظهر مو مثل الم الدوره صح ؟؟ وبالنسبه للحرقان وقت التبول انا صار بعد الاباضه
حبيبتي حللي كلير بلو رقمي وان شاء الله ما تشوفي إلا اللي يسرك ويفرح قلبك يااا رب

فديت قلبج الله يرزقنا الحمل الصالح المعافى وافرح وياك بيوم واحد

انتي متي موعد دورتك ؟

انا يوم سته ميلادي
و11 هجري

يعني بعد تقريبا 3 ايام

[Rawanusa]

!!!!!!!!!!!!!!

[ام نوير]

والله حبيبتي ماحبيت اقراء ومارد وحسيت من ايام التبويض اني حامل وطلعت مو حامل ومابغى احبطك بس بصراحه انا مثلك تمام بكل الاعراض الي حسيتيها لدرجة انه عملت تحليل دم قبل الدوره باسبوع من شدت اعراض الحمل الي كنت حاستها.؟

والنتيجه سسسالب بس املي بالله كبير ومايئست وبنتظر الدوره واعمل تحليل عشان اتاكد اكثر
ورغم المكتوب راضيه بكل نفس طيبه وامل كبير :)