السلام عليكم كيفكم حبيباتي
بنا على طلب الأخت بسوومة بكتب لكم قصة حملي*
انا لي اكثر من 13سنة متزوجة ولله الحمد لم يرزقني الله باطفال رغم اني ميتة عليهم لكن إرادة الله وأكيد ان التأخير فيه خير لي من اول سنة وانا اترقب ورحت لكذا مستشفى من ضمنهم سمير عباس لكن ربي ماراد طبعا سبب التأخير هو البويضات صغيرة هرمون حليب الغدة
طبعا كل مراوح لمكان يقولو فين تحليل زوجك وكان زوجي رافض يحلل *وكمان زوجي ياخذ أدوية وتقريبا ماثرة علية وجات فترة طويلة كان يماطل بعلاجي كل ماقولة يقول اصبري انا صبرت عليك انتي اصبري وانا كل تفكيري بالعمر الى ان جاء يوم قلت يابن الناس يانك تخلينا نسوي أنابيب او بتصل على أهلي وأخبرهم بكل شئ لأني ساترة عليه المهم انا حلفت قلت من هنا الى رمضان اذا ما تحركت بروح لأهلي المهم حجز لي عند الدكتور حسن وقالو بعد خسة اشهر مافي مواعيد المهم كان اول موعد لي برمضان رحنا بالسيارة لجدة وصار لنا حادث بسيط بالطريق واحنا صايمين وفطرنا *بالخط طبعا لفت فينا لسيارة ما نسى موقفي كنت اكرر الشهادة يألله حتى زوجي استغرب اللهم لك الحمد ورزقنا يارب حسن الختام وقلت في نفسي لعل بالأمر خيرة اول ما دخلنا جدة واحنا ننتظر كنسل الدكتور المواعيد وقالو عندة حالة ولادة طارئة ورجع الدكتور وأخذ حالتين ورجع مرة ثانية عندة حالة طارئة وقالو خلاص روحو قلت يألله خمس اشهر انتظر واخرتها ارجع بدون شئ المهم ويرجع. الدكتور قال خلاص بفتح عيادتي يوم الخميس الظهر عشان كم وفرحت لان موعدي الاول الثلاثاء *وجلست بجدة وقضيت للعيد^_^ *وستانسنا
رجعت الخميس واحنا صايمين وطول الوقت ادعي ربي يسرلي ويفتحها علي اول موعد طلب مني تحليلين فقط هرمون الحليب والغدة انا جيتة على طول طلبت أنابيب لأني مابي انتظر لما طلب بس تحليلين قلت يألله بس هذا توقعت اكثر قالي انا ماحب أثقل على المرضى وقالي باي مكان سوي تحليلك موشرط بالمتحدون*
سويت التحليل طبعا قال باي وقت موشرط دورة ورجعتلو بشهر 10 *شافها قال عندك نشاط بالغدة الجار درقية وطلب تحليل للمغنسيوم للتاكد رجعتلة قبل موعد الدورة شهر11بكم يوم شافها قالي أوك كل شئ تمام ولله الحمد أعطاني حبوب مارفلون حبوب منع احمل *قالي استخدميها بعد دورة شهر 11قلت دورتي مونتظمة قالي استخدمي دوفاستون لمدة عشرة ايام تنزل الدورة استخدم مارفلون استخدمتها الى ان نزلت الدورة بشهر ذي الحجة رجعتلة وبداء معي العلاج أعطاني ابر نوعين نوع اول يوم استخدمت ونوع خامس يوم *لمدة عشر ايام وخلال هذي الفترة كنت أراجع عند دكتورة بمدينتي لأنة صعبة ارجعلة ومشوار فكنت اعمل تصوير وارسل الصورة عليه بالجوال وكان يقولي زودي الجرعة وقفي الجرعة الى ان قالي بكرة خذي إبرة التفجير وحدد الساعة وكان الأحد الساعة12 ليلا والثلاثاء الساعة10بكون عندهم *كل هذا وانا معاناه مع زوجي لانة كسول ولازم اخذ الابرة بساعة محددة ماتاخر فاخترت انسب وقت العشاء ولانة وافق العيد وكنت عند اهلي جيتهم يوم عرفة وجلس زوجي للعشاء عشان يوديني اخذ الابر وكلم الدكتورة انة بكرة اجيها وتخلي الممرضات يعطوني اياها لان زوجي بيسافر وافقت الله يجزاها خير وحمدت الله انة مافي ممرضات سعوديات لانة وقت عيد وباجازة ولان اهلي بقرية فالكل يعرف بعض وممكن وحدة منهم تتكلم انس اخذ علاج وينتشر ومايحتاج وقت عيد وتجمعات ماشاء الله المهم جاء يوم العيد واحترت من اخلي من اخواني يودني اخذ الابرة وفكرررت واخترت اصغرهم ماهو متزوج لان المتزوجي ممكن يقولون لحريمهم خخخخخ. *فتطمنت قلتلة أبغاك بمشوار قال فين قلت بالسيارة اقولك ولماطلعت قلت ابي المستشفى قلت لو خواتي او اخواني سئلوك لاتجيب سيرة وماشاء الله ربي يحفظة ماجاب سيرة لاحد رغم ان خواتي يسئلون فينك قلت مشوار وامي كانت عارفة وماقالتلهم بس امي ماتدري اني بعمل انابيب بس تعرف اني اتعالج المهم رجعت لمدينتي ثاني العيد وطبعا ماستانست وأخوات زوجي كل شوي يسئلون ليش ماجلستي عند اهلك لأنهم متعودين انة اقل شئ *اجلس اسبوع فكنت مرتبكة مادري ايش ارد فحطيت ألوم على زوجي انة مايبغاني اجلس*
المهم نرجع للدكتور طلب مني تحاليل ضرورية أجيبها كل هذا عن طريق الجوال طلب تخطيط للقلب *وتحليل الإيدز وتحليل خاص للدم تقريبا ستة أشياء ورحت بعد ما ضربت الابرة التفجرية رحت بالطيارة وعلى أساسة نرجع بالطيارة وستاجرنا سيارة وكنت وقتها شايلة هم الرجعة*
بعد ماوصلت كلمنا الدكتور قلتلة اني ماعملت تحليل الإيدز لأنة الجهاز عطلان قال بكرة تكوني بعيد كلنيك ولازم تكوني صائمة من 12بالليل وتجي *واتسوين التحليل قال أخاف يسون مشكلة وتتكنسل عمليتك رحت قبلها لكذا مستشفى بس تتأخر وبعضها غالي قال زوجي الصبح وخير نروح مرة وحدة رحنا الثلاثاء الصبح صايمة وعملت التحليل وسلمنا مبلغ للعملية عشرة الألف ودخلوني غرفة خاصة مؤ مثل ماقالو انة الغرفة مشتركة وللحمد لله كانت مريحة وفيها ثلاجتين. للماء حار وبارد وشاي وتلفزيون وحمام الله يكرمكم طبعا انا من التفكير مانمت طول الليل تقريبا كنت مواصلة جأت الساعة 11صباحا وأخذو مني قبلها بساعة الوزن الطول الظغط وركبو ابرة المغذية وطلبو من زوجي لما ادخل غرفة العمليات يعطيهم العينة وبعدين اخذوني لغرفة العمليات استودعني زوجي الله ودعتة ورحت ودخلت الغرفة والغرفة شكلها تخوف بس حاولت مدقق كل تفكيري كم بيسحبون وكيف وضعي جاني دكتور التخدير وسائلني. كم سؤال ولما شفتة حط الابرة كررة *الشهادة ونمت بعدها ولاصحيت الا بغرفة الإفاقة وكنت وقتها دايخة ولحفوني لأني بردانة بعدها بنصف ساعة رجعوني لغرفتي لقيت زوجي فيها وتحمدلي على السلامة قالي قابلت الدكتور بعد العملية وقال وضعك طيب ولله الحمد بعدين جوني وطلبو مني مأكل شئ الا بعد ساعتين بعدين وقالو ماتخريجن الا بعد ما نتأكد من عينة الزوج *جلسنا الى العصر وزوجي كل شوي رايح لهم رغم انة عمل تحليل قبل وضعة طيب بس مادري ايش سبب التاخير المهم قالولنا خلاص خروج وصرفلنا الدكتور تحاميل وابر كرومون اسبوعية ومضاد واسبرين وحمض الفوليك
بعدها خرجت ورحت للشقة حطني زوجي وقال بروح ادور شقة قريبة من المستشفى حتى وقت الترجيع بيكون قريب زوجي خرج من هنا انا نمت للعشاء من التعب ورجع زوجي قال يلا لمي عفشك لميت الأغراض ورحنا للشقة ثانية
قلت لزوجي ايش رأيك نروح عمرة^_^فرح وقال فكرة وخاصة الأربعاء ما عندنا شئ لان الخميس الترجيع رحنا السوق بعد العشاء وكنت وقتها ذابحتني الغازات بسب السحب وكنت برضة اتالم بس لأني بروح مكة ماحسيت بشئ خخخخ رحت السوق وشريت جزمة مريحة وقميص وزوجي شرى أحرام ولما رجعنا الشقة قلت لزوجي ايش رأيك نستشير الدكتور وارسلتة رسالة قال الافضل ما تروحي لأنة خاف من الفيروسات ووقتها الحجاج موجودين وتكنسلت الروحة وزوجي رجع السوق ورجع الإحرام *وتصلت علىى المستشفى تاكد من الاجنة وبشرتني النيرس انة كل شئ تمام ولازم اكون عندهم الخميس الساعة اربع وجاء يوم الخميس وطلبو مني المثانة مليانة ورحت وكالعادة الوزن الظغط. وتم الترجيع والدكتور كان متفائل اني بحمل استودعتهم الله لأني كنت بشوفهم بالجهاز رجعلي اربع والأسف خطاء كبير ليتني رجعت اثنين
*الهم خيروني انهم يجمدو او يتخلصو منه طلبت تجميد وكان قيمة 2500لمدة سنتين والعملية عشرة آلاف والإبر ثلاث آلاف الله يعوضنا ويكتب لنا الأجر
رجعت لمدينتي بالسيارة وكنا ناوين نرجع بالطيارة بس مالقينا حجز لان حجزنا اساسا بعدة بيومين حاولت بزوجي نجلس بس رفض رجعت اليوم الثاني الجمعة ليلا ونمت بالسيارة بالخلف طبعا السيارة أجار وكانت مريحة قطعنا تقريبا ال350كيلو
جأت ال15يوم انتظار وكانت أثقل أيامي *تعبت ال خمس ايام بسبب الغازات واذكر اكلت فول بغيت اموووت يربي لك الحمد
طبعا انا كنت ممكن اتعايش مع ايام الانتظار بس الي حولي ضايقوني والكل يسئل فينها ماتخرج لأنة ومن حظي صارت مناسبات وفقدوني رغم اني موحقت مناسبات بس كأنهم حاسين بشئ وخاصة ام زوجي اول مرة أطول عنهم وزوجي كل مرة عذر الى ان جاء وقت التحليل وحللت باليوم 14 ومكنت مرة قلقانة لأني متكلة على ربي راضية الي ربي كاتبة رحت الصباح حللت ورجعت البيت ونمت والعشاء دق حق المختبر وبشرنا النسبة171تقريبا والله نسيت بس حولها ارسلت النتيجة للدكتور قالي عيدية بعد يومين عدة وكانت 600وعليها وبعدين عدة وكانت فوق ال10000 ولله الحمد طبعا انا طوال الانتظار كنت ملتزمة الراحة واكلي كلة بيض حليب وفواكة واشرب موية كثير وتجنبت الشاي القهوة والأشياء الملعبة تقريبا *نفس تعليمات البنات*
طبعا انا حسيت اني حامل بعد اسبوع *مدري لية رغم اني طوال فترة الانتظار ماحسيت باي اعراض واضحة بس جاءتني بروز بالمسامات حول اللحلمة لكن ماتغير لونها ولابرزت
لما أسجد احس بنغزة ببطني خفيفة و كنت اتعب من اي مجهود*
واجوع كثير وسبحان الله بعد التحليل بأسبوع حصلي نزيف *ورحت للطبيبة قالت لسة مايبين الكيس انتظري *الى الاسبوع السابع وقالت النزيف طبيعي بعدين رحت قالت ماشاء الله ثبتو ثلاث وعم ينبضو فرحت لما كملت شهرين تقريبا حصلي نزيف وطلعت مني قطعة قد الكمثري على طول رحت للطواري ونومني وقالي الدكتور الاسف توقف نمو اثنين واحد تمام وقال لاتخافي راح يضمرو لانة شكل من البداية متوقف النمو بس ماحسيت بشئ وكنت بنتظر موعدي لما كملت الاسبوع التاسع وكنت منومة قالي واحد سقط وانا ماحسيت فيه واحد على عنق الرحم ورفضو يعملو ربط بسبب الكيس الي على عنق الرحم وكمان بسبب النزيف واستمر حملي الى بداية الشهر الرابع جاني الم وقالو التهاب بعد التحاليل وبعدها اشتد الألم وماكنت ادري انة طلق والحمدلله صار لي إجهاض*
الي أبغى أنصحكم فيه
1-هو انة لازم تنظفو رحمكم من الدورات *قبل العملية اقلها ثلاث اشهر انا كانو يقولو فيك تليف وطلع سبحان الله دم فاسد والتأليف الموجود بعيد عن بطانة الرحم والي شافوة داخل البطانة طلع دم مجمد رحت لكذا دكتورة أكدت لي
2-روحو لحرمة تمرخكم نصيحة مني لكم انا طلع عندي ميلة قوية والداية قالت قديمة هذي الميلة وهي سبحان الله تسبب إجهاض*
3-عليكم بالحجامة والله مفيدة للجسم وصى عليها الرسول عليه الصلاة والسلام*
بنات المعذرة اكتب من الايباد ويحط كلمات من عندة فالمعذرة على الأخطاء
وبالآخير دعواتكم ربي يعوضني خير ويوفقني بترجيع المجمد
05-03-2013, 06:19 PM
قصتي مع اطفال الانابيب
*عسل* 
.gif "53")
جديد منتدى منتدى أطفال الأنابيب
العرض العادي
