فكرة حلوة كتير

[liliaceae]

السلام عليكم و رحمة الله و بركاته
كيفكم يا بنوتات وشو أخباركم إن شاء الله الجميع بخير
أنا صرلي فترة بالبيت أقعد لحالي و زوجي بالشغل لأنو انا بعيدة عن اهلي و طول نهار لحالي ومتل ما كلكن بتعرفوا موضوع الحمل عطول بيخطرلي أحياناً بكون إيجابية و احياناً سلبية حسب النفسية وأحياناً بتفائل و أحياناً ما بكون متفائلة .....
وهالفترة وأنا عمٌأقرأ سورة البقرة انتبهت على الآية الكريمة :( الشيطان يعدكم الفقر ويأمركم بالفحشاء والله يعدكم مغفرة منه وفضلا والله واسع عليم ) فحسيت أنو كل التشاؤم وكل الأفكار السلبية منبعها من الشيطان مشان يخلينا نحزن و نزعل و نتكاسل عن العبادة ورب العالمين وعدنا بالمغفرة و الفضل لذلك صرت كل ما يخطرلي شي سلبي عن الحمل أو أنو ما رح أحمل بقرأ بقلبي هاي الآية و سبحان الله مباشرة بحس بالراحة و بسأل ربي من فضله أنو ما يحرمني ولذلك نقلتلكم تجربتي وان شاء الله تستفيدوا وتجربوا تحفظوها و تقولوها بيقين ......