يانفسي اهدي****قلبي يقول لي وعقلي يعارضني

[عشرينية]

مسا الخيرات عليكم اخواتي اللواتي يحسوا بمعاناتي
ويشعروا بغصاتي ولو ما شافوني
ماني عارفة كيف اشرح لكم
لكن اللي اقدر اقوله اني حاسة بشي اسمه(زحمة)في نفسي
افكار تروح وتجي
وعيوني تتعبى دموع شوي الاقيها ناشفة
على انشغالي بالجامعة والواجبات والعروض الا انه موضوع الحمل مو راضي يروح
كل يوم اقعد على المنتدى بالساعات وخصوصا قسم الاجهاض
لدرجة اني افتح مواضيع قد قريتها وصرت حافظتها
الزبدة
الدكتورة لما رحت لها بموعدي اللي بعد العملية
قالت لي نصيحة مني انتظري شهرين ع الاقل وبعدها فكري انك تحملين
انا اليوم لي 31 يوم من الاجهاض
وتقريبا تقريبا مانظفت تمام من بقايا الاجهاض يعني كل كم يوم تنزل مني حاجة بسيطة
والحين انا جالسة ع العزل
ودي احمل اليوم قبل بكرا وخصوصا انا ماحملت بسهولة عشان اقعد فترة على المانع
وخايفة اتركه ويصير حمل ويموت زي اللي قبل
افكار كثيرة براسي
صدقوني مدري ليش انا كتبت هالموضوع
هل انا ابغى استشارة منكم؟
هل انا حابة بس افضفض؟
بس زي ما قلت لكم زحمة بداخلي مو طبيعية

[شموخي غير..]

فوضي امرك الى الله وما عليك من كلام الدكتوره حاولي تتعالجي للحمل بأكثر كلامهم ما يضرك باءذن الله اذا انتي مستعدة نفسيا ما فيها شيء حاولي تستعين للحمل وبأذن الله يكرمك ربي بالحمل التام المعافى وتصديق بنيه الحمل واذا حملتي استودعيه الله وتصدقي اذا حملتي بنيه ان يثبت حملك توكلي على الله بلا عزل وطمنينا عليك

[عشرينية]

شموخي غير مشكورة حبيبتي على مرورك
الله يرزقنا جميع بالذرية الطيبة عاجل غير اجل ياكريم

[toq]

توكلي ع الله ..

ان شاء الله كل شي تعوضكك أن شاء الله لين يصصير رحمك نظيف تحملي يارب *

لآ تعبي نفسسك ذكري ربك .. ربك كريم و لطيف على عبده

[Um Ghala]

أكيد الوحده حابه تفضفض و حاسه فيكي .. حتى أنا الافكار ما تروح عن بالي .. بس حاولت اشغل نفسي بالذكر و احمد ربي و اصبر نفسي .. و تذكري رب العالمين معاك ..

اذا انتي تشوفين غيرك عنده اطفال .. انتي عندك شي احلى و احلى عندك طيور في الجنه راح تشفعلك لما تكون الناس في يوم الحساب بحاجة للحسنات ..

الفوز و الرضا مو بالدنيا .. بل بالاخره .. و الحمدلله على كل حال ..

اشربي اشياء حاره تنزل كل الوسخ و مثل ما قالت الدكتوره ريحي الرحم على لاقل من 3 لـ 6 شهور .. لانه الرحم يتعب و ما يتحمل و هالشي يكرر الاجهاضات لا سمح الله ..

عليكي بالاستخاره و الاستغفار و التوكل على الله .. هو الرزاق و هو الحافظ .. و قل لن يصيبنا الا ما كتب الله لنا ..

[جروح انثى]

يسعد لي صباحك ياغلاي
فديت قلبك وروحك والله وعسى ان تحبو شيئا وهو شر لكم
انا معاك حبيبتي انتي عديتي شهر من اجهضتي اوكي الحين فكري ورتبي انو بعد ثلاث شهور راح تحملي احلى طفل
وقولي لنفسك ورددي هالكلام ( انا راح اساعد جسمي خلال هالشهرين عشان احمل وراح اتغذى كويس واكون خلصت من ضغط الجامعه
كلمي نفسك وقولي لها انا نفسي احمل الحين لكن رحمي ماراح يساعد يشيل ضناي واخسره لا قدر الله وبتالم اكثر
ليه مااسعى اني اريح نفسي واشيل الافكار من راسي ) صدقيني راح ترتاحي شوي

شوفي بنت عمي حملت ثلاث مرات مسكينه وكلهم اجهضتهم والدكتوره قالت لها مع كثر التنظيف وكشط الرحم
راح يصعب عليك تحملي لان رحمك بيصير خفيف جدا لذلك حطي هالنقطه ببالك كمان
كل ماحسيتي بملل اقراي اشياء تساعدك القران واقري مواضيع اللي حملو بعد مرور كم شهر من اجهاضهم
دعواتي لكي انك ماتتمي الثلاث الشهور الجايين الا وانتي حامل بس ها تجي تفرحيني اوكي ياعسل :)
الله يسعدك ويفرح قلبك ويزيل همك ويعطيك ماسألتي وهو على كل شي قدير

دعواتك لي بان الله يحقق لي امنيتي ياغلاي
قولي ييياكريم ويارحيم والله راح يكون معاك باذن واحد احد
ودي

[المتأمله خير]

ياا قلبي ربي يعوضك بالحمل السليم اللي يفرح قلبك ويريحك من الافكار والتعب
انا نصيحتي استخري رب العباد بموضوع الحمل مره ومرتين وثلاثه وانا متأكده انه بيسرلك الاحسن والافضل انا الحمدلله استخير بكل امور حياتي
بس سؤال:: شو سبب الاجهاض عندك ؟؟

[عشرينية]

مشكورين حبيباتي ع الردود
وربي سطوركم هدتني وبعثت في نفسي التفاؤل
اختي المتأملة خير ماعطوني اي سبب للاجهاض
يقولولي اول اجهاض يعتبر طبيعي
يمكن يكون نقص كروموسومات او تشوه
بس عطوني ابرة الفصائل تبع الاجسام المضادة
وصرفت لي الدكتورة بيبي اسبرين وفوليك اسيد
بالعربي مارح يبدون يدورون عن سبب الاجهاض الا اذا تكرر اكثر من مره
الله يعين بس ويسهل لي كل عسير
واياكم اجمعين

[نور الخير]

احتسبي الاجر وحاولي تصبرين نفسك حبيبتي والله حاسة فيك ومريت مثل حالتك حاسة اني ضاااايعه ومو عارفه اسوي شيء من كثر مو متشتته أفكاري بس حاول تشغلين نفسك بشيء تحبينه لاتخلي الشيطان يوسوسلك ويدخل الحزن في قلبك وأعرفي أن الله أرحم لك من هالناس كلها حاولي تقومي أخر الليل وأتصلي وتدعي بالسجود وراح تحسين براحه وراح تدعيلي
وواستني كمان شهرين وبعدين فكري بالحمل عشان صحتك وحاولي تتغذين وتاخذين فوليك أسد وتعملي رياضة وتهيئي نفسيتك للحمل الجديد وخليك متوكلة على الله وأستمري بقرأة سوره البقره يوميا لانها فيها بركة سبحان الله
يارب يرزقك الحمل السليم الثااااابت يارب وبفرح قلبك

[ديالا.]

اصبري واتكلي ع الله والله يعوضك خير
لله ما اخذ ولله ما اعطئ . مثل مارزقك بالاول بيرزقكك بالثاني
بس نصيحه اصبري شهرين عشان يتقوى الرحم وعشان ماتعيدين نفس التجربه وتتحبطين زياده
بس سؤال انتي في اي شهر سقطتي ؟!