باركوا وهنوا وقولوا ماشاء الله

[جارة الحرم المكي]

يابنات الحمد لله ولدت وجبت حبيبي الله يعطيه الصحة والعافية الدائمة ولو احكي من هنا لين بكرة ماتصدقوا كيف كانت سهلة الولادة هذي المرة مع انها الولادة السابعة والحمد لله مع اني كنت خايفة مرره بس الحمد لله ماستغرقت الطلوق والولادة ساعتين على بعض وهذا بسبب الدعاء والالحاح بالدعاء والاستغفار في كل وقت ومشيت بس هذا اللي سويته ماكلت حلتيت ولا زعفران الا تمر كم حبه وحليب بالعسل مره وحدة واليكم القصة بالتفصيل :
في يوم الاحد الموافق 17 . 7 . 1432 هـ في تمام الساعة الثامنه { شوفوا الحرمة امحق عربية فصحى خخخخ} المهم قمت ابي اروح للحمام الله يعزكم ابي اعمل بول اكرمكم الله وانا اعملها الا المويه اللي تنزل علي بكل هدوؤ وبدون سابق انذار غير بعض التعاديل البسيطة واقوم واروح اكل 7 حبات تمر وموية وشوي شربت حليب دافي بالعسل كاس واحد يالله شربته لاني كنت خايفة ومالي نفس في شي ولما جت الساعة 9 الا جاني الم بسسسسيط واروح لامي الله يعطيها العافية ويطول بعمرها واقولها وراحت لاخوي الله يسعده وقومته من النوم مسكين كان دوبه خلص اختبارات الجامعه وركبنا السيارة وانا اسولف معه وقالي ادعيلي لانه على وجه تخرج ونزلت انا والوالدة ودخلنا الطوارئ قالوا مفتوح 3سم وكان ذلك في التاسعة والنصف وراحت امي بعد ماسالت السسترات متى باذن الله تكون ولادتها قالوا في الليل المهم طلعوني للتنويم جنب كشك الولادة المهم مايمداني حطيت ظهري على السرير الا الالم البسيط واحس اني ابي ادف وقلت للممرضة قالت مسرع دوبك جاية ولما كشفت علي الا مفتوح عشرة الحمد لله قالت غريبة يالله يالله غرفة الولادة واحد وركبوني على الكرسي وبغمضة عين الا وانا عند سرير الولادة وقامت الممضة وشالتني وحطتني على السرير وفكت رجولي وعلى طول دفيت ولا تنقز الثانية عند رجولي وتمسك البيبي وتبارك لي وتقول اول مرة تجينا حالة ولادة سريعه وسهله زي كذا ولما طلع البيبي كانت الساعة عشرة وخمس تقريبا المهم خيطوني وخلصوا مني الساعة 11 ودقت علي امي قالت لي كيفك يابنتي ذحين قلت لها انا طيبه يمه واستغربت من صوتي قالت انتي ايش بك قلت لها انا ولدت وجبت ولد واحنا طيبين ماصدقت وقالت ماشاء الله ماشاء الله لا تقولي لاحد العين حق يابنتي ولاتقولي لزوجك الا مع الظهر {زوجي مسافر } يازينها امي خايفه علي بس الله يحفظنا جميعا بالله قولوا ماشاء الله تبارك الله وانا اللحين اكتب وجنبي حبيبي وربي سبحانه منعم علينا وان شاء الله يتمم علينا وعلى والدينا وذريتنا بالصحة والعافية

انتـــــــــــــــــــــــــــــــــــــــــــــــ ـــــــظر ردودكــــــــــــــــــــــــــــم يالحلوات

[يمكـ دروبي]

الحمد لله ع سلامتك
والف مليووووووون مبروك النونو
يتربى بعزك

[mr00m]

ماشا ءالله تبارك الرحمن ولا حول ولا قوة الا بالله

الف الف الف مبروكــ يالغالية

[قلب عايض]

ماشاء الله تبارك الرحمن الحمد لله على سلامتك ياقلبو ومبروك ماجالك ويجعله ربي من الذريه الصالحه البارة بكم يارب ويقر عينك فيه ويحفظه من كل مكروه >>وش سميتيه << الحرمه تعبانه وانتي فاضيه هع هع

[شموسه]

ماشاء الله الف مبرووووووووك ولي العهد

يتربى بعز اهله

[غلاي امي]

مشاء الله لاقوة الا بالله

الحمد لله على السلامه ومبروك ماجاكم

[Joana]

ما شاءالله تبارك الرحمن....الف مبروك...من مواليد السعاده ان شاءالله

و عقبالنا ان شاءالله....

[مشتاقة لضمة ابوي]

ماشاء الله تبارك الله ولاحول ولا قوة الا بالله
الف الف الف الف مليووووووووووووووووووووووووووووووون مبروووووووووووووووووك
وحمد لله على سلامتك وسلامة ولي العهد
الله يقر عينك بصلاحة وتقواة
عقبال يارب مانولد مثلك
دعواتك يالغالية لنا

[زوجي دنيتي الحلوه]

الف الف الف الف مبروووك .. يالغلا ..
وجعل الله من مواليد السعاده يارب

[أحلى حلم]

ماشاء الله تبارك الله ،،، الف الحمد الله على السلامه

وياااارب مثل ماسهل ولادتك انه يسهل علي وعلي جمييييع الحوامل يارب العالمين