العبايه على الكتف وش رايكم

[**جووجوو**]

إنتشار عباءة الكتف بشكل رهيب

إلا من رحم ربي...

وطبعا حكم لبس المرأه المسلمه لعباءة الكتف

مافيها نقاش بإنها محرمه

لأن الله سبحانه وتعالى ماشرّع العباءه للزينه

بل شرّعها سبحانه لستر المرأه

فنصيحتي حق هالبنات... أقولهم واللي حجتهم دائما

شنسوي يعني نطلع مبهذلات

أقولهم احنا ماقلنا اطلعوا بشكل غير مرتب

ولاترتبون أشكالكم

بالعكس أكثر اللي اشكالهم مرتبه اللي يلبسون عباية الراس

واذا تبون تتكشخون اكشخوا لأهلكم داخل بيوتكم

اكشخوا بالمجتمع النسائي


لكن لاطلعتي برا مو لازم تتكشخين وتحطين المكياج

وتلبسين عباية الكتف اللي تفصل الجسم

وانتي تمشين بالشارع بالسوق بالدوام

في رجال من جميع المستويات الأخلاقيه

فيه رجال يغضون أبصارهم وفي رجال لا

اذا شافوش منتي محتشمه راح يمعنون النظر

وراح تتعرضين لمضايقات سواء بالألفاظ

أو قد تصل للمس لأن انتي عرضتي جسمش

انتي عرضتي زينتش للرجال الأجانب

صدقوني عباية الراس تخلي الوحده تمشي واهي واثقه من نفسها عباية الراس تاج يوضع على رأس المرأه

عمركم شفتم تاج يوضع على الكتف؟؟ طبعا لا

واحنا الحين بزمن الفتن الله يكفينه شره (( القابض على دينه كالقابض ع الجمر )) ..

تاجي حجابي

::::::::::::::إضافة مهممممممممه::::::::::::

كانت الجواري في عهد الرسول الكريم صلى الله عليه وسلم هم من تكشف عن وجهها او يديها او قدميها او غيره لأنها تباع وتشترى فتعتبر من عروض التجارة 00 أما الحرة الأبية فلا يرون حتى طرف أصبعها 00

لذلك قال تعالى (ذلك أدنى أن يعرفن فلا يؤذين) تنعرف الحرة من الأمة بالحجاب الشرعي 00

وليس الحجاب هو غطاء الرأس 00 فما حجبت تلك إلا شعرها ولم تحجب الأهم 00

همسة للأخوات من قلب محب 00
لا نفسر الحجاب إلا بدليل فنحن محاسبون عن آراءنا وعلى كل كلمة نقولها 00 فلا نكون كمن سن سنة سيئة فأصبح عليه وزرها ووزر من عمل بها إلى يوم القيامه 00
لننتبه
لو قلت أن العباءة التي على الكتف حرام لحرمت أن ما يلبسونه الأخوة العرب من سوريين ومصريين المعروف باسم الخمار 00 ولا تغالطوا انفسكم وتقولوا ان العباءة على الكتف مع لبس (الشيلة أو الطرحة) ولفها على الرأس هي من الخمار 00 لا وألف لأ 00 يجب أن يكون متجافيا ًعن جسمك 00 كما خمار الأخوة المصريات 00 وكلنا نعرفه 00 لننتبه

ولو قلت أن عباءة الرأس هي الواجبة 00 لحللت ما تلبسه بعض النساء -هداهن الله- من عباءات مزخرفة ومطرزة سواءاً على الأكمام او حتى على العباءة ككل 00 بعذر أنها على الرأس 00

[عقد لؤلؤ]

شاااااااكرة لك موووووووضووووووع رائع

أنا عن نفسي كنت ما ألبس إلا عباية الراس

لكن بعد ما جبت بنتي ما قدرت والله

لأني إذا شلت بنتي تطيح العباية وأحيانا ممكن

أدعس عليها بالغلط وأطيح

فلهذا السبب اضطريت أني ألبس عباية الكتف لكن واسعة وأهم شي أنها

تكون غير ملفتة وغير مظهرة لمفاتن الجسم وهذي هيا العباية المطلوبة

لكن كتحديد أن الرأس هي الواجبة والكتف لا تجوز فهذا لا لأن ما ورد

دليل صرررريح بلبس (عباية الرأس) لكن أهم شي الستر وعدم لفت الانتباه

بالألوان أو ما شابهها .

شاكرة لك مرة أخرى على موضوعك الرائع

[غير كل الناس]

السلام عليكم حبيبتي اشكرك على موضوعك بس ياليت ماتحرمين الا العباة المخصره والي فيها زينه اما الفراشه مافيها شي اتمنا تشوفين هالمقطع

[دافئة المشاعر]

هلا حبيبتي
من وين لوين صارت محرمه..؟؟
اذا فيها الاحكام الشرعيه مافيها شي واعطيك مثال وصوره عنها


فلا تعقدون الامور
من تبي عبايه الراس بارك الله فيها وقوها
ومن تبي الكتف بحترام بعد ماعليها خلاف

اتمنى تتقبلين مداخلتي البسيطه
ومثل ماقالت اختي لؤلؤ بحالات عبائة الراس صعبه التحرك فيها بحريه
وخصوصا الي وراه جيش من العيال هههههه

خالص تقديري

[سـكر زمـاني]

انا البس عبائه راس ..وتعجبني عباءة الكتف واحس انها مريحــه لكن خايفه من عقاب ربي وافكر بالدنيا انها مــاتسوى...اتمنى شيخ موثوق يشوفها ويفتي لنا حــرام او حلال
طبعــا بدووون نقوش وزخرفه وتخصير.....يارب الثبات

[عزيزة النفس]

انا اشوف رجال وملتزمين ومقصر الثوب وممعفي اللحيه
وحرمته لابسه عباية كتف اسلاميه
والكتف الاسلاميه استر من الراس اللي بعضها انا بنفسي اشوف صدر الحرمه بكل معالمه
وانتو لاحظو وتشوفون
وماعندي اي مشكله بالكتف اللي محتشه وتستر بروز الصدر بالطرحه الطويله
لانها استر واحفظ من عباية الراس
اللي الناس ماخذينها مسئلة عادات وتقاليد
وهذي العادات نقدر نطورها للافضل
مشكوووووووووووووره
على الطرح القوي
والمفيد

[عزيزة النفس]

كانت الجواري في عهد الرسول الكريم صلى الله عليه وسلم هم من تكشف عن وجهها او يديها او قدميها او غيره لأنها تباع وتشترى فتعتبر من عروض التجارة 00 أما الحرة الأبية فلا يرون حتى طرف أصبعها 00
الرسول ماكان يعرف الجواري
وكل الناس بنظره سواسيه احرار
يمكن قصدك عند قريش الجواري
ومن ليسو على دين الاسلام بزمن الرسول

[الملح كله]

وطبعا حكم لبس المرأه المسلمه لعباءة الكتف

مافيها نقاش بإنها محرمه

معليش أختي هاتي دليل أنها محرمه ولا تفتين من عندك

بالعكس أكثر اللي اشكالهم مرتبه اللي يلبسون عباية الراس

بالعكس الي تلبس عبايه على الراس شكلها مبهذل ياأما كل شوي تطبح عبايتها ياأما صدرها بارز ياأما نص ملابسها باينه الا من رحم ربي

بالعكس العبايه على الكتف ارتب واحلى واستر

ويسلموو خيتي على الطرح

[غبار الورد]

والله مو كل عبايه راس حلال ومو كل عبايه كتف حرام
لان بعض العبايات الراس ضيقه ومخصر
انا عن نفسي البس عبايه كتف بس مافيها ولا زينه وطرحتي مررره طويله *
العبايه ستر وكل مرآة تعرف كيف تستر نفسها

[عزيزة النفس]

والله مو كل عبايه راس حلال ومو كل عبايه كتف حرام