السلام عليكم

[رنيم الشهري]

اخباركم
امم حابه اوضح وضعي واتمنى تساعدوني
انا عمري 23 ولي شهرين من تزوجت
والدوره تجيني كل 18 يوم
وتقدمني 5 ايام يعني مثلا الشهر اللي طاف جات لي 15
الشهر تجيني 10
هل تعتبر منتظمه؟
وهل مجيئها لي كل 18 يوم امر طبيعي؟ واا كان طبيعي متى يحدث لي تبويض
وشكرا

[أم رزاان]

لا طبعاً مو طبيعي 18 يووم !!

روحي للدكتورة فوحدها القادرة على اعطائك
إجابة شافية لسؤالك يالغاليه

[رحيق القلوب]

والله ياعسل ما اعرف لان اول مره اقابل وحده دورتها 18 يوم انتي تحسبي طول دورتك من اول يوم دوره الى اول يوم دوره بالشهر الثاني والاكيف؟؟؟
لان غريبه احس حسابك غلط
ثانيا فيه جدول نزلته لوحده لحساب ايام التبويض وهذا هو الرابط
http://www.tbeeb.net/ov.htm

بس لو انتي ملاحظه اقل دوره 28 يوم
بس انا قلت لك شكلك تحسبي غلط بيني لي كيف حاسبه دورتك

[رنيم الشهري]

حبيبتي انا اظل بدون دوره بس 18 يوم تجيني عشر ايام
شكرا ع الردود

[دلع الأحساء]

امممم مادري احس طبيعي

دام الدوره كل شهر تجيك فهيا منتظمه بخلاف لو تأخرت يوم او يومين اهم شي ما تتأخر اكثر من اسبوع لان لو تأخرت اكثر من اسبوع تعتبر مو منتضمه

[سحآبة فجر]

هلا قلبي انا الدكتوره قالت لي لو تأخرت أسبوعين أو تقدمت اسبوعين ما عندك مشكله دامها تجيك كل شهر المشكله لو كانت تتأخر أكثر كذا تكون غير منتظمه .. اتوقع بوضعك عادي ياقلبي مافيه مشكله بس اسألي الدكتوره افضل علشان تتطمني لأنه يختلف الوضع و عن ايام التبويض كمان هي تفيدك
انا الدكتوره قالت لي احسبي من يوم 11 من نزول الدوره الى يوم 18 وخاصة يوم 14 و15 و16 هذه ايام التبويض بس ماادري كيف في حالتك دامها تجيك كل 18 يوم ياقلبي
نصيحه روحي لو تقدري للدكتوره تفيدك بأذن الله افضل

انا قلت لك اللي اعرفه فأن اصبت من الله وان اخطأت من الشيطان
ان شاء الله اكون طمنتك ياقلبي وافدتك لو بالقليل

[برّو !]

واللهي انا سمعت ان 18 يوم غير مؤهله للحمل
اقلها 20 ولا 21 يوم
بس يارب انه خير
وانشالله انك تحملين بدون ادوية وخرابيط
موووفقة ياقلبي^^