ياليتني خادمه بين اياديك

[الشوق عطري]

ياليتني خادمه بين اياديك

*يـا ليتنـي خدامـة بيـن اياديـك .. من شان اشوفك كل يوم برضايـا*

(ماعاش من يخليك خادمة يا يمه)

هذي قصيده مؤثرة لأم تشكي حالها بعد ان وداها ولدها (الله يهديه) للمصحه (دار العجزه) او كما يقااال ( دار النسيان) والبيت يبكي حتى القلب القاسي

اترككم مع القصيده

وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك .. من شان اشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا

(حسبي الله ونعم الوكيــــــــــــــل)
الله يكون فعونها آميــــــــــــــــن

[ريانة العود]

حسبي الله عليه

والله قصيده تقطع القلب وربي


حسبي الله على ولدها وعلى كل اللي هم على شاكلته

والله لو يدرون قد ايش تعبوا عليهم أمهاتهم وسهروا...

لو بس يدرون قد ايش الأم تعاني عشان يكبرون عيالها ويكونون أحسن الناس


كان الواحد يشيل أمه من الشرقيه للحجاز مشي وهي على ظهره ويطوفها ويسعيها ويحس انه ما سوى لو أقل من ربع اللي هي سوته له



مشكوره غاليتي وآسفه على الاطاله

>>>>بس من زود ما انقهرت على هالمسكينه وكل الأمهات اللي مثلها



نسأل الله يهدي الجميع



أرق التحآآآيآ

ريآآآنة

[الشوق عطري]

كل ولد لا يحترم امه ولا ابوه
ماراح يرتاح لما راح يجيب اولاد او بنات
راح يعالمونه مثل معالمته الى امه
ولا تضايقي يا قلبي هذي الدنيا صارت كده كل واحد
قلبه اقسى من ثاني
ما الينا الا نقول
الله يهديهم
شدعوه لو ما طولتي ولا شي هذا مو موضوعي بحالي موضوع جميع الاعضاء
منوووووووووره يا قلبي .. تقبلي مروري