الحمدلله .. ولدت باالسلامه .. اللهم لك الحمد

[ريونه]

السلام عليكم ورحمة الله وبركاته

قصة ولادتي
يوم الاحد كنت رايحه السوق
الا وانا اتسوق كان احس انه ينزل
مني مثل كيس الماي اللي انكب مني
كان اجلس واقول يارب مايكون دم
واكمل مشي ونفس شي احس باالاحساس
واجلس ادعي يارب خير
واروح البيت وجاني الم خفيف مثل مانتو عارفين
طلق البنت بارد يروح ويجي
واقول ل زوجي انا عندي احساس اني بولد
المهم كان انام ويجيني الم في بطني وشوي ظهري
طول الليل انا علي هذي الحاله
جاء الصباح واكلم الدكتوره قالت هذا طلق تعالي على
المستشفى يادوب كلمة زوجي يرجع من الداوام الا نمسك
خط الظهران .
دخلنا المستشفى الا تكشف تقول فاتح 1
وحطت طلق صناعي علشان الماي
وكل مازاد الطلق يعطوني ابره علشان مايبرد الطلق
الساعه 12مساء ولدت بنتي ربي يجعلها شفيه لي ولوالدها
يوم القياامه يااارب .

ملاحظه للحوامل : ربي مايحمل ويهمل وماجعله يطلع بهذي
الطريقه وهذا الالم الا احناا قادرين نتحمل ..

باالنسبه ل مستشفى ارامكو الظهران : متاعونين مع الوالد
مايتقرفون منك في دخولهم الحمام معاك ..

ربي يسهل على جميع الحوامل .. امين يارب العالمين

[هلاك بس ملاك]

الحمدالله على سلااااامتك

[ريونه]

الله يسلمك ياعمري
ربي يهون عليك

[نسمة دفا]

الحمدلله على سلامتك

وربي يجعلها شفيعة لكم يوم القيامة

ويعوضك بالحمل القريب التام والولادة الميسرة والطفل الصحيح المعافي

ياحي ياقيوم

[ام اسكندر]

لا حول ولا قوة الا بالله
الله يعوضك خير يارب

[فليك]

الف الحمدلله على سلامتك عيوني
بس ما فهمت البنوته معك ولا !!!

[ورده وسط شوك]

حمد الله على سلامتك

[شهرزاااد]

الحمد لله على سلامتك
وان شاء الله بنتك طيبة
طمنينا

[أم عبدالرحمن السلفية]

ما شاء الله تبارك الله

[ريونه]

لا والله بنتي توفت اثناء الولاده
يارب تجعلها شفيعه لي ولوالدها
يوم لاينفع لا مال ولا بنون