كل اللي مطلوب دعوه من القلب ولو في سركم

[بنت الاصيل]

السلام عليكم ورحمة الله
اخواتي الاعزاء انا قرءت موضوع في منتدي وطلبت مننا صاحبة الموضوع بلدعاء وانا من واجبي حبيت انقلكم الموضوع علشان تدعولها معايا

السلام عليكم

انا بكتب وأنا مش عارفه أقول ايه ولا اعمل ايه

بس الحكايه كلها ان واحده صاحبتي هي من المنصورة برضه بس هي في الطايف وانا في مكه

المهم من كم يوم جوزي قالي الحقي دي فلانه اتحرقت
قلتله اتحرقت ازاي وفين وحصلها ايه
وبجد ما جاليش قلب اكلمها اصلا

وقلتله يلا خد اجازة من شغلك وتعالى نشوفها

رحت وياااااااريتني ما رحت يا ريتني
كنت متخبله حاجه بسيطه
لقيت جسمها كله محروق حروق من الدرجه التالته عميقه يااااااااااا الله

لقيت وشها كأن 4 أوشاش في بعض من حجمه بس الحمد لله الوش مش من الدرجه التالته هو لونه اصفر وورام جدا وشفايفها هي الي لونها بني بس لما بتحرك وشها في جلد بيلزق في الشاش

المهم ده وشها هو اقل شيء

ايدها الشمال العظم بان من كتر الحرق انا ما شفتوش هو ايديها كلها شاش كتير جدا

صدرها وبطنها والمنطقه الحساسه لحد الركبه كل ده حروق فظيعه فظيعه من الدرجه التالته وهي كانت عامله قيصريه كمان ده اثر جدا

طبعا من باين منها الا وشها

عايزة اقول انها بتتعذب جدا جدا خصوصا انهم لازم يحموها كل يوم ويقعدوا يضغطوا ع الحروق عشان تطلع الصديد

وكمان بيتعذبوا ماليا جداااا لان اليوم ب 550 ريال في مستشفى الملك عبدالعزيز بالطائف

نفسي نقدر نعملها حاجه

وهي هتعمل كذا عمليه ابتداء من الاسبوع الجاي
ربنا ما يكتبها على اي حد فينا ياااااااااااااارب

سبب الحرق:

نامت بالليل وعندها ولد وبنت الولد 5 سنين ونص والبنت 3 سنين

بعد ما نامت قاموا ولعبوا في زراير البوتوجاز

قامت الصبح تعملهم شاي بحليب عشان يفطروا

لسه بتولع الكبريت العيون الي فوق مسكت في جسمها من فوق
والفرن اخد جسمها الباقي
وكويس انه كان يوم جمعه وزوجها موجود هو الي طفاها

الحمد لله ع النعمه الي احنا فيها

الواحد يحمد ربنا مليون مره في اليوم

يارب ألطف بيها يارب

بالله عليكوا تدعولها من قلبكوا في كل وقت وكل صلاة هي اسمها منى

وبرضه الي يقدر يساعدها ممكن يروح لها المستشفى او اي حاجه

ونصيحه اخيره خلوا بالكم كويس من البوتوجاز واقفلوا الانبوبه قبل ما تناموا

وخلوا بالكم من عيالكم ربنا يحميهم ويحفظهم

[ام رتوله]

يالله يا كريم ألطف بحالها
والله شي يقطع القلب
الاطفال الله يهديهم ما يعرفوا الخطر
والام مسكينة الان تعاني معاناة عظيمة
الله يشفيها ياليتني بالطايف وازورها واساعدها باللي اقدر لكن لها دعوة ان شاء الله

[بنت الاصيل]

المشاركة الأصلية كتبت بواسطة ام ديالا2

يالله يا كريم ألطف بحالها
والله شي يقطع القلب
الاطفال الله يهديهم ما يعرفوا الخطر
والام مسكينة الان تعاني معاناة عظيمة
الله يشفيها ياليتني بالطايف وازورها واساعدها باللي اقدر لكن لها دعوة ان شاء الله

جزاكي الله خير مافي في ايدنا غير الدعاء لها

[مشاعل الدوسري]

يا الله الله يلطف بحالها انشالله و يساعدها يارب

قدمو لها في الجمعيه الخيريه انشالله بتتقدم لها المساعده ...
و اكتبو اوراق و حطو المعلومات عند المساجد خلو زوجها يقول لأمام المسجد يساعده

خلو زوجها يقول للأمام ..
انا ماابي الفلوس بيدي .. لكن لو تساعدوني تدفعون و الخ ... يالله عورتي قلبي عليها .. انشالله ربي يسر حالها ..

[بنت الاصيل]

المشاركة الأصلية كتبت بواسطة مشاعل الدوسري

يا الله الله يلطف بحالها انشالله و يساعدها يارب

قدمو لها في الجمعيه الخيريه انشالله بتتقدم لها المساعده ...
و اكتبو اوراق و حطو المعلومات عند المساجد خلو زوجها يقول لأمام المسجد يساعده

خلو زوجها يقول للأمام ..
انا ماابي الفلوس بيدي .. لكن لو تساعدوني تدفعون و الخ ... يالله عورتي قلبي عليها .. انشالله ربي يسر حالها ..

جزاكي الله خير يا اخت مشاعل ياريتني اعرفها او في الطائف كنت زرتها بس يارب دعوانا توصلها

[afrah]

يا الله الله يلطف بحالها انشالله و يساعدها يارب

[ملكة الثلوج]

يالله يشفيها ويساعدها ويصبرها ان شاءالله مأجورة ..

[السماح]

الله يشفيها ويعافيها يارب
فعلا الحرائق هذه تكون صعبة جداااا
يارب ييسر لها الحال يارب

[بنت الاصيل]

كل اللي دعت بلكتابه او في سرها واللي هتدعي جزاكم الله خير ويكفيكم شر المرض والمستخبي يارب

[أم ريهام]

لا حول ولا قوة إلا بالله

اللهم هون مصابها

أسألك بجلالتك وعظمتك وقوتك وجبروتك وكرمك وحلمك وكرمك أن ترحم أختنا في الله

وأن تجعل جسمها مشافى معافى بفضل منك ومنة


وأن ترزقهم من حيث لا يحتسبون

واللهم الصبر والسلوان وأن تثبتهم على دينك ولا تحوجهم إلا لك يا رب العالمين