جنيني مات او توقف نموه وما ادري ما الحل

[ماﺀ السماء]

سلام حبيباتي

انا تاريخ اخر دوره لي كان في وسط شهر يناير يعني صار لي الان الاسبوع السابع تقريبا
المهم اول ما تاخرت علي الدوره سويت فحص حمل منزلي وكان سالب
استنيت اسبوع وكرررت الفحص مره ثانيه وبرضه سالب
رجعت رحت في يوم 2 من هالشهر للعياده وسوتلي فحص
وطلع ايجابي بس حمل خفيف او ضعيف ماأدري كيف
المهم كان الغثيان يجيني وكل شي عادي بس من يومين اجتني الام فضيييييعه مثل الام الولاده وكانو طلق
واستمرت وقت ومن يومها مو حاسه بغثيان ولا اي عرض للحمل والالام مستمرررررره بس ما نزل ولا نقطة دم واحده رحت اليوم للدكتوره وسوتلي سونار داخلي وقالت ان الجنين حجمه مررررره صغير ومافيه نبض
انا قلت يمكن توه متكون في نهاية شهر ابريل عشان كذا الفحوص كانت سالبه ويمكن برضه يكون مات وتوقف نبضه قبل يومين لمن جاتني الاوجاع ما ادري ايش الدكتوره قالت نستنى كمان كم يوم وارجع لها ياما تجبلي حبوب تسقطه او يمكن يكون نمى خلال هالايام وما مات ما ادري ايش اسوي والله تعبانه وحاسه الم فظيييييع كمان مسافره يوم الاثنين وموعد الفحص الاحد الصباح ادعولي بنات وقولولي ايش اعمل ومن حصلها مثلي

[السعاده بطاعة الله]

يارب يهون عليك ويكون معك ويطمن قلبك ويرزقك الذرية الصالحة وكل الي من الله خير لنا أكيد

[ريحانة الجنة]

كله خييييير ياغالية
اللي يجي من ربنا حييياه
يعني ريحي بالك ولاتفكري لأنه حتى
هذا القلق والله يضر الجنين مرة..لكن
لو مضى امر الله ونزل تراه شافع صفصوف
الله يقر عينك يارب ويبشرك بما يسرك يارب
وكلام الدكتورة هو الفصل بحالتك هي اللي بتحدد
اش تسوي لكن اقولك لو لاقدر الله والجنين توقف نموه
لا تأخذي الحبوب الا بعد السفر لماتوصلي للمكان اللي راح تستقري
فيه على الاقل لاسبوعين ثلاثة .
الله يعينك ويسهل لك ياغالية

[Um Ghala]

يمكن حمل متأخر و ما يبين للحين .. انتظري مثل ما قالت الدكتورة و ان شالله خير يآرب

[امجااد]

لاتخافي ولاتفكري وربنا يكتب لك الي فيه الخير يارب وتسهل لك
بالنسبه للنبض ياما صارت يكون مافيه نبض ويرجعون بعد فترره وتكون الامور تمام

اختي والله صارت معاها ولسى ماولدت بالشهر التاسع خلاص الشهور الاولى قالوا لها كذا

انا ماابغى اعطيك امل وبعدين اذا حصل شي تتحطمين انتي مومنه ولايحتاج اقول لك عليك بالصبر ان شاء الله انك صباره

وباذن الله مايحصل لك غير الي يرضيك وانا مع ريحانه لاتاخذي الحبوب الا اذا استقريتي واسال المولى انك ماتحتاجي لها

[ابتسامه رغم الالم]

حبيبتي اطمني ان شاء الله خير لا تستعجلين بالقرار واذا لا سمح الله وطلع انو في الجنين شي الحمد ممكن يكون الجنين مش كويس فرحمه ربي حبيبتي انو ينزل بعرف انو هالذا الشي صعب ولكن امر الله


والله يقر عينك بشوفته تسعه اشهر ياحي ياقيوم

[fafini]

ما عندي فكره يا غالية انا كمان رحت الاثنين كان بعد يومين بخلص الاسبوع السادس والدكتورة ما لاقت النبض اعطتني موعد للاثنين لنشوف ربي يسهل معنا

[مرهفة الإحساس]

يا قلبي ان شاء الله ما فيه شي عادي يمكن بس اجهدتي نفسك شوية عشان السفر وان شاء الله لمن تروحي مرة تانية يكون الوضع تمام يا قلبي وان شاء الله ادعيلك يا الغلا في صلاتي ان ربي يحفظ لك جنينك

[ماﺀ السماء]

ربي يحفظكم ويسعدكم يالغاليات كلماتكم بلسم والله
تعرفو انصدمت لما عرفت اني حامل لان ما كنت متوقعه
وكنت حاسه انه ما راح يكمل بس بنفس الوقت زعلت يوم
حسيته صحيح باقي عندي شوية امل انه لسا ممكن يكبر بس بنفس الوقت حاسه انه عاش ونبض قلبه ورجع مات
عالعموم انا راضيه تماما بقضاء الله وقدره والحمدله والشكر هو اعلم وارحم الراحمين وكل تفكيري الان في كيف راح ينزل اخاف اضطر اسوي عملية تنظيف وما ابغى اسويها في اليمن الدكاتره والمستشفيات عندنا حالتها ميؤؤس منها ما ادري اذا ينفع استنى شهر وارجع اسوي العمليه هنا والا لا

[~قموووره~]

صفصف حبيبتي اعرف كتير صبايا بالمنتدى يكون الجنين بدون نبض للأسبوع التاسع والعاشر اصبري ياقلبي ولاتحاولي تنزليه اللحين راجع بعد اسبوعين وشوفي واذا ربي كاتبله عمر راح تسمعي النبض بإذن الله وعلى كلامك ممكن حصل حملك متأخر وبالنسبه للتنظيف تستني شهر اسألي دكتورتك احسن
الله يقر عينك حبيبتي ويكتبلك اللي فيه الخير والصالح ويارب تنبسطي عند اهلك باليمن تروحي وترجعي بالسلامه