دورتي غريبه بعد الحبوب و الابره -- ساعدوني

[السلطانه 22]

السلام عليكم
كيفكم يا بنات ان شاء الله بخير

عندي مشكله و هي مشكله الدوره من شهرين
اول شي انا عندي ضعف تبويض بشهر رمضان كان حجم البويضه 12 بيوم 13 من الدوره و قالت الدكتوره ممكن يكون تبويضك متاخر و الحمدلله انا دورتي منتظمه في الغالب تجي كل 28 يوم المهم جات الدوره ب 12 رمضان و كانت متقدمه اسبوع عن موعدها و نزل دم عادي لمده 24 ساعه بالضبط و وقفت و اليوم الثاني صرت لما امسح بالمنديل اشوف افرازات بنيه و استمرت 4 ايام و وقفت مع ان دورتي اقل شي 5ايام و في ثالث يوم دوره اخذا اقراص نولفادكس لمده خمس ايام و في يوم 11 صارت البويضه ما شاء الله بحجم ممتاز و اخذت ابره تفجيريه
لكن الحمدلله نزلت الدوره امس باليل الساعه 10 خهههههههههه >> بالتفصيل
بس نزلت بعد الجماع طبعا لكن كان شكلها غريب بعد الجماع نزلت افرازات كثيره لونها وردي ببيج و فيه قطع صغيييره مرره كثيره يعني نزلت مره وحده و انقطعت استحميت و بعدها ما صار ينزل شي لمده ساعتين و رحت الحمام و ينزل نفس ذاك الافراز بس غامق شوي و يوقف
و كل ما اروح الحمام و اضغط على نفسي ينزل شوي و امسح بالمنديل
و رحت مره ثانيه الفجر و لقيت خيوط حمرا لزجه و مره رحت و نزل سائل احمر زي المويا
و نمت و لما صحيت ما لقيت شي و صرت كل ما اروح الحمام و اضغط على نفسي القى افراز رايب وردي و مستمره هالحاله لليوم و دحين حاسه بالم باسفل ظهري يوصل للساق و بطني الم يروح و يجي و الم بالجوانب تمتد لظهري
و مو عارفه ايش السبب
انا قبل شهر رمضان كانت دورتي تنزل على طول بدون لا افرازات بنيه و لا وردي و لا شي و تستمر من 5 الى 7 ايام
هل هو بسبب الحبوب اللي اخذتها و لا بسبب الابره التفجيريه و لا دليل على التهابات او قرحه بالرحم و لا سدد ؟
و الله ضايعه و متضايقه
فيه احد حصله مثلي ؟
انا شرحت وضعي بالتفصيل على اساس تفهموني و تستشيروني و اخذ رايكم ؟
الله يوفقكم و يرزقكم باللي تتمنون <<<< قولوا اميييييييين

[نبضة أملـ]

حبيبتي انتي بتكوني بأي يوم من بعد الابره
وكم ضلت الإفرازات معك اللي تحكي عنها
وسويتي تحليل حمل او لا
لازم تحكي عدد الأيام لانها مهمه كثير
والله يرزقك الحمل السليم التام يارب

[ahlam-f]

طيب روحي للدكتوره وتاكدي اذا هي دوره او حمل مش ثابت ...

[السلطانه 22]

المشاركة الأصلية كتبت بواسطة نبضة أملـ

حبيبتي انتي بتكوني بأي يوم من بعد الابره
وكم ضلت الإفرازات معك اللي تحكي عنها
وسويتي تحليل حمل او لا
لازم تحكي عدد الأيام لانها مهمه كثير
والله يرزقك الحمل السليم التام يارب

انا اليوم 19 من الابره
سويت تحليل منزلي في يوم 12 من الابره و طلع سالب
و الافرازات من امس باليل الى دحين بس دحين بدت تنزل نقط دم اتوقع دوره بس ابعرف ليش خفيفه ؟

[السلطانه 22]

المشاركة الأصلية كتبت بواسطة ahlam-f

طيب روحي للدكتوره وتاكدي اذا هي دوره او حمل مش ثابت ...

بكره رايحه ان شاء الله

[عظيمة الشوق]

لازم تحللين المفروض التحليل بعد 14 بعد الابره التفجيريه

[السلطانه 22]

الحمدلله رحت الدكتوره اليوم و قالت نسوي فحص حمل بالدم و طلع سالب سالتها ليشالدوره نقط و ساعات ما شوف شي قالت يمكن بسبب الحبوب المنشطه
و قالت فيني قرحه و بعد ما اخلص من الدوره اروحلها و الله العالم ايش بتسوي و كمان قالت الشهر هذا ما احتاج منشطات بس انا بستخدم اشياء طبيعيه مدام ما فيه حبوب استخدمها


المهم انا دحين مررره ناشفه و ابغى منكم مشروبات تنزلها زين متضايقه

عندي كمون و قرفه و زنجبيل و حبه البركه و ميراميه و بردقوش
اي واحد افضل عشان يتنظف رحمي
مشكووراات