حقيبه المستشفى

[Omharoon]

السلام عليكم
اخواتي انا بنص الشهر السابع و هذا حملي الاول
متى اجهز حقيبة المستشفى !؟
وماذا أضع بها !؟

[حبيبةة امها]

وعليكم السلام .. انا بكريه وماقدر افيدك بس حسب خواتي لما يحملون كانوا يجهزونها لما ييقى عالتاسع اسبوع بس مادري وش فيها بالضبط

[جالكسي و الدنيا عكسي]

عادي حبيبتي ابدي جهزيها من الآن او اول الثامن ..
ويكون فيها بجامه او روب لكي وملابس داخليه مناسبه ومريحه ..ومنشفه
و2 ملابس للبيبي ومنشفه ولحاف ...وقبعه ..وادوات استحمام لكي ..
وفوط صحيه لكي ... وبامبرز للبيبي ومناديل مبلله ..ورضاعه ..ولهايه اذ حابه تعطين البيبي ...وشبشب وانتي بكرامة لكي ... وعطر..وكريم ومشط ...
هذا طبعا اذ بس بتتنومي يوم بعد الولادة اذ أكتر يمكن تحتاجي ملابس اكثر



ان شاء الله مانسيت شي واذ نسيت ان شاء الله البنات يذكروك....

والله يسهلك الحمل والولادة وتفرحين بضناك باحضانك سليم معافى يارب العالمين

[أنوار الولاية]

بالنسبة للملابس حطي اكثر لكي وللبيبي

احيانا البيبي يكون فيه بوصفار فيخلونك ٣ ايام بالمستشفى تقريباً

واخذي لك كريم عن تشققات الصدر انا نصحوني اني ادهن صدري من الحين كل يوم بزيت زيتون حتى ما يصيده جروح ، وناويه احط لي علبه صغيره فيها زيت زيتون لاني مابي احط كريم بعدين يصير في فم البيبي

و إن شاء الله الاخوات يذكرونا بشي اذا نسيته

[أم حمودي وعبودي]

في الولادة الطبيعية بتنامي يوم في المستشفى بعد الولادة طبعاً
أما لو ولادتك قيصرية بتحتاجي أشياء أكثر
بس أنت خذي أغراض ليوم واحد فقط وباقي الأغراض خليها جاهزة في البيت وخلي زوجك أو الأهل يجيبونها معاهم
بالنسبة لي بدأت تجهيز من نص السابع لأني فكرت بولد ولادة مبكرة عشان كان عندي انقباضات
وحطيت بشنطتي هذه الأشياء
بيجامة واسعة جهة الصدر عشان الرضاعة الطبيعية مع روب
وقميص نوم قطني في حالة كانت الولادة قيصرية
ثلاثة ملابس داخلية مع ستيانات الرضاعة
نعال عشان المشي بعد الولادة ودورات المياه
أخذت علب صغيرة وعبيتها شامبو وصابون استحمام سائل وكريم وزيت عشان الحلمة
وأخذت ليفة للإستحمام ومشط وكريم للشعر عشان شعري جاف
وآخر شي تذكرت المنشفة
وأفكر آخذ عباية عشان لو كان البيبي في الحضانة أطلع أشوفه

أما شنطتي الصغيرة تحتوي على
الأوراق الرسمية وأرقام الهواتف
جوالي مع الشاحن
مرطب شفاه
عطر
كاميرا
ماء
مناديل
مناديل رطبة
كريم مرطب صغير

شنطة البيبي أفكر أتركها في السيارة وزوجي يجيبها بعد الولادة
وفيها
حفاضات
ملابس داخلية وملابس نوم وقماط وقبعة وقفازات وجرابات من كل شي 2
وكنت حاطة مصاصات ورضاعات زجاجية بس ما عقمتها وفي الأخير قررت ما آخذها
وغطاء الرضاعة

وإن شاء الله في الموعد الجاي أسئل عن الأشياء الي متوفرة في المستشفى عشان أخفف الحمل

[أنوار الولاية]

ام حمودي ياهلاا بيك كنت براسلك خاص قلت اختفيتي فجأه عسى المانع خير

ذكرتيني ببعض الاشياء

انا ولدي الصغير ولادته طبيعية لكن ظل في الحضانه جنبي في نفس الغرفه جابو ليه لمبه زرقا وخلوه تحتها

ظل ثلاث ايام قالو بداية ابو صفار وهو صغير افضل يضل تحت مراقبتهم

يعني للاحتياط اخذي كم شي زياده

باقي اشتري ملابس لي ومستلزمات النظافه للبيبي وخلص

الله يقر عينا بشوفة اطفالنا بصحة وسلامة

[أم حمودي وعبودي]

أهلين أم أنوور الولاية
الحمد لله أنا بخير بس اشتراك الأنترنت خلص وراح زوجي يجدد الإشتراك بس كان في شوية مشاكل عند الشركة
والحين أنا معاكم هههههه
كيفك وكيف القمووووره العسل ؟؟

[أنوار الولاية]

المشاركة الأصلية كتبت بواسطة أم حمودي وعبودي

أهلين أم أنوور الولاية
الحمد لله أنا بخير بس اشتراك الأنترنت خلص وراح زوجي يجدد الإشتراك بس كان في شوية مشاكل عند الشركة
والحين أنا معاكم هههههه
كيفك وكيف القمووووره العسل ؟؟

الحمد لله طمنتينا عليك .. انا بخير الحمد لله

ام هارون إن شاء الله اذا بدات اجهز الشنطه وذكرت شي بكتبه 👋🏻