احس بدوار ودوخه زياده عن اول

[أنوار الولاية]

السلام عليكم

كيفكم

بسألكم انا في الحمل عادي تجيني دوخه لكن هذا اذا طولت بالوقفه اكثر من عشر دقايق

لكن الحين صار لي اسبوع تقريبا من اوقف اقل من دقيقه احس بدوار

ما يصير طول اليوم لكن في اليوم كم ساعه يستمر معاي

ماعرف هل خبر وفاة بنت عمتي المفاجيء أثر علي مع ان اكلي زين الحمد لله

موعدي بعد ثلاثة ايام وللاسف لاني اتابع هالمره مع حكومي للحين ما سوو لي فحص دم الله المستعان

احس المستشفيات الحكوميه ذل للي يتابع معاهم

[υм вtℓαα]

وعليكم السلام

ليش ماتتابعين بخاص افضلك اذا وضعك يسمح
وغير كذا حتى تتطمني
المشفى الحكومه ذول واهانه وغير كذا ماتلاقين جواب يريحك

يمكن عندك نقص والا شي
وغير كذا ممكن مع الحمل

[أنوار الولاية]

انا ماحب المستشفيات الحكوميه بسبب عدم اهتمامهم وخلونا فوق الثلاث ساعات ننتظر

بس نصحوني اني اتابع معاهم لان عندي اجهاضات وجنين متوفي من قبل في بطني

بس كلش ماشفت عندهم اهتمام

اول موعد قالوا لي الجنين بعده صغير ٦ اسابيع مانقدر نفتح ملف ! وهم شافو الجنين بالسونار بخير الحمد لله لكن غريبه قوانينهم !

قالت لي الدكتوره تعالي بعد ٣ اسابيع بيكون الجنين كبر واخذت موعد وصار لي ظرف طارىء كان ولدي مريض وتأجل الموعد لكني رحت خاص اطمن على وضعي هالفتره

واخذت موعد ثالث ويوم الموعد اتصلت احتياطا اتأكد من موعدي الي يقولوا لي مو مسجل عندنا ان عندك موعد ؟ والمسج الي رسلوه بتاريخ ووقت الموعد ؟

انا بروح هالموعد الجاي وبشوف اذا ما فادوني بشي بروح خاص ونهاية الاشهر برجع لهم للولاده بس

[أم الزين]

اهلين انوار

مااتشووفين شر


اتوقع عندج نقص حديد

وكثري شرب الماي والله عن تجربه

[بحــ العيون ــــــــر]

مثل ما قالت لكي ام بتوووله

اذا يسمح ظروفك روحي للخااااااااااااااص احسن لكي يا الغلا وريحي بالك
واتطمني على نفسك

والحكووومي مااااااااااااافيهااااااااااااااا خير صارت يا الله بسرعه بسرعه عشان يخلصون الناس وبس

[أنوار الولاية]

الشر ما يجيكم

شكلي صدق بروح خاص

انا اشك ان عندك انيميا الفول g6pd لان اولادي مصابين والدكتور قال اذا الاولاد فيهم يعني من الأم

ما اشتكي من شي الحمد لله لكن بداية حملي كثرت من اكل الفول السوداني وجاني ألم في مفاصلي فانتبهت احتمال اكون مصابه

ان شاء الله بسوي تحليل دم في اقرب وقت

مشكورين

[جنون الحب]

مالك شر ممكن فعلا مصابه او يكون دمك ناقص
وعلى قولتك الحكومي ذذذذل الله يعينا
انا مارحت لهم الا بعد ماتعبت مع الخاص مافيه نتيجه والعلاجات تكلفني
ورحت لهم بعد 3اجهاضات هذا حملي الرابع وربي كريم الله يجبر بخواطرنا ولا المستشفيات الله المستعان دعواتكم