الاستحمام والعنايه بعد الولاده مباشره؟؟؟

[زهرة البنفسج]

بسم الله الرحمن الرحيم
السلام عليكم ورحمة الله وبركاته /
كيفكم يالغاليات يارب تكونوا بأتم الصحه والعافيه
طبعا انا الحمدلله دخلت الشهر التاسع بس في امور واسئله كثيره شاغلتني بما اني بكريه واكيد كثير بنات مثلي ...فحبيت استفيد من تجارب وخبرات الاخوات اللي ولدوا قبل كذا لو ممكن ...
اول سؤال / متى اقدر استحم هل استطيع بعد الولاده الطبيعيه في نفس اليوم يعني في المستشفى ولا لا ؟؟ وإذا لا كيف اعتني بنفسي بعد الولاده على طول لاني مااحب احد يجي وانا مبهذله وريحتي مو تمام ؟؟؟
ثاني سؤال / الخياطه كيف انظفها ماني عارفه هل اخذ معي غسول بيتادين وكريم للمستشفى ولا عادي اليوم الثاني استخدم الغسول ؟؟؟؟
ثالث سؤال / عادي اخذ عطر خفيف ومزيل عرق وبودره ولا تضر ؟؟؟
رابع سؤال / البيبي هل اخذ له اغراض استحمام من شامبو وغيره ولا هم يروشونه من عندهم لاني ماجهزت الا ملابس وحفايظ ومناديل مبلله وسودو كريم وبس؟؟؟
اسفه طولت عليكم بس ياليت الامهات يفيدوني ربي يخليلكم اطفالكم بخير وسلامه يارب

[زهرة البنفسج]

محد اعطاني وجه اهيء اهيء اهيء

[ام البنوتة]

بالنسبة ليكي انا معرفش
بس للبيبي مابيستحماش الا بعد اسبوع وبعد الولادة مباشرة الدكتورة او الدكتور هما اللي بيقموا بتنظيفه

[العاااالي مستواها]

السلام عليكم-اذا الولاده ان شاءالله طبيعي-اول شيئ بعدالولاده مباشره في غرفةالتنويم تروشي بماء حار ولاتستخدمين الصابون بس شعرك بشامبو والابط بصابون ديتول-حاولي قدرالمستطاع ان الصابون مايجي المناطق الحساسه من تحت وتروشي واقفه-بعد كذا خذي منشفه ونشفي شعرك لا تطلعين من الحمام الا لابسه ملابسك ونشفي جسمك كويس بعدين حطي بودرة اطفال من تحت الصدر ومزيل عرق للابط-الملابس عطريها من البيت وبخريها ورتبيها في الشنطه وبكذا ماتحتاجين عطر-الخياطه لاتجينها لانه توهم حاطين لك مطهر وبنج خليها للبيت-البيبي خذي له ملابس بس لانه الممرضات راح يعتنون فيه من ترويشه ولبس لاتشلين هم من البيبي-اهتمي من نفسك وحاولي تكون معك ممرضه ليجيك دوخه او تتعبين من القوف في الحمام وتساعدك في لبس ملابسك-ضروري لاتطلعين منالحمام الا لابسه كويس لابدخلك هواء-ان شاءالله اكون افدتك من تجربتي-الله يسر لك ولكل حامل الساعه المباركه يارب-وعلى فكره ترى انا وانتي سوى في تاريخ اول يوم دوره يمكن نولد سوى انا في مستشفى العسكري-

[دمعة موالية]

الاستحمام لك بعد الولادة عادي اذ ا طلعتي من المستشفى استحمي لانهم بس يخلونك 24 ساعه وتخرجي بالسلامة انتي والبيبي
عادي تستخدمي بودرة ومزيل عرق بس الغسول ماعندي خلفية
الجراحة بعد عشرة ايام تلطفي بمرة بس في الايام الاولى تلطفي بديتول واخذي ااد الحيوي اللي بيصرفوه لك المستشفى زين عن تلتهب الجراحة
اما البيبي يحمموه الممرضات واذا رحتي البيت حممية كل يوم بس

[دمعة موالية]

(ااد) مضاد حيوي اقصد بس من السرعه اسفة

[حجــآزيــۃ]

وعليكم السلام

ايوا الله ياليت احد يجي يفيدنـآ

بليز بليز بليز

[حجــآزيــۃ]

العالي مستوآها
دمعه

الله يسعدكم ويعطيكم العافيه ماشفت ردودكم الا بعد ماحطيت ردي

[هدب دمعه]

انصصحك ياااختي لاتسستخدمي كريم سودو كريم انصصصحك لاتسستخدمينه انا استخدمه لتؤامي وانششالت الجلده المنطقه الحساسه

استخدمي كريم كينا كومب

[حجــآزيــۃ]

^
ايش هذا الكريم اللي تقولو عليه ي بنات ؟؟

انا اشتريت من الصيدليه غسول بيتادين وكريم ميبو

كيف كويس ولا لا


ومتى استخدمهم ؟؟!

كل يوم ؟ ولا كل ماادخل الحمام ؟
ولا كيف بليز خبرونا يااهل الخبره