معلومات تهمني ساعدوني ياامهات؟؟

[زهرة البنفسج]

حبايب قلبي ..ترا والله مو مجامله من جد احبكم ولما اغيب عن المنتدى اشتاق له واحس اني فاقدتكم حيييل ..
المهم في عدة اشياء شاغلتني وماني عارفه لها جواب ...اتمنى القى الافاده منكم ..
اول شي ولدي الله يحفظه خلص شهرين وله اسبوع بالثالث وللحين يرضع رضعه صغيره 50 مل بس ولما ازيدها يرجع مدري ايش اسوي علما اني ارضعه صناعي لانقطاع الحليب مني ولاني اخذ حبوب ..
ثاني شي سمعت او بالاصح قريت انه ببداية الثالث يعطى ملعقه من عصير البرتقال المخفف مدري خايفه اجرب وابغى تجاربكم ..بعد ايش اعطيه غير الحليب في هذا الشهر ..علما بانه مزعجني ليل نهار يبكي من المغص ..
متى ابدأ ااكله ببداية الشهر الرابع ولا نهايته ..
وكم المفروض يكون وزنه الحين ..
اتمنى تفيدوني وكيف اقدر اخليه يتقبل الرضعه 90 او 100 مل

[زهرة البنفسج]

ردوا عشان خاطر فهودي
ولا ماله خاطر عندكم

[حنين الجنة]

هلا حبيبتى راح اجاوبك من واقع معلوماتى وتجربتى مع بنتى الحين عمرها سنه الا شهر


اولا لا تقلقي ابدا من كمية الحليب ومو شرط انه يرضع نفس الجدول اللى على علبة الحليب
ولو تلاحظى انه الطفل لو رضع كل ساعه او ساعتين يشرب كمية قليله واللى مكتوب على العلبة رضعه 150 ملم كل 4 ساعات يعنى الحسبة مظبوطه تقريبا

لا تحاولى تعطيه كمية اكبر لانه راح يرجعها ومايستفاد منها



بالنسبة لعصير البرتقال لاااا تعطيه ابدا فى هالسن يسبب قرحه فى المعدة

ابداى لحسي الطفل من اخر الرابع اول الخامس اشياء خفيفة واعطية سيريلاك القمح والارز بس خلى الموية كثيرة ماتخليه ثخين ويكون بنفس موية الرضاعه المعقمهع او المغليه








الوزن المعادلة اللى بتساعدك فى حساب الوزن هى

حبيت أعطيكم معادلة سهلة جدا يسهل على كل أم تحسب وزن طفلها المناسب ل عمره عن طريق المعادلة هذه
(عمر الطفل + 9 ) ÷ 2 = المجموع هو معدل وزن الطفل ب الكيلو جرام

مثال :

عمر الطفل 4 شهور + 9 وهي أشهر الحمل ÷ 2 = 6 ونص كيلو جرام

[**سماسم**]

ماقصرت أم جنه الله يعطيها العافيه بإفادتج..
ولاتعطينه أكل أو عصير وخاصه أنو فيه مغص راح يزيد عليه شربيه يانسون يخفف من المغص عن الصغار وهم موية غريب تخفف من المغص و الغزات عندهم..
وربي يخليه لج ويحفظه
,,

[زهرة البنفسج]

مشكوره ام جنه الله يخليلك جنه ويحفظها ويرزقك ماتتمنين
سماسم يعطيك الف عافيه وربي يحقق آمالك يااارب

[زهرة البنفسج]

.....................................

[حرم محمد باشا]

ياعمري اذا بتزيدين كميه الحليب جوعيه وطولي الوقت بين الرضعات واذا كذا مرتاح هو عادي وزنه حلو وعطيه ينسون نقعيه شوي وبالرضاعه مره بيرتاح عليه ...اما الاكل لا بدري عليه

[زهرة البنفسج]

تسلمي اختي مشكوره بس ببداية الرابع يقولون في اكلات مخصصه لهذا السن وربي ييسر

[منتهى الرقة]

قبل اربعة شهور لا تعطينه شيي ابد اصلا هو مومحتاج غير الحليب
ولما يكمل اربعة شهور ابدي اكلية سيريلاك رز
وتفاح او كمثرى مسلوقة
بطاطس او جزر او كوسة مسلوقة
ابدي معه بملعقة كل يوم لمدة اسبوع وبعدها زيديها
واعطيه نوع نوع كل نوع اعطيه لمدة 3 ايام وبعدها انتقلي للنوع الثاني
يعني هالفترة تكون بس تذويق للطفل عشان يتعود على الاكل
ولما يكمل ستة شهور ان شاء الله اكليه صح
بالنسبة للرضاعة انتي كل كم ترضعينه؟؟؟
اعطيه رضعة 120 مل وانتظري عليه 3 ساعات وعطيه وحدة ثانية
والمغص طبيعي بهالسن لين يكمل اربعة شهور
فيه نقط بالصيدلية للمغص اسالي الصيدلي عنها

[زهرة البنفسج]

هلا ياقلبي منتهى الرقه ..انا اعطيه كل ساعه ونص او ساعتين لاني جربت واعطيته كامله رجعها كذا مره اجرب ويرجعها بس على دفعات مايرجع بس انا تعبت من هذي الطريقه نفسي انظم رضعاته ماني عارفه ..اذا اخرتها يبكي بقوه لين اعطيه ..مدري ايش اسوي