{موضوع مميز}@@يومياتنا في كيفية ترتيب منزلنا؟@

[شموسه]

السلام عليكم ورحمة الله وبركاته
حبيت نستفيد ونساعد بعضنا اللي عندها افكار او جدول لترتيب المنزل لا تبخل علينا_
مثلا متى أصحى ومتى أغسل المواعين ومتى اغسل الملابس والكنس وحركات منكم ليومياتنا


كل وحده تقول شنو سوت اول ماصحت من النوم اللي عندها اطفال واللي ماعندها اطفال _
نبي تشجيع __

[حبيبة توفي]

موضوع حلو ورائع
وانشالله لي عوده
لأني ابقوم اسوي الغدا
ماباقي شي ويجي زوجي من الدوام
وانا من ال7 صاحيه والتهيت في المنتدى
كخخخخخخخخخخخ

[شموسه]

هههاي
انشاء الله مسروره دايما
وغداء العافيه
ننطر رجعتج _ بنات معقوله أثناءعشر مشاهده ولا رد؟
موقلنا مانبي نبخل _
يلا يالسنعات _

[اخت العرب]

نا بصراحه عندي دوام اقوم وجهز عمري لدوام وشغل البيت للاسف على الخدامة والله لو الامكانيات تساعد اقدم استقالتي وقابل بيتي وزوجي ابرك لي

[روح الورد]

حلوووالموضووع ليه مااتنزليه بقسم ديكورالمنزل وانااثبته

[خطوة بريئه]

انا نومتي وقومتي ع حسب مزاج الرايق ولدي بس عموما انا تجيني شغاله يومين بالاسبوع بس باقي الاسبوع اول مااصحى طبعا ادخل اخذ شور عشان النشاط وانا بالحمام الله يكرمكم بعد مااتحمم انظفه ع طريقي واخرج اسوي الغدا طبعا حتى لو استخدمت صحن اغسله ع طول بوقته عشان ماتتراكم علي المواعين بعد كذا اروح غرفة المعيشه وارتبها واذا عندي غسيل احطه بالغساله اتوماتيك ماتاخذ من وقتي شي طبعا المجلس دايم نظيف ولمن تجي الشغاله اخليها تمسح الغبره والسيراميك يعني مرتين بالاسبوع انظفه وابخره واقفل الباب ويقعد طول الاسبوع نظيف بس لازم الغبره المهم اصحي ولدي واحممه والبسه ويكون الغدا جهز بعدين احب ابخر البيت واحط القهوه ع النار مزااااج وبس يمكن اكون افتدكم بس بقلكم ع شغله مجربه اول ماتصحي من النوم خذيلك شور وبعدها بتشوفي نشاط ياسلام ولا احلى شكرا ع الموضوع الحلو وان شاء الله نسمع البنات ويفيدونا

[ام صغيرات]

اول ماصحي وبعد ما يروح احبابي المدرسه انا اروح التحفيظ لحدا الساعه التاسعة وبعدها في تجهزي الغداء من حلى وطبخ اللحم وشعل البيت علي الخدامة بالاشرافي..................

[marwa]

شموسه وينك مشتاقتلك مره
المهم انا اصحي من النوم الساعه 5 صباحا اصحي اولادي يفطرو ويصلو ويبدلو ملابسهم وع المدرسه بعدين ارجع انام شويه انا ولوليا وارجع اصحي الساعه 12 ارتب غرفتي وابخرها وبعدها عالمطبخ اجهز الغدا وادخل اروش لوليا وبعدها اتروش واستني زوجي وباقي الشغل مااخبي عليكي ع الشغاله هي تخلصو بعد الغدا اجلس مع اولادي اراجع لهم دروسهم للساعه 6 وبعدين ارجع المطبخ اجهز لهم كيك او حلي ينبسطو اولادي ازا سويت شكلت كيك بس نجلس سوا للساعه 9 وبعدين يدخلو ينامو وانا ازا عندي خرجا اخرجها بعد هدا الوقت وببببببببس
يعطيكي العافيه انتي قوليلنا كيف نظامك

[الأمـــورة]

موضوع حلوووو
أنا ماعندي اطفال بس في الطريق ان شاء الله
اجلس الساعة 9 ونص انتظر لين اتنشط اروح اسوي لي فطور بعدها اغسل اذا عندي ملابس وارتب البيت احب اسوي شغلي في الصباح لاني اكون فاضية وماعندي شي عالساعة 12 ونص اروح أجهز للغداء وكل ماستعملت شي اغسله بوقته عشان ماتتجمع الاواني وتصير كثيرة بعدها اروح آخذ شور من بعد الطبخ واتغدى وأشغل البخور أبخر البيت وأعطره بعدها عاد أجلس ارتاح جنب زوجي من بعد هالحوسه كلها .. وسلامتكم

[~قموووره~]

موضوع خطيييير تعجبني المواضيع هذي
انا اصحى 10 ونص او 11 وماعندي اطفال بالطريق انشاءالله اول شي اشغل التلفزيون على قناة القرآن بصوت عالي شوي ابدأ بالترتيب بعدين انظف من فوق لتحت يعني امسح الغبار الي عالنجفات والطاولات طبعآ المسح كل يوم و بعد المسح اكنس البيت وبعدين امسح الأرض كلها بالمويه والديتول وشوية فيري مو كل يوم امسح الأرض بالأسبوع مرتين او 3 ادخل المطبخ اخلص الغذا وانظف البوتجاز والصحون اول بأول مررره مااخلي صحون بالمغسله وامسح طاولة المطبخ واكنس الأرض وامسحه وآخر شي الحمامات لازم اخلي فيها ريحة ديتول بعد ماانظفه اخلص آخذلي شور احط ميك اب خفيف واتعطر والبس بيجامه ناعمه وماانسى ابخر البيت واجلس عالمنتدى لما يجي زوجي وبس