طلع ولد !! رأيكم أكمل فرحتي ولا أهون

[أم ريهام]

السلام عليكم

كيفكم يا الغاليات

اممم انا أم لثلاث بنات وأحبهم موت وما نفعني في حملي هذا بعد الله إلا هم

الشاهد انه كل ما أحمل ألاقي كل اللي حولي يدعون الله يرزقك بوليد صالح

ما تصدقون كل اللي يقابلوني ما عندهم غير هذه الدعوة


المهم حملت هذه المرة الرابعه

وما كنت أدري وش جنس المولود لكن كنت متحمسة أعمل حركات لفترة النفاس

والسبب أنه الثلاث المرات اللي قبل كان وضعنا المادي شوي صعب والمرة هذه ولله الحمد الله فتحها علينا

فقلت ودي أفرح شوي وأفرح بناتي معايا لأنهم تعبوا معايا

ولما رحت الموعد الأخير للدكتورة قالت لي ولد

استغفر الله العظيم ما أرد هدية من عند الله وراضية فيها والله العظيم

بس خايفة لو كملت فرحتي يصير تحيز وما يكون السبب انه الوضع المادي تحسن ولكن كانه عشانه ولد

فهونت وقلت بخليه نفاس عادي مجرد أغير لون المفرش

ايش رايكم ماشيه صح؟؟

وقسما بالله العلي العظيم لو علي ولا على ابوهم عااااااااااادي مرة موضوع جنس المولود لكن الكبار اللي في العايلة مثل أبويا وأبوه

يمكن أبويا اهون شوي لأنه عمل عشا قبل كذا لبنتي الثانية فيمكن لو عمل شي للولد تكون مبلوعة

لكن عمي أخاف يبالغ وخصوصا أول حفيد يشيل اسمه

وجهوني جد جد محتارة

[MEH]

اللهم لك الحمد والله يتمم لك على خير يارب ويرزقك برهم
انا حبيت تفكيرك انك خايفه يقولون عشانه ولد مو عشان حالتكم صارت احسن
بس بيني وبينك عادي لو فرحتي وسويتي حركات من حقك والله
بس لاتبالغين خليه وسط والله ييسر لك

[متفائلة دائما]

و الله يا الغالية الناس كدا بيتكلمو و كدا بيتكلمو فطنشي و اعملي اللي يفرح أسرتك و ربي يجيب ولدك على خير و يجعله ولد صالح ان شاء الله

[برّو !]

يسطفلون حتى وان كان عشان ولد
عيشي حياتك
رضا الناس غاية لاتدرك بصراحة
الله يحفظ لك عيالك انشالله
ويهون عليك ولادتك ياررب

[هند25]

الله يتمم لج على خير يارب

انا اقول افرحي وفرحي بناتج واهم شي انه ربج وزوجج وبناتج عارفين نيتج

واذا خايفة البنات يغارون ولاشي شاركيهم مخاوفج وخليهم هم يشيرون عليج


والله يجعل ايامكم كلها سعادة ويرزقج برهم

[صعب تنساني]

افرحي وستاني هذا اوول ولد لازم تفرحين لانه راا ح يكوون عميد العايله واذا بنحاسب على كلام الناس محد بعيش الناس سوا فرحتى او ما فرحتى راح تتكلم ومثل يقول راضى الناس غايه لاتدرك يعني لو سوويتي لهم شنوو ما رااح يسكتون وراح يظلوون يتكلموون افرحي العمر مره مو مرتين اذا ما فرحتي الحين متى رااح تفرححين يعني الحين اذا سوويتي بقوولون متخرعه اول مره تيب وولد واذا ما سوويتي بقوولون مو حامده ربها ولا عارفه قدر النعمه اهم شي تسووين الي خاطرج فيه ونفسج فيه لانه كلام الناس لا يودي ولا يجيب الي رااح يسمع لكلامهم رااح يشيب ههههههههههههه الف مبرووك انه الحمد الله اول مره جبت وولد بس لو مكانج عندي 3 بنوتات والله يكرمنى الرابع وولد انجان اسووي لستقبال لا صار ولا استووى واقهر العداال ههههه

[نبعة الحب]

شوفي حبيبتي انا راح انصحج نصيحة لله مو لان ولد ولا شي بس عيون الناس في ناس استغفر الله تحسد وانتي ما شاء الله عندج 3 عرايس وولي العهد جاي بطريق الافضل تخلينها الفرحة بين الاهل وافرحي انتي وبناتج وزوجك يكون افضل احسن لج من عيون الناس والحسد والله يحفظ الج وبعدين من حقج تفرحين لان جاي ولد شي طبيعي عندج 3 بنات مو لان البنات بيهم شي بس حلو يجي الولد بعد 3 بنات والعكس الي عدها اولاد وتريد بنت كمان تفرح من حقج تفرحين حبيبتي

[فآنو~!]

انآ أقوول سوي بس بشكل مقبول بدون مبآلغه يعني
والله يسهل عليك وتجيبي ولدك بصحه وعآفييه ^^

[حيفا]

مافي شي يمنع فرحتك عزيزتي ، سواء بنت او ولد افرحي وفرحي بناتك وزوجك والعيله
كلام الناس ما منه مهرب شو ما عملتي رح تلاقي ناس تنتقد ، فأنت اعملي اللي بيريحك انتي وعيلتك وانسي الكل
الله يتمملك حملك على خير وتشوفي طفلك بالصحه والعافيه والخلقه التامه

[كتكووته]

سوووي اللي يرحك وماعليك من الناس