فن تقديم الطعام

[قلب عايض]

النهاردة وبناءا علي طلب احدي عضوات البيدج حاقدم لكم تقليد يحمل دائما بشاير الربيع وموسم الصيف
وطبعا كما عودتكم جميعا والفضل لله حاقدملكم طرق تلوين البيض بألوان طبيعية وكمان طرق مبتكرة جدااا وبسيطة في نفس الوقت علشان تبهري الجميع وتفرحي الاولاد

اولا في طريقتين التلوين بالوان صالحة للاكل وأخري بالوان الفلوماستر والماء وهذه غير صالحة للاكل نهائيا ولا انصح بها نهائيا
وللتلوين بالالوان الصالحة للاكل في الالوان الطبيعية من الخضار والفاكهة واخري من ملونات الكيك والحلويات

1- تلوين البيض بالالوان الطبيعية
اولا قومي بوضع الماء في اناء مملوء بالماء بحيث يغطي البيض تماما اضيفي 2 م ك خل للماء لكل 6 بيضات ثم بمجرد ما يبدا الماء في الغلي اضيفي الملون واتركيه ليغلي ثم اطفئ النار اذا اردتي اللون غامق اتركي البيض في الماء المغلي ليبرد فيه واذا اردتيه فاتح ارفعيه مباشرة واتركيه يجف علي مناديل مطبخ

نبدأبالالوان :
للون الاحمر : البابريكا وقليل من عصيروقشر الرمان
للون البينك الغامق : البنجر
للون الاصفر : الكركم
للون البيج :قشر البصل
للون البني الفاتح : كمية من البصل المحمر الغامق او الشاي الاحمر
للون الاخضر :سبانخ مفرومة او خضرة عموما مفرومة (شبت او بقدونس )
للون الغامق :ضعي فنجان نسكافيه مركز
للون البرتقالي : الجزر المفروم مع 3 م ك تانج برتقال
للون البنفسجي :الكركديه
لون اخضر باهت : الشاي الاخضر
للون الازرق :التوت الازرق
ولاحظي ان الالوان الطبيعية بتكون باهتة تقدري تدهنيها بقليل من الزيت لتلمع

اما التلوين بالوان الكيك والحلويات نقط صغيرة في قليل من الماء في اكواب بلاستيك وبعد غلي البيض مباشرة ضعيه في هذه الاكواب حتي تاخذ درجة اللون المطلوب ثم اخرجيها واتركيها تجف علي المناديل الورقية

نجئ بقي للابتكار والتفانين

ممكن تلوني عن طريق بعد سلق البيض قومي بدهنه بمزيج من 2 م ك نشا مذابه في 1 م ك ماء ثم ادهني البيض بها وغطسيها او رشيها بالجليتر الملون ويبقي عندك احلي بيض ببيبرق :))))))

وممكن تلفيها بفيونكة وتبقي شيك اوي

* ممكن تستخدمي قشر بيض قديم وبعد ما تلوينيه لوني البيض بلون مختلف وبمساعدة صمغ الصقي كسر البيض الملون لعمل اشكال رائعة للبيض

* ممكن تقعدي انتي واولادك ارسموا ورود صغيرة او قلوب او اي شكل علي الورق الكانسون (ورق يكون تقيل شوية ) بس راعي الاشكال تكون صغيرة ويلون وقومي بقصه جيدا ثم بعد تلوين البيض الصقي الاشكال واظهري الابداع بداخلك

* بعد تلوين البيض قومي باستخدام فرشاة اسنان قديمة بغمسها في الوان مختلفة عن لون البيض وقومي برشها باستخدام الفرشاة

*لو مافيش وقت ومش حابه موضوع التلوين هاتي الصمغ الجليتر الملون وارسمي انتي واولادك الاشكال اللي تحبوها علي البيض المسلوق

* ودي شيك ورائعة وبسيطة جدااا قومي بسلق البيض مع الماء والخل فقط ثم اتركيه ليبرد تماما ثم ذوبي جليتر في اي من الالوان الحلويات في قليل من الماء ثم بفرشاة رسم ارسمي الاشكال المفضلة لكي واخرجي الفنانة التي بداخلك

* او ممكن بسرعة استخدمي الصمغ الابيض في رسم الاشكال ثم غطسيها او رشيها بالجليتر الملون وبكده تحصلي علي اشكال بسيطة ومبهرة

او ممكن تتعمل كرة دي عجبت ابني قويييييييييي :)

واخيرا وليس اخرااا :)
*ممكن تعمليه كاروهات باستخدام الشريط اللاصق الابيض (يباع في المكتبات او اللاصق الشفاف ) بحيث تغطي اجزاء من البيض المسلوق شرائط بالطول وشرائط بالعرض وحاولي تخلي سمك الشرائح الطولية تختلف عن الشرائح اللي بالعرض وتغطسيها بعد ذلك في اللون المراد ويفضل استخدام الالوان الكيك في هذه الحالة ثم ارفعيها واتركيها تجف ثم ازيلي بعض من الشريط اللاصق واتركي الشرائح العرضية ثم اغمسيها في لون مختلف واتركيها لتجف واستمتعي بيها انتي واولادك

وكتير بيرموا البيض بعد التلوين لكن مع التلوين بالالوان الصالحة للاكل تقدري تستمتعي باكلها وانتي مطمنئة ودي طريقة لتقديمها بشكل شيك بعد ما نقشر ها

اتمني يكون عجبكم واستفدتم وياريت تقولولي رايكم ايه ؟؟؟؟

جهزي احلي سفرة لامسية رومانسية

النهاردة حبيت اشارككم بنصائح بسيطة وسهلة طبعا (انتم عارفين :)) ) علشان تجهزي لامسة وعشاء رومانسي وده ينفع مش بس لعيد الحب اللي جاي ولكن لاي وقت مميز ولاي امسية تحبي تحسسي فيها شريك حياتك بالرومانسية وتقوليله شكرا لوجودك في حياتي
ونبدا باول الاساسيات

* ابعدي تماما عن تجهيز الطعام التقيل واستبدليه باطباق بسيطة ولذيذة وسهلة في التجهيز والتنفيذ لان الحكاية مش عزومة ومحتاجة فرد عضلات في قوتك المطبخية لا الحكاية انك تقدري بعد تجهيز الاكل والحلو ونفسك والسفرة انك في اخر اليوم تكوني قادرة تفتحي عينك مش تنامي واقعة من التعب :))


*ابعدي عن الكليشيهات المعتادة يعني اعملي اللي بتحبوه سوا لو بتحبوا تتفرجوا علي فيلم وانتم علي الكنبة اعملي ده مش لازم علشان تبقي امسية رومانسية من بتوع المسلسلات :))


* الشموع من الاساسيات ودي نماذج للشموع في منها البسيط وفي منها كمان اللي محتاج شوية وقت الافضل طبعا الشموع المعطرة بس لو حد فيكم بيعاني من الحساسية يبقي نستخدم الشموع العادية


ده نموذج عن قماشة اورجانزا (اي بواقي من اي فستان سواريه مثلا ) وعليها صينية او مراية قديمة وغطي اطرافها ببتلات ورد وحطي شوية الشموع ويبقي عندك احلي سنتر بيس لسفرة عشائك

نفس الفكرة متخيلة هي بسيطة قد ايه ؟؟؟ ومش محتاجة اي وقت

قمة الرومانسية والبساطة ورد وشموع

ولو حابة تتميزي اكتر استخدمي اما احجار حوض السمك الكريستالية او الترتر المستخدم في الخياطة كاساس لكاسين وحطي في واحد وردة وفي الثاني شمعة

ولو من عشاق الكاندي والحلويات حطيله الشموع وسط كمية من الحلويات :))

ونبدا بقي بنماذج للسفرة والاطباق بشكل رقيق

* في دي اللعب بالالوان الابيض والاحمر الالوان المميزة للفالنتين بسيطة وسهلة 2 فازة ورد صغيرة وايشارب اومفرش صغير احمر عامل كونتراست مع الابيض المفرش الاساسي

ورد وشمعة وكارت في ارق ولا اسهل من كده



وده شكل للسنتر بيس تشكيلة من الكوؤس باحجار الزينة والشمع والورد الصناعي

ودي طريقة عرض طبق الاكل عليه قليل من حبات البونبون والكاندي علي شكل قلوب متناسقة الوانها مع اللون العام لسفرتك

ولان في ناس ما بتحبش اللون الاحمر نهائيا (بيعصبهم )فدي مش حجة علشان ما تبدعيش اختاري الفكرة اللي تناسبك واعمليها باللون اللي يعجبكم انتم الاتنين :)
*وده مثال مستخدم فيه اللون الاخضر واللون الابيض ده شكل قريب للسنتر بيس الخاص بالفكرة

وده الشكل العام للسفرة كاملة رومانسية برضه

وده تصميم لسنتر بيس وسفرة لعشاق البحر

لو كنتي ممن يرفعون شعار يا البساطة والا فلا :))

اما بقي لحبايبي العرائس الجديدة او حتي اللي عندهم شوية وقت دي صورة اوضح من الكلام ;)





اتمني تمونوا استفدتم باحدث واحلي الافكار لسفرة رومانسية
اما بقي الوصفات فدي بقي كتييييييييييييييييييييييييير جدا
وكله برضه متميز وجديد وسهل فانتظروني

قطيعي الديك الرومي كالمحترفين في 7 خطوات بسيطة

لكي تقومي بتقطيع الديك الرومي بشكل سليم له طريقتين اما ان تقومي بتقطيعه قبل التقديم او تقطعيه علي السفرة امام ضيوفك وده بيحتاج منك تركيز اكتر وحتحتاجي لسكين حادة جدا او سكين كهربائية وفوطة مطبخ نظيفة وجافة وشوكة التقطيع

اولا :بعد ان يجهز الديك الرومي ويستوي تماما اخرجيه من الفرن وغطيه بورق فويل ولكن ما تقفليش ورق الفويل بقوة والا تعرق الديك الرومي وفقد الجلد قرمشته
ثانيا لتقطيع الديك الرومي


1- قومي باستخدام سكين حادة بفضل الورك او الفخد عن باقي الديك بتمرير السكين في الخط الفاصل بين الورك والصدر واضغطي بالسكين جيدا لتفصلي العظمة الخلفية الواصلة بين الوركين وكرري نفس الخطوة مع الورك الثاني

2- قومي بفصل الدبوس عن عظمة الورك وكرري في الورك الثاني ايضا

3- ثم قومي بفصل الجناحين بنفس طريقة فصل الاوراك او الافخاذ بحيث تمرري السكين من مكان اتصال عظمة الجناح بالصدر

4-بالسكين وبمساعدة اطراف اصابعك قومي من عند مكان الرقبة بمحاولة فصل عظمة القص وده حيساعدك كتير عند تقطيع الصدر

5- نقوم بفصل الصدر لنصفين بحرف السكين وحاولي تكون السكين محاذية تماما لعظمة الصدر الفاصلة بين الصدرين علشان ما تهدريش اي اجزاء من اللحم وكرري نفس الحركة مع الصدر الثاني

6- ثبتي الصدر بايدك ولو علي السفرة طبعا يفضل بشوكة وقطعيه سلايس مائلة عريضة لتستطيعي تقسيمها بسهولة وشياكة علي ضيوفك

7- في حالة ان يكون الديك الرومي حجمه كبير يفضل ان تقومي بحرف السكين وبالضغط عليه بشدة بتقسيم عظمة الورك لاجزاء او اخلاوها من الخلف من العظم وقطع اللحم لشرائح لتسهلي توزيعها علي ضيوفك

8- بعد الانتهاء من تقطيع كل جزء قومي برصه في طبق التقديم الكبير ((في حالة تقطيعه في المطبخ قبل التقديم )
*اما في حالة تقطيعه علي السفرة اثناء التقطيع قومي بالتوزيع علي ضيوفك واذا انتهيتي من التوزيع وما زال جزء يحتاج للتقطيع قومي باكمال التقطيع للنهاية ورص القطع علي الطبق لتكون جاهزة اذا اراد احد من ضيوفك المزيد وبالهنا والشفا عليكم جميعا :)

[روشآ]

*,


روعه ه ٌ
يعططيك آلف عآفيه ..!
لكِ باقةة وردَ .*** '‏

[امجااد]

ررررررروعه يسلمو

[امجااد]

رررروعه يسلمو

[أم سليطين]

يعطيك العاااااااااااافيه