الحجامة و العسل للي حيوانات أزواجهم صفر (قصة )

[Um Ghala]

السلام عليكم و رحمة الله و بركاته ..

أخباركم .. ؟؟ ربي يفرحكم و يقر عيونكم عاجلا غير اجلا يارب ..

قصة منقولة قلت يمكن تفيد العضوات ..

و ربي يرزقكم جميعا يارب ..

ماشاء الله لا قوة الا بالله العلي العظيم اذا اراد شيئا فإنما يقول له كن فيكون


السلام عليكم ورحمة الله وبركاته

الحمدلله رب العالمين الحي القيوم الصمد الوهاب الغفور الجبار الكريم الواحد الاحد
انا ما ابي اطول عليكم بالقصه بس انا كتبتها والله يشهد علي ان كتبتها عشان ابيكم تستفيدون وابي الله يرزكم مثل مارزقني
انا مثل ماتعرفون اول ماتزوجت ماحملت ومرت الاشهر وكل شهر تتعب نفسيتي اكثر اقول بقلبي يمكن عشان انا دورتي مو منتظمه
فقررت ان اروح افحص وفعلا رحت كذا دكتور الي قالي مافيج شي والي قالي لا زم كلوميد ولي قالي تكيس المهم
انا كنت متابعه لقسم تاخر الانجاب وعرفت ان كثير بنات اكتشفوا ان الخلل من اواجهم فقلت حق زوجي حلل طبعا مارضى
ومرت الاشهر ليما اهو اقتنع وحلل وطلعت النيجه صدمه (لا توجد حيوانات منويه ) طبعا ماصدقنا جان اقول حق زوجي
حلل بمختبر ثاني وفعلا حلل طلعت نفس النتيجه (لا توجد حيوانات منويه) طبعا انا قعدت ادور بالمنتدى اشوف البنات الي ازواجهم نفس حالت زوجي عشان اسالهم شنو سوو عشان اسوي والله يرزقني .....طبعا عرفت الكل مسوي حقن مجهري هذي الشي الوحيد الي ينفع بحالتنا فبعدها رحنا الدكتور جان ايقول حق زوجي لازم انسوي شق عشان ناخذ حيوانت منويه
جان اقول حق الدكتور ليش دكتور سو خزعه قال لا الشق احسن وبالهجته المصريه ايقول لما انشق (يارب يارب نلقى) حيوانات وقلبي عورني على زوجي لما قال حق الدكتور طيب عطني منشطات جان يرد عليه ادكتو ان حالتك ماتصير تاخذ منشطات لانك صفرررررررررررررررررررر
طبعا مرت الاشهر وانا وزجي مترددين وين انسوي العمليه وقعدت احوس بالمنتدى على الخلطات عشان ابي يطلع معاه شي حق العمليه بس كنت بنفس الوقت مهيئه نفسي ان الدكتور ايقولنا خلاص مافي امل واذا تذكرون كنت اسال اكثيييييييير عن العلاج بالخارج وفعلا اخذت معلومات وفعلا زوجي راح عشان بيقدم بس قال واحد موظف (السالفه يبيلها واسطه)
وطول الفتره الي كان زوجي ايراجع ويحلل كان يحجم وطبعا انا عرفت الحجامه من المنتدى وان لها فؤاد بالانجاب فقلت حق زوجي وحط السالفه براسه وبعدها افتره كنت رايحه الطبيب باخذ طبيه كنت غايبه من الدوام(معلمه كسوله) واحنا قاعدين ولا انشوف مجله فيها المحجم محمد البناي جان اقول حق زوجي شوف جان ايقولي زوجي هذا الي ايقول عنه رفيجي المهم زوجي بعد ماشاف المجله اخذ الرقم ودق وحجز موعد بعدها زوجي راح حق المحجم والمحجم قال حق زوجي ان اكتشفو عصب فوق الركبه يخذي العضو الذكري لرجل (خ) فحجم حق زوجي وعطاه عسل وتلبينه
فمرت الايام وزوجي يروح ياخذ منه عسل ويحجم وكنا ماخذين موعد شهر 2 عند العرف عشان عمليه الحقن المجهري
فمحمد البناي قال حق زوجي لما اتخلص كورس التحجيم روح حلل
لا سبحان الله القادر على كل شيء الذي اذا اراد شيء انما يقول كن فيكون حملت من بعد ثاني تحجيمه حقه بس طبعا هذا كل بعد دعاء الوالده ودعائكم لي ودعاء اختي بالحج لي سبحان الله انا اخر دوره جتني شهر 11 بس انا متعوده دورتي مومنتظمه احيان تجي كل شهرين واحيان كل شهر ونص وانا كنت ناطره موعدي عند العرف على احر من الجمر وكنت اقول يارب ايكون لو في حيوان منوي واحد ماكنت ادري ان حامل الله يثبته لي ويرزكم مثل مارزقني من غير عمليات ولا سفر
المهم الدوره تاخرة حيييييل فاختي ومرتاخوي وامي ايقولولي حليلي يمكن انج حامل وانا اقولهم مستحييييييييييييييل
واقول ابقلبي بلاكم ماتدرون ان زوجي صفر حيوان منوي شلون بحمل يعني ) المهم انا قلت انا شخسرانه جان اخذ من الصيدله تحلييل منزلي وكنت يائسه ادري اني بتعب نفسيتي على الفاضي المهم رحت الحمام وانتو بكرام وسويت التحليل وقعد اطالعه وابقق عيوني مو مصدقه جان اطلع من الحمام ركض واقول باعلا صوتي طلع خطييييييييييييييييييييييييين بعدها امي دقتعلى زوجي اتبشره وطبعا انا وامي وخواتي بجي وطبعا زوجي المسكين مات من الفرحه لدرجة انه قالي اخاف انام واقعد ويطلع كل هذا حلم سبحان الله ماتوقعت بيوم اني احمل طبيعي واذا تذكرون موضوعي عن شنو خاطرج فيه بهالحظه كنت اكتبه وماكنت ادري اني حامل وان الله رزقني
سبحان الله مغير الاحوال من كان زوجي عقييييييييييم اصبح منجب
تكفون بنات انا ماصدقت حملت ادعولي ان الله يثبته واني اسمع نبضه ويطلع سليم معافى
واتمنى من كل بنت زوجها عقيييييييييييم او اهيه عقييييييييييييمه انها قبل لاتفكر بعلاج اتروح اتحجم وصدقوني الله ماينسى عباده
واتمنى من الله ان يرزقكم من غير عمليات وسفروعلاج

واشكر كل من دعالي وباركلي بحملي عسى ماتر ها السنه الا وكل وحده كروشتها قدامها


هذه القصة ليست من نهج الخيااااال ولكنها واقعية وعلى لسان صاحبتها

من موقع أخر

[bassouma]

حبيبتي أللللللللف مبروووووووووك
ربي يتمملك على خير و الله ريحتي قلبي و تفائلت لإن زوجي عنده نقص في الحيوانات
إن شاء الله يجوك توأم يا رحيم يا رحيم

[أم معاذ إن شاء الله]

جزاك الله كل خير و الله يتمم على صاحبة القصة حملها
و الله يرزقك حبيبتي و يرزقنا الحمل السليم المعافى

[تسنيم جنة]

جزاك الله خير على هدا القصة المفيدة اسأل الله العظيم رب العرش العظيم أن يرزقك ويرزقنا جميعا باالذرية الصالحة عاجلا غير آجل