موضوع مهم جدا لكل الحوامل

[ayato]

لكل من تريد ان ربى يكرمها وتطلع حامل
عليكى بالاتى
1- الثقة بالله وحسن الظن به
لانه ربى يقول انا عند حسن ظن عبدى بى
يعنى لو ظنيتى فربنا خير حتلاقى الخير ولو ظنينى فربنا الشر حتلاقى الشر
خليكى عندك ثقة فالله وان ربى حيكرمك عن قريب بالذرية التى تقر بها عينيكى وتفرحك انتى وزوجك ان شاء الله

2- كثرة الاستغفار
لان ربى يقوله فى كتابه العزيز
فاستغفروا ربكم يرسل السماء عليكم مدرارا ويمددكم بأموال وبنين وقصورا وانهارا

يعنى ان كثرة الاستغفار توسع الرزق وترزقكم بالذرية الصالحة بمشيئة الله

3- كثرة الدعاء باسماء الله الحسنى
وخاصة
الدعاء باسمه الخالق المصور الفتاح الرزاق الوهاب

4- بعد العلاقة الحميمة لازم تنامى على ظهرك شوية مش تقومى على طووول عشان اقصى عدد من الحيوانات المنوية توصل للرحم وتستقبلها البويضة فى خلال الفترة دى اللى انتى نايمة فيها على ظهرك قولى الدعاء ده وانتى واضعه يديكى على بطنك
الدعاء هو
اللهم يا ماسك السماء ان تقع على الارض أمسك اجنتى التى فى رحمى واحفظهم من ان يتساقطوا واحفظهم واستودعتك اياهم امانه ووديعه عندك لان الودائع عندك لا تضييييع ابدا
ولكل زوجة نفسها فى توأم تزود على الدعاء الكلام ده
يا من قادر على انقسام البويضات اللهم ارزقنى بتوأم انت القادر على ذلك وانت على كل شىء قدير

5- لا تنسوا دعاء سيدنا زكريا وهو
ربى هب لى من لدنك ذرية طيبة معافاه انك انت السميع العليم
+
ربى لا تذرنى فردا وانت خير الوارثين
لان ربى قال لسيدنا زكريا فيما معناه انى حكرمك بيحيى فقال سيدنا زكريا عليه السلام ترزقنى بيحيى وانا امرأتى عاقر وعالكبر فقال له ربه انى على كل شىء قدير بس بشرط الا تكلم الناس ثلاثة ايام
وفعلا سمع سيدنا زكريا كلام ربه وربى رزقه بسيدنا يحيى
الكلام ده فيما معناه حبيباتى

6- الدعاء ب
سورة الاخلاص(قل هو الله احد )
لان فيها اسماء لله الحسنى

7- الدعاء ب
اللهم انى اسألك الذرية الصالحة السليمة المعافاة التى تقر بها عينى وعينى زوجى واجعل عاقبتها الى الخير دائما وانى اسألك غلاما تقيا هنيا عاشقا لله ولرسوله

8- اللهم لا تحرمنى ان احمل طفلى وان اسمع بكائه وصوته وان زوجى يحمله بين يديه

الحمد لله ربى كرمك وطلعتى حامل الدعاء ب

1- بما ان الروح ربى بيضعها فالطفل ابتداءا من الشهر الرابع والله اعلم بذلك
اول ما ربى يكرمك وتطلعى حامل الدعاء من اول الحمل لغايه اخره ب

1-ربى اجعل طفلى من السعداء وليس من الاشقياء وارزقه الصحة وطول العمر

2- دعاء سيدنا ابراهيم عليه السلام وهو
ربى اجعلنى مقيم الصلاة ومن ذريتى ربى وتقبل دعاء

3- ربى اجعل طفلى كامل و معافى من كل مرض ومن كل تشوه ومن زيادة او نقصان واجعل عاقبته الى الخير دائما

4- اللهم وفق طفلى لما تحب وترضى

5- اللهم ارزق زوجى برزقنا ورزق اولادنا ووسع رزقه واجعل فيه البركه

6- اللهم ارزق اولادى بالزوج والزوجة الصالحة والذرية الصالحة السليمة المعافاة

7- اللهم اعوذ ما في رحمي بكلماتك التامه من كل شيطان وهامه ومن كل عين لامه

8- اللهم حسن خلقه وخلقه وسهل حمله ومخرجه واجعله قرة عين لي ولوالده واجعله من عبادك الصالحين

اللهم اميييييييييييييييين انا وكل من قال امييين تقبل منا يا رب العالمين انك انت السميع العليم


تعالوا يالا نبتدى ندخل فالموضوع الاساسى

بسم الله وتوكلت على الله

بما ان كل شىء بتاكليه بيوصل للجنين
فعليكى الاهتمام بغذاءك جيدا

يجب الاكثار من الحاجات التى تفيدك وتفيد الجنين
هى

1- الاكثار من شرب الماء واللبن والزبادى والجبن والدواجن والعصائر بس لازم تكون فريش وطبيعية خاليه من المواد الحافظة
لان المواد دى بتخلص الجسم من السموم ولتجنب الجفاف

2-الاكثار من الخضروات والفاكهه
والحصول على شوية فيتامينات الموجودة بها مثل

فيتامين a
موجود فى
اللبن - صفار البيض - الزبدة - الكبد- الجزر - البطاطا الحلوة - الخضروات - الطماطم - المشمش -الخوخ .


فيتامين d
موجود فى
اللبن _ البيض _ الزبدة _ الجبن _ السمك
يجب التعرض لاشعة الشمس لكي ننشط عمل الفيتامين .


فيتامين b1
موجود فى الخميرة - الكبدة الطازجة - لحم البقر لان ليس به دهون مثل لحم الجاموس - البسلة - البقوليات


فيتامين b2
موجود فى
الفول الصويا -اللبن - الجبن -البيض - الكبدة الطازجة - الكلية - اللحوم بصفة عامة - الخضروات


فيتامين b6
موجود فى
اللحوم- الكبدة الطازجة - الحبوب كلها مثل الفول والعدس - الموز - القرنبيط

فيتامين b12
موجود فى اللحوم ، الكبدة الطازجة وليس المجمدة ، السمك ، البيض ، اللبن ، الجبنة



فيتامين e
موجود فى
1- الخضوات التى تحتوى على الالياف مثل الجرجير -الخس -البليلة
2- الزيوت النباتية مثل زيت عباد الشمس - زيت الزيتون - زيت السمسم


فيتامين k
موجود فى
الخضروات الطازجة - صفار البيض- الكبدة - زيت فول الصويا


فيتامين c ( حمض الاسكوربيك )
موجود فى
البرتقال - اليوسفى - الطماطم - الفراولة - الفلفل الاخضر - الكانتلوب

عنـصـرالــحـديـد
موجود فيه
الفجل - الجرجير- الخس- السبانخ - الموز - التفاح - المشمش - البرقوق - البطاطس
بالمختصر المفيد عشان تعرفى الاطعمه اللى بها نسبة حديد وتاخديها
هى
كل الخضراوات الورقية و اى حاجة تقطعيها ولو سبتيها شوية تسود منك يبقى فيها نسبة حديد
عنـصر الكالـسيـوم
موجود فى
جميع الالبان والجبن ومشتقاتهم


لازم يكون اكلك كله طازج وفريش وليس مجمد وقصدى بالمجمد هنا ان بتبقى فيه فالسوبر ماركت لحمة وفراخ مجمدين الابتعاد عنها تماما او فيه مواد حافظه والخضراوات والفاكه مغسولة كويس جداا وليس بالصابون

الحاجات التى تضرك وتضر الجنين ويجب الابتعاد عنها تمامااااااااا

1- تربيه الحيوانات وخاصة القطط
2- البعد عن اكل الانشون والسجق و البسطرمة النية
3- البعد عن الزيوت العطرية تماما وخاصة زيت القرفة او القرفة
لانها منبه للرحم بتعمل على انقباضات الرحم والرحم لازم يكون مرتاح فالفترة دى والقرنفل
والزيت العطرى الوحيد المناسب لفترة الحمل ولبعد الحمل فى فترة الرضاعة
زيت الخزامى ( زيت الافندر)
لانه بيساعد على الاسترخاء والهدوء
دهن الجسم به
4- البعد عن اللحوم النية والبلوبيف ولازم يكون طعامك مطبوخ كويس ومستوى تماما
5- البعد عن الكرفس لانه بيقلل لبن الرضاعة وخطر عالجنين والمرضع

6- البعد عن كثرة شرب الشاى بالاخص بعد الاكل لان احنا فينا عادة سيئة جدا ان بعد ما بناكل بنشرب شاى على طول الشاى ده بيكسر نسبة الحديد فالجسم وانتى فالفترة دى محتاجة للحديد بقدر الامكان وكمان بيقلل نسبة الخصوبة عند الزوجة وكمان فيه نسبة كافييين

7- البعد عن صبغة الشعر
8- البعد عن القهوة لانها تحتوى على كافيييييييين
9- البعد عن الاناناس لانه يساعد على ارتخاء الرحم لانه يحتوى على مادة البروملين
10- اى حاجة مدخنه البعد عنها مثل الانشون المدخن واللحمة المدخنة والبلوبيف المدخن
11- البعد تماما عن زيت الخروع
12- الجنزبيل
13- البقدونس كثرة تناوله يسبب ولادة مبكرة
14 -انواع السمك التى يجي الابتعاد عنها مثل السلمون والتونة
15- زيت السمك
16- انا ساعات بلاقى على قناة سى بى سى سفرة فى بعض الاطعمة بيدخلوا فيها مادة او مكون الزعفران فى الاكل
يجب الابتعاد عن الزعفران نهائى فى اكللك
17- يجب الابتعاد عن السوشى واى اطعمة نيئة
18- يوجد عشب يطلق عليه عشب السنامكى يجب الابتعاد عنه تماما
19- عشب المرامية واى اعشاب اخرى يجب الابتعاد عنها تماما
20- الحاجة الساقعه مثل الكوكاكولا ومشتقاتها
21- فيه حاجة بضايقنى جداااااااااااااا
بلاقى هنا فى المنتدى مع احترامى طبعا لاى موضوع فى اى قسم اكيد مفييد بس بلاقى ان فيه بنات حامل او مرضعات وعايزين يخسوا ويقولوا احنا عايزين نخس
البعد نهائى وتماما عن التخسيس فى فترة الحمل وفترة الرضاعة
ولو عايزة تخسى يا سيتى الحل ده فى ايدينا بعد كده بعد الفطام بمشيئة الله لان احنا عايزين الجنين او الطفل تكون لديه مناعه قويةومتغذى كويس اوووووى
22- البعد عن المايونيز واى حاجة تحتوى على البيض النيى
23- البعد عن بعض انواع الجبن مثل الجبن القريش والجبن اللى لونها اتغير عندك بقت لونها على ازرق كده او ريحتها بقت وحشة

24- البعض عن البيض النيى تماما لازم يكون يا اما مسلوق كويس جداا او مقلى كويس جدا يعنى الصفار بتاع البيض ينشف لان فى بنات بتحب تاكل البيض المقلى عيوون زى ما احنا بنقول

25- البعد بقدر الامكان عن الطعام الجاهز
26- التدخين
27- البعد تماما عن اخد ادوية الا باستشارة الطبيب الخاص بك

عشان تزودى نسبة اللبن فى صدرك عليكى
بالاكثار من اكل
المكسرات + المغات + الحلاوة

معلومة مهمة جداااااااااااااااااااااااااااا لكى
1-متخليش الدكتور يكشف عليكى من تحت اى من نحية منطقة البكينى غلط جدا فى خلال فترة الحمل كلها ولازم يكشف عليكى من على البطن من فوق ومش من تحت
لان بنت خالتى الدكتور كشف عليها من تحت فى اول الحمل فجعل حملها ضعيف ولازم تنام على ضهرها طول فترة الحمل كلها وبتاخد حقن للتثبيت ربى يكملها على خير يا رب ولا تنسوا تدعولها معايا
2- متعمليش السونار كتير خليه على فترات لانه غلط عالجنين لان لما بتعملى السونار الدكتور بيضع على بطنك زى مادة كده شبه الجيل ولما بتخلصى السونار على خير بيمسح الجيل ده باى منديل
السبب هو
بان كثرة عمل السونار غلط جدا
لان فيه موجات فوق صوتيه احتمال 1% تاثر على الجنين
وقد ثبتت الابحاث فى فرنسا ذلك
فيجب عمل السونار على فترات متباعدة
يعنى مثلا عملتى السونار عشان تشوفى نوع الجنين ؟
متعملهوش تانى
غير لو عايزة تطمنى مثلا على حركة الجنين
لان الجنين بيتحرك فى بطنك وانتى متعودة على حركته لو جه فيوم لقدر الله ومش اتحرك كان كسلان شوية هههه
ممكن تروحى سعتها تعملى السونار عشان تطمنى
او
يفضل تاكلى او تشربى اى حاجة سعتها وحتلاقى الجنين اتحرك
بمشيئة الله
او تعملى سونار مرة اخرى بعد ما اطمنتى على نوع الجنين
لاى سبب اخر؟
ربى يكمل حملكم على خير
واتمنى تكونوا فهمتوا قصدى فالنقطة دى حبيباتى
ولازم تتابعى مع الدكتور بتاعك اول بأول مش لازم كل لما تروحى للدكتور تعملى سونار
السونار ده بيبقى للاطمئنان على نوع الجنين ايه؟
و التأكد من ضربات قلب الجنين وحركته ؟

نقطة هااااااااااااامة جدااااااااااااااااااااااااااااااا لتحديد جنس الجنين
*** كنت قريت فالقسم هنا موضوع عن ازاى لو نفسك فى ولد تعملى ايه وتاخدى ايه ؟ مع احترامى لصاحبة الموضوع بس موضوعها ده سلاح ذو حدين وخطر جداااااااااااااا الى هى عاملته بس ربنا ستر موضوعها بعنوان

عاوزة تخلفى ولد بعد البنات طبعا بعد ارادة ربنا تعالى اقولك ومجربة ‏
واسم صاحبة الموضوع ام كريم وريمو مع احترامى ليها طبعا وربى يكمل حملها على خير وتقوم بالسلامة ان شاء الله ولموضوعها بس فى حاجة خطيرة عملتها هى
من المعروف ان نسبة القلويات لو زادت بيبقى المولود بنت ولو نسبة الحمضيات زادت بيبقى المولود ذكر ده فالعادى لكن مش تاخدى وتعملى حاجات معينه عشان تزودى نسبة الحموضه لو عايزة ولد او نسبة القلويات لو عايزة بنت كده خطر جدا انك تاخدى حاجات وتتشطفى بحاجات معينة لمنطقة البكينى عشان تزودى يا اما نسبة الحموضة او نسبة القلويات لتحديد نوع الجنين الغلط فى كده ايه حقولكم ؟
لو اخدتى حاجات لزيادة نسبة الحمضيات او القلويات النتيجة هى
من المعروف ان بيئة البكينى بيئة حمضية فلو زادت نسبة الحموضه فيها بتقتل الحيوانات المنوية عند زوجك اثناء العلاقة الحميمية وممنوع استخدام الليمون للبكينى نهائى
لو زودتى نسبة القلويات فى منطقة البكينى اولا حييبقى المولود انثى ودى حاجة مفروغ منها ولكن الضرر فى كده نسبة القلويات لو زادت حتعمل التهابات شديدة لمنطقة البكينى لان طبيعة منطقة البكينى وسط حمضى او بيئة حمضية
واتمنى تكونوا فهمتوا قصدى فى النقطة دى
فالافضـــل
تسيبى نوع الجنين على ربنا واللى ربنا عايزه حيكون وكله رزق ونعمة من ربى ورلو ربى رايد انك تخلفى ولد او بنت استحاله تعارضى قرار ربنا وحقولك على وصفة سهلة جداا وسحرية تخلى لو نفسك فى ولد او بنت حتجبيه بمشيئة الله وفى الاخر اللى رايده ربى حيكون لان ربى يقول
ان اراد شيئا ان يقول له كن فيكون
الوصفة هى انك تدعى ربى باللى نفسك بيه سواء ولد ولا بنت وتخلى عندك ثقه به وتقولى لربنا يا رب انا نفسى فالولد او البنت الحاجة اللى نفسك فيها يا رب اجعل فيه الخير دائما واجعله من نصيبى ولو فيه الشر اجعل فيه الخير واجعله من نصيبى
وصدقينى ربى والله حيكون سامعك ومع الثقة وحسن الظن به والله مش حيخيب رجاءك به ابداااااااااااااااا وحيستجيب لانه المجيب

*** واللى بيحدد نوع المولود بعد ارادة ربى وقدرته طبعا هو الزوج ازاى؟
يعنى لو الحيوان المنوى اللى التصق بالبويضه ذكر حيبقى المولود ولد ولو الحيوان المنوى اللى التصق بالبويضة انثى حيبقى المولود بنت

السبب العلمى للوحم ؟
ساعات فى امهات بتتوحم فى الشهور الحمل الاولى
اى اول 3 شهور للحمل
والكل بيقول للزوجة الوحم ده عبارة عن ان نفسك فيه حاجة معينه تاكليها وروحك رايحة ليها مثل الفراولة
وبيقولولك السبب هو ان الجنين بيبقى محتاج العنصر او المكون اللى انتى قولتى عايزة تاكليه هههههههه كده غلط ومش صح
ولكن السبب العلمى للوحم هو
ان جسمك بيبقى نقصه فيتامين معين مثلا
فبتروحى للاطعمة ويبقى نفسك فى الاطعمة اللى فيها الفيتامين ده
وتاكليها هو ده السبب العلمى للوحم
سبحان الله عشان ميبقاش الجنين نقصه فيتامين معين
او عنصر معين
قولوا ورايا سبحان الله
خطأ كبيير
غلط جداا ان الامهات اللى بتقولك مش بشرب اللبن ؟
غلط لان اللبن ده فيه كالسيوم والكالسيوم مهم لتكوين عظام الجنين لتكون قوية ومن العناصر المهمة بعد الولادة للجنين فى تكون الاسنان لانه من العناصر المهمة اللى لازم تاخديها اثناء التغذية خلال الحمل واثناء الرضاعة ايضا لان اى حاجة بتاكليها وتتغذى بها بتغذى الجنين اكييد من خلال الحبل الصورى وكمان ايضا بتنزل وانتى بترضعى من خلال لبن الصدر حببتى بيبقى فيه المكونات والعنااصر الازمة المفيدة للطفل لتساعد الطفل على تكون الكالسيوم واى عناصر اخرى مهمة للطفل
واتمنى تكونوا فهمتوا قصدى فى النقطة دى

وبكدة انتهيت من النصائح اتمنى تعجبكم وتستفادوا منها ان شاء الله


قولوا ورايا
ربى لا تذرنا فردا وانت خير الوارثين
اللهم اميييين.
منقول للافادة

[Roshy166]

حبيبتي كفيتي وفيتي
موضوع جججميل ومفيد

يعطيكك العاآفية ..

[qurtz]

الله يعطيك الف عافيه حبيبتي ع المعلوماات

[ayato]

الله يعافيكم

[سي سي]

يعطيك العافيه ..

ربي يسهل عليك و ع كل حامل

[بحــ العيون ــــــــر]

[ayato]

نورتووو

[ام ارجواااااان]

[قلب الاميري]

[متفائله خير]

جزاج الله خير