السلام عليكم ورحمة الله وبركاته
بنات وررربي اني ادعي لكم كلكم باذن الله تجربووون ذا الشعور قريب قريب الشهر هذا يارب
انا في رمضان تركت المانع وبديت انتبه لنفسي كل شهر عشان كذا بقولكم فيه اشياء والله حسيتها بكل الشهور وفيه بعضها لا بس بهذا الشهر
الشهر هذا جاتني اعراض بصراحه مكرره بس الاعراض اللي تختلف عن الشهر اللي قبله واللي قبله هذي هي
اولا حسيت شد واااااااضح بمبيضي اليسار كذا مره
بنات شد واااااضح وبعدين صار مره يمين ومره يسار
ثانيا احلامي كثيرررره الشهر هذا وكلها تبشر بالحمل
ثالثا وهو الاكيييد واللي خلاني اشك واحلل امس الم الدوره مرره واضح خلاص بتنزل اكيد
طبعا موعد دورتي امس 27
والم الدوره رجووولي والبرررد وبطني لدرجة رحت لبست بجاما طويله وربي استغربت الدوررره فيني بس مافي دم شوفي مابتحسي بمقدمات الدوره لا تحسي بالمها ززززي وهي نازله اول يوم شفتو ذاك الالم حسيته ورايحه جايه ع الحمام قلت بس جات لدرجة احس شي قاعد يطلع مني وامسح مافي شي
وقبل يومين يوم الجمعه طالعين انا واهلي برا بحديقه شوي احس بخاتمي ( خاتمي هو مكان نزول الدوره نفس الفتحه بنات معليش ع الوصف ) بس هذذذا الشي اللي خلاني احلل امس شفتو الالم وقت ما الدم ينزل انا عمره ماعورني خاتمي قبل الدوره وقت ماينزل الدم وخصوصا اول يوم هووو اللي احس فيه اما قبله مستحيل المهم وانا جالسه لدرجت نطيت من المه وقلت بس نزلت وشكلها غزيررره عشان الالم واروح الحمام فيه حمام بالحديقه وامسح مافي شي وادخل الفاين جوا شوي مافيه انهبلت رجعت البيت سويت لي شاي بليمون احس برداااانه ولابسه بجامتي الطويله وتحت اللحاف وربي دوره بس اللهم مافي دم
مع اني ياست لانو حللت ترا بابو عشره قبل 3 ايام وطلع ساااالب ولا ريحة خط
انا مااا اسب الجهاز بس بصراااحه يابنات من تجربتي اذا فات ع موعد دورتك اكثر من اسبوع وحابه تحللي اوك جيبي ابو عشره
بس نصيحه اللي تحلل قبل موعد الدوره بيوم او يومين او بنفس يوم الدوره نصيحه لاتتعب حالها وتحلل بابو عشره لانو موووو دقيق وممكن يعطيك نتيجه كاذبه لانه لسا الهرمون مو واضح خصوصا اذا تبويضك كان متاخر ونزلت موضوع انه حللت قبل عشره ايام وسالب
المهم الاعراض اللي كل شهر بصراحه تجيني وماشككتني بالحمل لانه احس شي مو جديد
المغص الم المبايض كل شهر تالمني مبااايضي بس الشد هو اللي غريب
صدري مره يالمني وحلماتي وكنت مو عارفه اخذ راحتي بالنوم واتقلب واحس بثقل وحلماتي بارزه وتالمني الم اسفل الظهر ملاازم لي له كم شهر وهذا الشهر اوضح خصوصا لاقمت من النوم او من جلستي
الشد اللي بالمبايض شد زي العرق او خط كذا مستقيم شد علي بقوه والم الخاتم الم الدوره الصريح مو الم مقدمات الدوره هذي الاشياء الجديده
المهم انا كنت اقيس درجة حرارتي بنات وكاتبتها عندي وراح انزلها تحت الموضوع هذا ممكن ماتزبط معكم بس والله انا زبطت ومريحه وحلوه
الافرازات ابدا ابدا مالها دخل نفس الافرازات مافي شي غريب
الخمول والنوم احس عادي ماجاني شي واضح
احس طولت عليكم بس والله حابه افيدكم شرحت بالتفصيييل بس ان شاء الله فهمتو علي اذا جاك الم الدوره وكان عليك الدم ومافي دم اعرفي انك حامل خصوصا الالم اللي قلت لكم عليه اما الم مقدمات الدوره طبعا مو شرط لانه بتنزل عليك اكيد بس انتي تعرفي حالك تحسي كانك باول يوم للدوره الدم نازل عليك بس مااافي دم
الله يرزقكم يارب جميعا وطبعا بنات انتو عارفين انه شخص لشخص يختلف بس والله حبيت افيدكم من تجربتي
وبصراحه ما اتوقعت احمل الشهر ذا لان زوجي كان مسافر وقت تبويضي خخخخ سبحان الله بس جا بيوم 16 للدوره واغلب الظن كان تبويضي لانه الشهر اللي فات كان 16
بس قلت يمكن كان 15 ومالحقت عليه خساره خخخخ سبحان الله ربي اذا راد بالشي
وانا عكس الحوامل مو يقولو يحسو بحررر لا انا برداانه واطرافي مثلجه زي اول يوم الدوره وامشي ببطانيتي وزوجي يضحك علي احس بردااااانه
واذا تذكرت شي بكتبه