هذا قدري

[smile girl]

السلام عليكم ورحمة الله وبركاته

شلونكم اخواتي واحبتي ف الله

اذا تذكرون قبل فترة نزلت موضوع بنفس القسم بعنوان (زوجي تركني )

ووو عبالي مشكلة وتنحل بس كبرت و وصلت للطلاق وحاليا بعدهة مشكلتنة بالمحكمة

وسبب طلاقي الاطفال لان محملت ابدا وظليت سنتين ونص متزوجة بدون اي حمل

وهذا ادى انو زوجي يكرهني ويتركني حتى يتزوج وحدة ثانية بهدف الانجاب

اني اعرف هذا حقة واعرف هاي حكمة رب العالمين

واعرف هو هم حقة بالاطفال

بس اكو سؤال بآلي رح يجنني اي واحد يحجي وياية يكلي اي حقة

زين طيب لعد اني حقي وين ؟؟؟ حقي وين من زوجي تركني ويجرحني بسبب مرض اني مالي ايد بيه وهو تكيس المبايض ؟؟؟ وين حقي من اتخرب بيتي وزوجي حجة عليه حجي مو حلوو ؟؟

وين حقي من هذا كلة ؟؟؟
لا وفوك كل هذا ميقبل ينطي لا مقدم ولا مؤخر بحجة انو اني عاقر ميصيرلي اطفال

بربكم هذا التصرف الله يقبل بيه ..؟؟؟ ليش هيج المرة مظلومة بمجتمعنة ؟؟؟
وكلشي من حق الرجال ؟؟

اذا هو جان يريد طفل اني هم اريد طفل واستقرار وحياة على حب الله ورسوله

يعني اني هيج علطانة واستاهل كل هذا ...؟؟

امانة جاوبوني من هذا الي ديصير كلة اني وين حقوووقي .؟؟
ظلموني بشي مالي ايد بيه .؟؟؟

ساعدوني اترجاكم ولو بكلمة طيبة تخفف عني

واسفة ع الاطالة بس مالكي غير مكان احجي بيه الي بقلبي

[amel27]

وعليكم السلام ورحمة الله وبركاته
اختي الحبيبة
اولا ان شاء الله تشفين من التكيس اضن انه مش مشكل كبير
ثانيا لازم تكوني قوية يوجد رجال ماعندهم مبادئ ما يحسو وما يفهمو اذا هو تركك وسمح فيك الحمد لله، الله عز وجل موجوووووووود ورحمته موجودة خصوصا الان نحن في ايام مباركة اكثري الصلاة والدعاء يااختي
انا والله احس بيك وان شاء الله تشفين وترجعين لزوجك
ورحمة ربي واسعة
ارجوكي ما تيأسي اكثري الدعاء

[smile girl]

تسلمين حياتي على ردج ربي يفرح قلبج

وبالنسبة الية الحمدلله صابرة وراضية بواقعي واعرف كلشي بالدنيا قدر ومكتوب

وربي يسوي الي بيه الخير

وبالنسبة انو ارجعلة لا فكرة مستحيلة يعني احتمال بقلبي متمنية هذا الشي بس بالنسبة الة هو لا لاغيني من حياتة بعد

وارجع واكول الحمدلله والشكر على كل حال

بس اريد واحد يعاوني شوية ولو بكلمة لان مرات صبري يخوني ودموعي تخوني

[amel27]

ان شا الله ربي يعوضك ويفرحلك قلبك
لكن انا عندي لك نصيحة نقولهالك عن تجربة
اشغليييييي حالك بأمور مهمة شوفي اي شي تستمتعي بيه واعمليه مثلا قراءة الكتب او تعلم لغة او خياطة اي شي المهم يكون مفيد ماتخلي الفراغ يسيطر عليك اهتمي بنفسك كثير وهو ربي يسهلو الغيه من
حياتك
لكن الصبر لااااااازم ولاتنسى دايما بعد الليل تشرق الشمس، شدة وتزول حبيبتي
انا كنت اشغل نفسي بالقرآن وبعض الكتب وايضاً كنت اتفرج في اليوتيوب مقاطع دينية خصوصا للشيخ المغامسي والحمدلله ربي مايخلي عبده ابدااا

[smile girl]

ان شاء الله حبيبتي ربي ميتركني بالشدة مالتي هاي

والله اني هم شكد م احاول اصبر نفسي واشغل نفسي بالنت والطلعات وحتى ادورلي على معاهد حتى اتعلم بيها لغة انكليزية

والله كريم

مشكورة الج حياتي ع النصيحة ربي يحفظج ويفرح قلبج

[tayler]

حبيبتي هو يحط اعذار وكثير من النساء عندهم تكييس وتعالجوا وانجبوا اولاد وهما بخير لاتشغلي نفسك فيه وربي يعوضك بالاحسن منه يارب

[smile girl]

ان شاء الله حبيبتي

تسلميلي على مرورج

ربي يفرح قلبج

[نوت "̮]

وعليكم السلام ورحمة الله وبركاته ..
على نياتكم ترزقون .. والله ما يرضى بالظلم
ف كل وقت وصلاة قولي حسبي الله ونعم الوكيل ،وربنا ح يعوضك بالزوج الصالح اللي يقدرك ويحترمك والذرية الصالحه اللي تسعدك وترضيك وصدقيني انه خير لك ما جبتي منه اطفال ( بعد فترة الله ح يبين لك خيرته في كذا ) وتحمدي ربك وتشكريه الف مره انكم انفصلتو بدون اطفال .. وترى التكيس ماهو مرض ولا هو عقم انا واختي بعد ما حملنا اكتشفنا انه عندنا تكيس مبايض واعرف ناس كثير نفس وضعنا يعني العيب ماهو منك صدقيني الانفصال خيرة من الله ، انتي لازم تكوني اقوى من كذا الرجال يدور الحرمه لانه ما يحس بالكمال الا معاها ، والحرمه الحمدلله مو محتاجه رجال يكملها او يشغل وقتها بحاجة .. لازم تكون ثقتك بنفسك اكبر من كذا لازم تخاطبي نفسك وتقوليلها انا اقوى من انه يكسرني رجال او يتمنن عليا .. نفسك انتي مسؤوله عنها وبعد فترة من الزمن ح يجي وقت تتمنى لو هذه الفترة ترجع عشان تقضي حياتك طبيعيه وما تحمليها اكثر من طاقتها .. وفي النهاية صدقيني ربنا ح يرزقك و ح يرزقه وكلن على نياته .. احسني النيه لله وهو ح يرزقك باللي تتمنيه اضعاف مضاعفه

[Huda.91]

الله يعينك على ما ابتلاك
شوفي حبيبتي هذا الخير لك وربي يختار لنا الافضل دائما احمدي ربك لان في شي احسن من كذا رح يعوضك ربي فيه
ربي مارزقك باطفال منه ممكن عشان اسباب كثيرة
حطي في بالك اي شي يصير لنا هو الخير والحمدلله على كل حال
والله يعوضك بالافضل يارب

[smile girl]

حياتي انتي ربي يفرحج ويرزقج كل ما تتمنيه

كلامج دخل لقلبي وانطاني قوة ودعم .. ورغم اني هم اصبر نفسي واكول الخيرة فيما اختاره الله

بس هم تجيني لحظات واضعف بس ربي ينطيني قوة ويخليني اصبر واكمل حياتي ان شاء الله