كنت ادخل قسم تأخر الحمل وصرت ادخل دردشة الحوامل تعالوا شوفوا كيف

[ام عبدالرحمن969]

بسم الله الرحمن الرحيم
السلام عليكم ورحمة الله وبركاته
طبعا مثل ماهو واضح بالعنوان اني الحمدلله حملت الله يتمم لي بخيرر ويرزق كل محرومة
اخواتي انا عندي تكيس وحملت مرتين وسقطت ومااعرف الاسباب
اكلت موانع حمل عشان تزيل او تخفف التكيس اكلت الاسبيرين والجلوكوفاج
مرخت عند حرمة في الدمام ب3000 اسمها ام ياسمين لو تبحثون عنها في قوقل بيطلع لكم عنها بس مو ممتازه مره مثل قمرية واحسها ماديه وتنفع للي عندهم مشكله في العظام او العظلات او الظهر او الركب اكثر من اللي تبي الحمل هي معها شهاده في الابر الصينية وعلاجها يتركز على تظغيط الرجول من تحت
مرخت عند حرمة في الرياض ب600
وقالت لي فيني قرينة ورحمي نازل وخفت مررره من القرينة
اخذت عسل ولهوم ب600
قريت عند شيخ ثلاث شهور اليوم ب30 ريال
قريت عند شيخ ثاني شهر ب30 ريال اليوم
قالوا لي مافيك قرينه ولا شيء كله خرابيط فيك عين قووويه
سويت حجامة 5 مرات المره الوحده ب250 عند وحده ممتازة اسمها ام صفوان اندونيسية ودينة تجيك البيت طبعا في الرياض
اقرا سورة البقره يوميا
كنت استغفر كثير
كنت كل مااصلي ادعي واصيح على ربي لين تقطع قلبي
كنت اتصدق انا وزوجي
الكل يدعيلي
تكلفت كثيرر وكله لجل الحمل واقول اهم شيء العافيه
كنت اصيح وانهبل كل ماتجي الدوره
دايما حزينه ومكسور خاطري زوجي ماادري عنه بس اهوجس وحزينه اهلي مااروح لهم صديقاتي قطعتهم كله بس ابي احمل
بعض الناس تشمتوا فيني
بعضهم قال اكيد انتي مسوية ذنب كبير وهذا عقاب من ربي
بعضهم يبدا يتفلسف ويسوي ينصح
المهم
في شهر 12 حجيت ودعيت ربي لين دخت
رجعت من الحج وجتني الدوره الله يكرمكم في ثاني يوم سويت حجامة
وشربت عشبة المدينة (القشعه)
وسابع يوم مرخت عند وحده ممتاااااااااااازة مرررررررررره
والله والله والله ممتازه اسمها قمرية هي اندونيسية تجيك في بيتك طبعا في الرياض
طبعا وهي تمرخك تمرخك من راسك لين اخر اصبع في رجولك
تخيلوا وهي تمرخني تظغط بقوه على الرحم طلع هواااا قووي يفشششل
وقالت لي رحمك صغير وضعيف ونازل
وعاشر يوم سويت اشعة الصبغة
واليوم ال11 جتني قمرية مره ثانيه مرختني
قلت لزوجي اذا جتني الدوره شهر 1 بروح اخذ ابر تفجيرية لانها هي الوحيده اللي بقت
وجا شهر 1 صار صدري يعورني وطلع لي نفر في كل جسمي وهذا النفر قد جاني في حملي الاول والثاني يعني يجيني اذا حملت بس انا ماانتبهت له
امي واختي شافوا النفر قالو متأخره عليك الدوره قلت ايه قالوا شوفي النفر اللي طلع لك اول طلع الحين شكلك حامل والله اعلم قعدت اقول لزوجي شكلي حامل بس ماصدقني لانه انصدم كثيرررر دايما احلل اشك اني حامل وتتأخر الدوره اسبوع بعدين تجي
المهم لما تأخرت الدوره 3 ايام ماقدرت اصبر قلت له تكفى جب لي تحليل منزلي قالي لا
بعدين تحللين ويطلع خط واحد وتجلسين تبكين وتصجيني قلت لا ماازعجك جب لي والله مابكي لو طلع خط واحد
وفعلا جاب لي ولما حللت طلع خط واحد
انا جلست ابكييييييييي تحطمت
قال شفتي ياليت ماسمعت كلامك
مر يوم وكل مااحس برطوبة اركض على الحمام اشوف جت ولالا وافرح
لين كملت 15 يوم هنا قلت له يلااااا على المستشفى ابي تحليل دم ورحنا
والحمدلله طلعت حامل صح انا وزوجي فرحنا بس علطول تبدل الفرح لحزن وخوف
خفنا انه مايثبت ويطيح مثل اللي قبل
ومر الشهر الاول والثاني والحين في الثالث ونقول يااااااااااارب يثبت
كتبت لكم قصتي عشان يمكن وحده تستفيد منها وابي اللي ماحملت تعرف انو مع العسر يسر وكل ماشتدت الكربة ان شاءالله قربت تنفرج
طبعا انا كنت اسقط في الشهر الاول ماقد ثبت للثاني لكن هالمره الحمدلله ثبت للثالث واقول ياااارب يفرحني بشوفة جنيني ويفرح كل محرومه ياااااارب
اللي تبي رقم ام ياسمين
ولا ام صفوان
ولا قمرية
تراسلني على الخاص
صح نسيت اقول لكم اخت زوجي فيها تكيس وعندها نفس مشكلتي
وبعد ماحملت قلت لها تمرخ عند قمرية وتشرب عشبة المدينة وقت الدوره وفعلا نفس الشهر حملت الحين هي في الثاني الله يتمم عليها يارب
ابيكم تدعوون لي يثبت حملي ويرزقني ربي ذكر سليم معافا ويرزقني حسن الخلق وهون الطلق انا وجميع اخواتي المسلمات

["MNoOo"]

الله يتمم عليك وثبته ياااااااااااااارب

ويرزقنا مثل مارزقك

حبيت اسالك وش قالت فيك الدكتوره في اشعه الصبغه وش النتيجه

[روز بااريس]

الله يتمم لك على خيير وتقومين بالسلامة ...

انا فيني تكيس وتحمست لققمرية هذي بس مترددة خخخخ

[ام عبدالرحمن969]

انا اراجع في مستشفى العسكري
وطلب مني الدكتور اسوي اشعة الصبغة بس انا رفضت قلت ابي حرمة تسويلي قال تقدرين تسوينها في مستشفى خاص
وتجيبين لي النتيجة ورحت سويتها في الحبيب فرع الريان ب750 ولما خلصت قالت لي قومي خلصنا وعطتني ورقة مكتوب فيها بالانجليزي وسي دي ولا قالت لي وش فيني
اخذت الورقة وشوفيها معي مادري وش مكتوب فيها لان موعدي في العسكري شهر 5 تخيلي حملت ومابعد جا موعدي حق علاج تأخر الحمل
يازين الخاص بس


روز الله يكتب لك اللي فيه خير لك
وادعي دايما قولي يارب دلني وارشدني للاسباب اللي تساعدني على الحمل
انا كنت ادعي كذا

[همسات ام]

بسم الله ماشاء الله لاحول ولا قوة الا بالله
مبروك حملك اختي
ربي يثبت حملك ويرزقك بما تتمنين ويسهل ولادتك بحق محمد واله
يارب البنات كلهم يستفادو وعقبالهم جميعا*

[غلا ابراهيم]

ربي يثبت حملك ويرزقك من حيث لا تحتسبي

[hadeel al rouh]

ماشاء الله ولاحول ولاقوة الابالله
سبحان الله يجيب كل سائل ويعطي كل محروم
ربي يرزقك السعادة بشوفة احلى بيبي باحلى صحة وعافية
يارب ياكريم

[سحآبة فجر]

سبحآنه ربي كريم
جزاك الله خير و الله يتمم لك على خير يا قلبي ويثبت حملك ويرزقك طفل سليم معافى ..

[بنت النورر]

الله يتمملك حملك علي خير يارب

[ام عبدالرحمن969]

ياعمري انتم فديتكم الله يجزاكم خير دعواتكم فرحتني