تجمع امهات التوام حياكم

[الامل بالله]

السلام عليكن

انا والده لي 12 يوم وحابه انضم لكن

وعندي استفسار الله يجزاها خير الي ترد علي

انا ولدت طبيعي بعد معاناه نزلالطفل الاول على راسه اما الثاني كان مقعدي وعدلوه بايديهم ويوم طلعوه كان لونه ازرق وماصاح
س\ من فيكن صار معها كذا وكيف الطفل هالحين ؟

[عشمانة في ربنا]

المشاركة الأصلية كتبت بواسطة الامل بالله

السلام عليكن

انا والده لي 12 يوم وحابه انضم لكن

وعندي استفسار الله يجزاها خير الي ترد علي

انا ولدت طبيعي بعد معاناه نزلالطفل الاول على راسه اما الثاني كان مقعدي وعدلوه بايديهم ويوم طلعوه كان لونه ازرق وماصاح
س\ من فيكن صار معها كذا وكيف الطفل هالحين ؟

حبيبتي الف مبروك الولادة والف حمد لله علي السلامة
انا حصل معايا كدة في ولادتي لاني اتاخرت واتبهدلت كتير وخاصة البنت التانية تعبت من ولادتي ونزلت لونها ازرق خالص وما بكت بس الحمد لله الحين زي العسل وكمان ما فيها الا العافية وكمان نشيطة كتير عن اختها فما تقلقي ان شاء الله تفرحي بصحة وسلامة بيبيهاتك

[الحياه حلوه]

المشاركة الأصلية كتبت بواسطة زود الغلا

السلاااااااااااااااااااااااااااام
الحياة حلوة انا نفس مشكلتك مع الخدامات عندي 3 ومو ملحقة وزفيتهم قلتلهم انا جبت 3 خدامات عشان ارتاح مو عشان اتعب راسي وبعدها مشى حالهم .
بسالك كم اوزان عيالك الحين ؟؟؟
وبالنسبة للعشا ورا العشا بساعتين عطيهم فارليز وبعدها حليب اول انك تاخري العشا وبعدها حليب .
كم وجبة تعطينهم باليوم وشنو نوعية الوجبات اللي تعطينهم عطوني خبرة .

انا اول مايقعدون الصبح حليب الساعه 7 والساعه 9 ريوقهم توست بحليب ومرات اظيف جبنه ومن شهر دخلت صفار البيض ومرات توست ولبنه او جبن كيري. بعدها بساعه عصير المخصص للاطفال او شاي اعشاب اطفال ميلوبا.
الغدا 12. رز ابض مع روب بالخلاط. رز مع خظراوات بطاط وجزر. معكرونيا ودجاج بالخلاط مره بالاسبوع. ومرات بس خظراوات. كوسا بطاط جزر
وبعدها بساعتين حليب.
الساعه 6 العشا. سيريلاك. شوربة عدس مع توست. العدس تو بديت فيه. جريش مع شوية دجاج. توست مع جبن وحليب بالخلاط. شوربة خظراوات مع توست.
الساعه 9 حليب.
ونرات العصر اذا ماشربو رظعة الساعه 2 الظهر كامله اعطيهم فواكه مهروسه.

مادري اخس نظامي مخربط معاهم. ياليت مل وحده تحط جدول الاكل حق عيالها.

[الحياه حلوه]

اعذروني اذا مرات الحروف اكتبها غلط لاني ادخل من الايفون.
حبايبي بستشيركم. انا كان عندي خدامه للتوم مخصوصه بس لهم ماعندها اي شغل ثاني بلبيت. وعندي غيرها ثنتين للتنظيف وللطبخ.
انا اخليها تنام مع عيالي التوم بغرفتهم. ومن حسيت ان نومهم مو مظبوط صرت اهذ واحد منهم عندي والبنت عندها او العكس اللي اشوفهرمونايم عدل انومه عندي. وعيالي اعمارهم 9 شهور.
انا اشوفها مرتاحه خصوصا ان الفلبينيه مالت التنظيف انا شارطه عليها تساعدها بوقت اذا كنت نايمه او طالعه.
الحين انا طلعت الفلبينيه حقت التنظيف وجبت اثيوبيه. لان الفلبينيات اتفقو مع بعض وقامو يسوون لي مشاكل مع السيلانيه مالت الطبخ. وطلعت السيلانيه عشان خاطر بس ابي مالت التوم ترتاح لانهم قالولي طلعيها واحنا بس نمسكلك البيت كله. لما طلعتها الفلبينيه مالت التنظيف نفسها صارت خايسه وبس تتافف من الشغل وتقول جيبي وحده ثالثه انا ماقدر اطبخ. المهم عصبت عليهم وقلت انا مولعبه وانتم تدلعون واللي ماتبي تقعد تطلع الحين. المهم طلعت فلبينية التنظيف لان اللعانه كلها من تحت راسها وجبت سيلانيتي مره ثانيه وجبت اثيوبيه. فلبينية التوم من شافت السيلانيه استنفرت وهي اصلا زعلانه من وديت الفلبينيه وقالت مابي اقعد وديتها المكتب وانا بحاجتها صراحه. ابيها تتادب وتخاف اتاريها مصممه ماتقعد المهم رجعت معاي علي اساس تقعد عندي للعيد علي ما ادبر وحده غيرها.
ادري طولت بس والله من حر مافيني ومحتاره مو عارفهرشنو اسوي ودوامي بعد العيد مباشره.
شرايكم هل هي فعلا مثل ماقالت للمكتب ان شغل التوام واجد وموقادره بروحها ولا تتشرط تبي فلبينيه معاها. لان الاثيوبيه شحليلها تساعدها بس مازالت موراظيه تتحجج ان السيلانيه راعية مشاكل. حيرتني
انا ودي ازيد معاشها عشان تقعد شرايكم.
لان معاشات الفلبن زادت وهي معاشها ع القانون القديم لان لو بجيب وحده جديده اكيد بتاخذ معاش اكثر.
وشرايكم هل انا غلطانه اني انوم واحد من التوم عندها؟؟!!

[عشمانة في ربنا]

الحياة حلوة
حبيبتي زي ما قلتلك قبل
انا ساكنة في شقة صغيرة وكان عندي خدامتين قبل وما كانوا مريحيني ودايما يقولوا الشغل كتير واحيانا كان يعدي كام يوم ما ينظفوا البيت وعملت مشاكل كتير معاهم ودخلت هنا المنتدي وخدت راي البنات
لكني بصراحة ما استحملت دلعهم ومشيت الاتنين وجبت واحدة تانية فلبينية لحالها وقلت اتعب معاها شوية ومن اول ما جت وانا شادة عليها لحد ما الحين الحمد لله هيا لحالها مع البنات وشايلة شغل البيت والبنات وكمان بتنام مع البنتين لحالها في الغرفة ومن يوم ما جت وانا مش بعمل حاجة خالص في البيت ولا البنات ومريحاني برغم انها لحالها
خلاصة كلامي ان الخدامة حسب ما تعوديها لما ندلعهم بيجي علي دماغنا ولما نشد عليهم بيمشوا زي المسطرة

[زود الغلا]

الحياة حلوة .... كم اوزان عيالك الله يحفظهم ويخليهم لك ؟؟
الفرق بين وجبات عيالك حييييييل قليل خليها على الاقل كل 3 ساعات عشان يجوعون ..
بالنسبة لي انا زايدة وجبت بناتي تقول الدكتورة لازم باليوم يخلصون 10 مكاييل حليب .
اول مايقعدون من النوم ...2 فارليز مع 2 رقم حليب مع نص صفار بيضة مع جبنة كيري وبالخلاط .
بعدها ب3 ساعات حليب اسوي 5 ارقام وانا بناتي مايشربون الا رقمين تقريبا وبعدين احط فارليز حبة وحدة وازيد رقم حليب .
وبعدها ب3 ساعات غدا ...رز وقرع وجزر وبطاط وملعقة شوفان .بلخلاط واظيفلهم 3 ملاعق حليب .
وبعدها 3 ساعات العشا ...سيريلاك بماي التمر واخلط معاه حليب او او او ...5 ارقام ماي مع حليب مع ملعقة شوفان مع نص تفاحة مع ثلاث تمرات .
وبين الوجبات ماي ...امانه بنات ادعول لبناتي ان الله يحفظهم ويعافيهم ويخليلكم عيالكم اللهم امييييييييييين .
وبالنسبة للخدامات ....انا بعد دوامي بعد العيد والى يومنا هذا بناتي ينامون عندي بس من ابدي دوام رح اخلي خدامتين ينامون عندهم ....وانا انصحك باللي يريحك والخدامات شر لابدمنة والزم ماعليك عيالك اذا حسيتيها زينه بعيالك دلليها وسويلها اللي تبي بس بحدود الدلال مو بكل شي بس لا تطيحين الميانة معاهم لانهم ماينعطون وجة :)

[سآره]

صباح الخير امهات التوام اخباركم ان شاء الله كلكم بخير

كل عام وانتم بخير وتقبل الله منا ومنكم صالح الاعمال

اختفيت فجاه لاني كنت تعبانه توني من اسبوع سويت عملية استئصال المراره بعيد الشر عنكم

انا من بعد ولادتي تجيني الم وتو اكتشفوا ان فيني حصي في المراره اكثر من 30 حصاه سويت العمليه وللحين مااقدر امسك عيالي وازيدكم من الشعر بيت ماعندي خدامه خدامتي ماتبي تشتغل

والله فيني قهر ماكملت شهر من رجعت بيتي جيت بيت اهلي مره ثانيه احس مليت من هالوضع اللي انا فيه يارب رحمتك

المهم عيالي صار عمرهم 7 شهور الله يحفظهم متعبيني في كل شي رضاعتهم بطلعة الروح حتى الاكل رافضينه مايبون شي اوكلهم بالغصب ياخذون مني وقت وجهد كبير

بنات احس تعبانه تعبت من وضعي تعبت من عيالي عسرين لابعد درجه ادعوالي ان الله يفرج علي

اي واحد من عيالي طلع له سن والثاني لا اثنينهم يقلبون واحد يجلس بس مو ثابت والثاني نهائيا مايجلس
متى اقدر اعطيهم التوست والبيض والجبن والدجاج وشلون طريقتهم ؟؟

[زود الغلا]

سارة ................الحمدلله على سلامتك ياقلبي وماتشوفين شر قبل فترة سالت عنك حييييل فقدتك ..يقولون حصا المرارة سببها المثبتات ..تذكرين عواطف السلمان كانت معانا بالتجمع صار معاها مثلك .
وبالنسبة لعيالك ,,والله ياسارة كل مايكبرون تكبر مسئوليتهم الله يحفظهم انا بعد بناتي مجننيني مايرضعون ووحدة من بناتي تخلي الاكل بحلقها وماتبلعه او انها تسكر حلقها عشان ماتبي تاكل حتى وهي جوعانة جننتني..ولي اللحين بناتي ماسننوا ويقعدون بروحهم وحدة تقلب والثانية ماتحب تقلب ..
وبالنسبة للاكل الحين تقدرين تدخلين البيض بس صفارالبيض ابدي بربع مدة 4 ايام وبعدها زيدي لما تصير صفار بيضة كامل.والتوست بعد الثامن انا بناتي ماحبوة عشان ثقيل ووحدة من بناتي تبي الاكل نفس الماي سائل واذا صار ثقيل ترجعه ...الله يعيييييييييييييييييييييين صج جننوني .\
عطيهم دجاج وجبن كيري لانة مليان كاليسيوم وامشي على طريقتي اللي انا كاتبتها .

[الحياه حلوه]

ساره ماتشوفين شر انشالله واصبري واحتسبي الاجر عند رب العالمين.
ترا هذا التوام متعبين في كل شي لانهم اثنين ومسؤليه. انا هذي ثاني تجربه لي بالتوائم وللحين احس اني اول مره اولد واربي مع انه لله الحمد والمنه عندي عيال كبار بالمدارس ومسؤليه واحس اني مرات ابشق هدومي واستغفر ربي.
والله مرت علي ايام صعبه بس الحمدلله كل ماتذكر انها مرت بسلام وانا متعافيه وعيالي سالمين احمد ربي. واقول فتره وتعدي.
زود الغلا انا عيالي اعمارهم 9 شهور. البنت لااله الا الله ماشالله متينه وزنها 9 كيلو والولد تصدقين ماوزنته ولا مره اعتقد 7 او7ونص ونحيف وتصدقين عاد البنت ماتحب الاكل ومو اي شي تتقبله ووزنها احس انه ماله علاقه بالاكل خلقه او وراثه. والولد ماشالله يحب ياكل بس مومبين عليه.
زود الغلا اكل بناتج غريب منو واصفلج هالوصفات. يعني خلطة البيض والفارليز والحليب تعطينهم شلون بالمميه ولا شنو. والفترات بين الوجبات بعيده حيل يعني متي يتغدون. ووجبة الصباح اللي فيها فارليز وصفار بيض اي ساعه اتوقع 6 الصبح واحس ماراح يكون لي خلق اخلط.
انا عادي من الشهر الثامن اعطيهم توست وصمون وروب وكريم كراميل وجيلي وجريش عطيتهم الاسبوع اللي طاف. ومعكرونيا وخظار ورز وايظا اعطيهم الفواكه المعلبه المهروسه مالت الاطفال. وعصير اطفال تفاح يحبونه. انا صراحه من الشهر السادس بدي اجرب كل صنف اسبوع لحد ماوصلت لمرحلة التنويع.
بس بالمقابل عندي مشكله عيالي ماعمرهم شربو الرظعه كامله وفيهم دوائر بيض علي جوانب الفم اعتقد نقص فيتامين. توامي هذولا مشيمتين ومتعبين واكتشفت بالتحربه ان التوام مشيمه وحده افظل لان طبعهم واخد وحتي يمرظون مع بعض وترتاحين.
اناصار بالبنت عنكز ( جديري الماي) والولد طاح عقبها باسبوعين ماتخيلون شلون حالتي خصوصا ان بنتي تلبس جهاز لرجولها لان قدمها من الولاده مقوسه وتعالو شوفو العذاب مظطره اشيلها بجهازها لان ياخياتي سخنت والحبوب تحكها ومو قادره اسويلها شي. *

[نـــــــارا]

انا هلكانة بعد من خدامتي توها مكملة شهرين وتبي تروح تقول شغل وايد
الله وكيلكم شقتي غرفتين وهي طول اليوم ببيت الوالدة وما نرد الا المغرب وطول ما انا بالدوام اهي تهتم بالتوام وترقد كلما رقدوا بالاحرى ما عندها شغل لان بناتي يسهرون لي للصبح وينامون بالنهار ساعات ارد من الدوام وهم بعدهم راقدين ومن ارد اا اللي اهتم اهتمام كامل باليهال ولما ارد شقتي لو اي وقت متاخر او مبكر دخلت نامت!!
وما تنظف لي كل يوم لاني ما اخليها وهي ما تعطيني فرصة ياما ارتب غرفتي لحالي وانظف الحمام بنفسي وقليل لين خليتها تنظف يعني مدلعة خوش دلع همها بس تنام وتاكل وتقول انا وايد اعطيها اوامر وهي ما تلحق وتبي تروح بيت ثاني!!!

امس وديتها المكتب هزأوها وكلموها واليوم من الصبح الشقة تلمع من النظافة وخايفة تسويها فيني كم يوم وترد تتحجج