مجرد فضفضة !!

[المحتارة=(]

السلام عليكم ورحمة الله وبركاته

صار اليوم شيء .. وأحس اني مخنوقة والبكاء ما كفاني .. أبي أفضفض وأتكلم .. طبعا ما عندي خوات .. والصديقات ما أقدر أقولهم .. فمالي بعد الله غيركم .. لعل وعسى يطيح الهم اللي بقلبي .. أو ممكن تساعدوني وتواسوني ..

اللي صار اليوم .. وحده من قريباتي تزوجت .. وهي أصغر مني في العمر بكثييييييييييييير .. وطبعا اللي تزوجته أكبر مني أو كبري ..

أنا بحكم ان عمري 27 ولا تزوجت .. ولا حتى انخطبت .. أو حتى أحد قالي عطينا رقم أمك نكلمها بخصوصك .. صرت حساسة جدا جدا جدا من هالموضوع ..

كل فكري يقول اني عانس .. ولا مني أمل في الزواج .. طبعا فيه أسبابه العائلية اللي للأسف خلتني على هالحال ( العنصرية القبلية هي الأساس)

كل ما صار زواج وحده من قريباتي وتكون أصغر مني أتهرب .. أتهرب .. ما ابي أحضر الزواج

أكره نفسي كلي .. أحس نفسي حقيره .. مستحقره .. محد يحبني .. يكرهوني .. كل الناس يكرهوني ..

محد فكر في يوم من الزواجات لا الاجتماعات العائلية اللي أروح لها وقالي بنخطبك .. محد فكر يقول لي عطيني رقم أمك أكلمها عشانك .. محد !! محد فكر حتى يقولي انت جميلة مثلا لو من باب المجاملة يعني !!

زين ليه ؟؟ وش فيني ؟؟ وش ناقصني ؟! لهالدرجة كل اللي تزوجوا جميلات وحلوات وطوال وأجسام .. وأنا شينة ؟!!

لهالدرجة اللي تزوجوا أصحاب علم ومناصب !! وأنا الجاهله الحقيرة !!

كل ما أروح زواج وحده وأصغر مني أحس أختنق .. قسما بالله أختنق .. ما أقدر أتنفس .. كل الأكسجين اللي حولي ناقص .. معدوم !!

أروح الحمام بين فترة والثانية أبكي .. أبكي بحرقة .. وأرجع وأعدل مكياجي وكحلي اللي خربته دموعي ..

ولا وقت الزفة .. هذا موال لحاله !!

أحس اني أشوف العروس حللللللللوة جدا جدا جدا وأنا أقبح خلق الله !!

وأحيان أشوفها قبيحة وما تستاهل المكان اللي هي فيه !!

ودي أقوم عليها بالكوشة وأقولها قومي هذا مكاني مب مكانك .. هذا المفروض زوجي مب زوجك

أحيانا أدعي عليها ( بدون قصد والله العظيم )

أنا مب سيئة .. ولا شريرة .. ولا أكره الناس .. ولا أحقد عليهم .. لا والله .. بس ما أدري كل هالأحاسيس تجيني إذا حضرت الزواج ؟!!

نفس هالاحساس جاني بزواج أخوي ( أخوي كان عمره 32 وزوجته عمرها 18 سنة ) .. جتني كتمه وضيق بالتنفس مو طبيعية .. أحس بدوار فظيع ومب حاسه باللي حولي .. رحت الغرفة قعدت لحالي أصيح ,, وأمي تقرا علي تحسبه عين .. وهو مب عين .. الا لهالسبب مب قادرة أتنفس

تخيلوا حتى الزفة ما قدرت أحضرها الا من بعيد !! و أنا أشوف أخوي ينزف هو وزوجته .. كان منظر ودي أحرقه

ولا بالمناسبات الاجتماعية والاعياد ... وشفت هاللي تزوجوا أصغر مني حوامل .. يجيني شعور ودي أطيحها عشان تجهض !! ولا إذا شفت عندها عيال خلاص .. ودي أذبحهم ..!!

أنا مب مجرمة والله .. ولا اني أكره الأطفال .. لا .. بس هذا الاحساس داخلي يكون !!

أحس اني أتعذب .. أتعذب .. أتعذب وانا أشوف هالأفكار تجيني وأنا مب كذا .. تخليني انسانة ثانية

لذلك .. قررت اني أبتعد عن هالزواجات والتجمعات عشان ما أفكر بهالأفكار الخارجة عن ارادتي

لكن اليوم يوم قررت أبتعد .. يجيني اتصال من كبيرة العائلة عندنا .. تقولي اني مغرورة . شايفه نفسي .. واني غبية ما أعرف أتكلم وأتعامل مع الناس وووووو ..... كلام مدري من وين جابته

مب داريه ان بعدي عشان أرتاح من العذاب النفسي اللي بداخلي .. واللي كل أثناء وعقب رجعتي من الزواج والمناسبات أقعد أبكي وأبكي وأبكي وأبكي بالحمام ولا قبل لا أنام

أحس اني صرت أكره نفسي .. ودي أبتعد وأهاجر وأعيش بدنيا ثانية غير دنيتي بس كيف ؟!!

وش أسوي بالله ساعدوني

هل أنا مريضة نفسيا بهالحالة ؟؟

للمعلومية .. عشان لا تقولون اني صغيرة ومب عانس .. حنا في عائلتنا أقصى سن للزواج 23 .. كل اللي تزوجوا وأتكلم عنهم بين 17 - 20 سنة .. والرجال لا أكبر طبعا يوصلون 30 سنة .. يعني اللي بعمري 27 ذي عانس فاتها القطار .. وفوق ذا ما انخطبت أبدا !!

[عالم من أمنيات]

حبيبتي أسأل الله العظيم أن يبشرك بزوج صالح عاجلا غير آجل وكل من تحلم بأسرة تملأ حياتها بالحب والطمأنينة وأنا الآن بالثلث الأخير من الليل
أكثري من الإستغفار وكوني واثقة بأن الله لن يكتب لك إلا خيرا
لو كان مكتوب لك زوج سيصلك حتى لو وقف العالم لمنعه المهم أن يكون صالح ويسعدك
هناك فتيات تزوجن صغيرات لكنهن عانين من العذاب ما أدى بهن إلى الإنتحار والعياذ بالله
والله أنا أعرف فتيات تزوجن على مشارف الأربعين لكنهن سعيدات ورزقن بذرية جميلة
أختي أنت بهذا التفكير تنكرين نعما كثيرة تحسدك الأخريات عليها ولا تنسي قوله تعالى {ولو شكرتم لأزيدنكم} أختي كوني واثقة بأن الله يخزن لك ماهو أجمل لا تسمحي للشيطان بأن يقنعك بأن الزواج هو الحياة ربما أنت تعيشين أجمل أيام حياتك ولا تدرين بذلك
أسأل الله أن يسعد قلبك عاجلا غير آجل بزوج صالح

[معانده]

اتوقع مرضك الحسد وانا اختك
طهري قلبك منه وبتشوفين خير والرسول قال احب لاخيك ماتحب لنفسك
وانتي حتى اخوك تبين تذبحينه! لا حول ولا قوه الا بالله اكيد قسيت عليك
بس اعتراضك على شي ماكتبه لك الله للحين غلط وتوك صغيره لاتشيلين في قلبك ع الناس بدون ذنب
ويمكن مرض نفسي والله اعلم
الله يستر عليك وبتتزوجين ان شاء الله تفائلي خير

[جودأم عبود]

الله يزوجش حبيبتي بالزوج الصالح ويرزقك الذرية الصالحة ثقي بالله عزيزتي وتعودي من إبليس اللي تسوينه من حرة قلبش أعذر ش فيه اللي أشوفه غلط واكبر غلط تسوينه هو البكاء في الحمام ابتعدي عنه قد ما تقدرين معروف بيت الخلاء هو بيت للشياطين واللي حاصل أن الشيطان مأثر عليش قصدي لربماهواللي مسبب لش التأخير في الزواج ......الحل بيدش ابتعدي عن البكاء في الحمام

[ايرينا]

اولا لو تبي نصيحتي اقرأي ايات الرقيه الشرعيه من المس والحسد والعين
لا تستغربي كلامي انا اول كنت انخطب بس يصير شي دايم وتتفركش سالفتي
شكيت وقريت وللاسف لقيت عندي مس يمنع الزواج ف ابيك تسمعي جايز تكوني نفسي
ثانيا انتي مو حسوده ابددددد هالاحساس غصب عنك انا فاهمتككك وربي
بعدين ابيك تصلي صلاتك بوقتها وتصلي صلاة الحاجه بتضرع وقلب خاشع وجيبي خاتم الاستغفار واستغفري باليوم لا يقل عن ٥٠٠ مرره
سسوي كل ذا بنية الزواج وصدقيني حتكوني عروس ٢٠١٥

[الحياه حلوة#]

الله يكتب لك الزوج الصالح عادي كل واحد يفقد شي يحس انه لو موجود راح تكون حياته غير
زي انا متزوجه بس ماحملت ونفس حالتك الحريم يلطشون علي كلام وحتا اقرب الناس
يعني مافي احد مرتاح الله يكتب لك الزوج الصالح

[حياتي توأمي]

حبيبتي أكبر تخلف ان الواحد يعتقد اقصى حد للزواج عمر ٢٣ سنه
؟؟؟؟
!!!!!

حبيبتي انتي بعدك قمة الشباااب
وهذا سنك مو كبير
وبعيدين ليش معترضه على حكمة ربك حبيبتي وليش كل هالتشاؤم ومثل ماقالت اخت معانده حبي لأخيكي ماتحبيه لنفسك
فليش الحقد
والحسد
حبيبتي نصيبك راح يجيلك بس صفي قلبك للي حولك
حاولي تتصدقي بنية الحمل واكثري الاستغفار
استغفري قد ماتقدري فبالاستغفار تفتح الاقفال
الله يرزقك الزوج الصالح

[المحتارة=(]

المشاركة الأصلية كتبت بواسطة عالم من أمنيات

حبيبتي أسأل الله العظيم أن يبشرك بزوج صالح عاجلا غير آجل وكل من تحلم بأسرة تملأ حياتها بالحب والطمأنينة وأنا الآن بالثلث الأخير من الليل
أكثري من الإستغفار وكوني واثقة بأن الله لن يكتب لك إلا خيرا
لو كان مكتوب لك زوج سيصلك حتى لو وقف العالم لمنعه المهم أن يكون صالح ويسعدك
هناك فتيات تزوجن صغيرات لكنهن عانين من العذاب ما أدى بهن إلى الإنتحار والعياذ بالله
والله أنا أعرف فتيات تزوجن على مشارف الأربعين لكنهن سعيدات ورزقن بذرية جميلة
أختي أنت بهذا التفكير تنكرين نعما كثيرة تحسدك الأخريات عليها ولا تنسي قوله تعالى {ولو شكرتم لأزيدنكم} أختي كوني واثقة بأن الله يخزن لك ماهو أجمل لا تسمحي للشيطان بأن يقنعك بأن الزواج هو الحياة ربما أنت تعيشين أجمل أيام حياتك ولا تدرين بذلك
أسأل الله أن يسعد قلبك عاجلا غير آجل بزوج صالح

الله يجزاك خير أختي مشكورة على كلامج الطيب

أدري والله ان فيه صغيرات وتعيسات حياتهم .. والعكس بالنسبة للأكبر سنا

لكن أنا مشكلتي في وسط عائلي للأسف يعتبرني فاتني القطار !! هذولا بالله كيف الواحد يغير من تفكيرهم ؟!!

حتى من أهلي يقطون علي كلام ويقولون لي من يبيك ؟! عندك أمل !! طبعا هم يتكلمون بناء على العصبية القبلية اللي فارضه هالشيء

أستغفر الله العظيم وأتوب اليه من كل ذنب عظيم

[المحتارة=(]

المشاركة الأصلية كتبت بواسطة معانده

اتوقع مرضك الحسد وانا اختك
طهري قلبك منه وبتشوفين خير والرسول قال احب لاخيك ماتحب لنفسك
وانتي حتى اخوك تبين تذبحينه! لا حول ولا قوه الا بالله اكيد قسيت عليك
بس اعتراضك على شي ماكتبه لك الله للحين غلط وتوك صغيره لاتشيلين في قلبك ع الناس بدون ذنب
ويمكن مرض نفسي والله اعلم
الله يستر عليك وبتتزوجين ان شاء الله تفائلي خير

جزاك الله خير أختي

أختي أنا مب حسودة ولا حقودة ولا أكن لأحد شر .. والله من فوق يشهد على اللي في قلبي ..

أنا الحاله هذي تجيني في وقت حضوري للزواجات والمناسبات بس .. لأجل كذا مقررة أبتعد ابتعاد كلي عشان ما أحس بالعذاب اللي بداخلي ولا أحس اني قاعده أكره الناس بدون قصد وبدون ذنب

أنا أخوي ما أبي اذبحه صدق .. أنا نفس هالحالة جتني وقت زفته ولا قدرت أحضر الا من بعيد ما كنت ابي كنت مخنوقة مخنوقة مافيه أكسجين حولي أبدا أبدا .. احساس بس وتخيلات تجيني ودي أقوله اطلع برا الزفة ما أبي اشوفك .. لكن ما تصير صدق .. لا والله .. أنا واعيه لما يصير هالشيء

حتى ثاني يوم زواجه سألني قلي وينك ما شفتك قلت رخت أشرب مويه

زواجات باقي أخواني الكبار كلهم تزوجوا وانا صغيرة .. عادي الأمور عادية .. أرقص وأتزين عادي ماكنت حاسه بهالشيء .. ما حسيت بهالشيء الا من كم سنة


والله العظيم والله العظيم .. أنا انسانه طبيعية في حالاتي العادية مثل ما أنا أرد عليك الحين .. وما أكره أحد ولا معي عداوة مع أحد حتى في العمل وزميلات الدراسة عادية جدا وطبيعية ..

لكن من أحضر زواج وحده وأصغر مني عمرا .. ويكون زوجها من أقربائي ويكون بعمري .. وأحضر .. هنا تنقلب حالتي .. بس من داخل .. أعيش صراعات وعذاب ما يعلم به الا ربي .. ودي أطلع وأمسك أم العريس وأقول ليه مزوجه ولدك لوحده صغيره عليه بالعمر وأنا موجودة وش ناقصني ما خذتيني .ز وش هي أحلى مني فيه .. وش وش وش ...

وما أغير أحاكي بنفسي وأصيح وأطالع نفسي بالمراية وأقول وش فيني وش عيبي ليه ما يخطبوني ليه ما يبوني ليه يكرهوني .. أحس اني مستحقره محد يبيني أحس اني مكروهه ليه مدري

أنا معترضة على حكم الله .. لا والله .. هذا أمره وهذه حكمته .. لكن أنا في وسط عائلي يقولي اني فاتني القطار !!

[المحتارة=(]

المشاركة الأصلية كتبت بواسطة جودأم عبود

الله يزوجش حبيبتي بالزوج الصالح ويرزقك الذرية الصالحة ثقي بالله عزيزتي وتعودي من إبليس اللي تسوينه من حرة قلبش أعذر ش فيه اللي أشوفه غلط واكبر غلط تسوينه هو البكاء في الحمام ابتعدي عنه قد ما تقدرين معروف بيت الخلاء هو بيت للشياطين واللي حاصل أن الشيطان مأثر عليش قصدي لربماهواللي مسبب لش التأخير في الزواج ......الحل بيدش ابتعدي عن البكاء في الحمام

جزاك الله خير أختي

بس ما ادري ش تقصدين أبتعد عن البكاء في الحمام ؟!

أنا أبكي عشان بعيد عن الناس ويصير أغسل دموعي بسرعة بدون محد يحس سواء كان بالبيت أو مكان ثاني

ش تقصدين ماثر علي أعوذ بالله من ابليس .. ما فهمت ؟