منتديات حوامل النسائية - فطيرة بحشوة الربيان

http://forum.hwaml.com/imgcache2/hwa...533658_447.png

هذي النوعية من الباستري اسمها

Flaky pastry فليكي باستري

وهي عجينة تشبه عجينة الكراسون بالضبط

هذي الفطيرة اختيارية تحشونها دجاج أو خضار أو أي خلطة تستخدمونها للحشوات

المقادير:

لكل فطيرة تحتاج 6 مربعات بف باستري

الحشوة

كوب ربيان << الكمية حسب عدد حبات الفطاير اللي تسوونها

ربع كوب بازيلا

نص كوب كريمة

ربع كوب مشروم طازج مقطع شرايح صغيرة

م ص فلفل حار احمر

م ص بهارات السمك

م ص ملح و فلفل أسود

شريحة من جبنة إيدام

http://forum.hwaml.com/imgcache2/hwa...533658_760.png

—————————————————————————–

أولا : الفطيرة

نجيب ـشريحة من البف باستري و ندهنها صفار بيض وعليها الطبقة الثانية عشان تلصق و نقطعها بقطاعة كبيرة وكذا تكون طبقتين متلصقة فوق بعض نغرز سكين بطريقة عشوائية عشان الهوا وقت الخبز يطلع

http://forum.hwaml.com/imgcache2/hwa...533656_243.png

بعد مانقطعها نترك الدائرة الكبيرة على جنب و نجيب الأربعة الباقية و ندهنها بين كل وحدة صفار بيض و نرصها فوق بعض ونجيب القطاعة الكبيرة و نقطع

http://forum.hwaml.com/imgcache2/hwa...533656_480.png

راح يطلعلنا قرص و نجيب قطاعة اصغر منها او بيالة شاهي افضل لأن قطرها اصغر ونحطها بالوسط ونقطع عشان يصير عندنا حلقات فوق بعض

http://forum.hwaml.com/imgcache2/hwa...533657_156.png

وبعدين هذي الحلقات ندهنها صفار بيض من تحت ونلصقها على القرص الأول اللي سويناه وندهن بعد من فوق عشان التحمير و ندخله الفرن على درجة حرارة 250 لحد ماتبدا تنفش وتحمر من تحت و5 دقايق تحمير من فوق نطلعها من و نبدا نسوي الحشوة

ثانيا : الحشوة

على قلاية نحمر الربيان مع 2 م ك زبدة و الفلفل الأحمر و البهارات نص استوا ونشيله بصحن على جنب

ونفس القلاية نحط الخضار مع شوي زبدة ونقلب فيها لحد ماتذبل بعدين نرجع الربيان و نقلبها مع الخضار ونضيف الكريمة و الملح و الفلفل الأسود نتركها شوي تندمج المكونات مع بعض

وآخر شي نضيف جبنة إيدام لحد ماتذوب

وتكون الفطيره جاهزة و نشيل من الخلطة و نحشيها فيها