مرحبا ياخواتي...
بحكيلكم قصتي هالشهر وابي تشاركوني برايكم ولاتبخلون علي..
انا دورتي تجيني باليوم 31 او باليوم 32 من اخر دوره..
المهم الشهر اللي راح انا رايحه اتابع التبويض يوم 13 من الدوره كانت البويضه حجمها 18 والشهر اللي قبله باليوم 13 كان حجمها 17...
الشهر هذا رحت بنفس اليوم 13 ولما سوت لي سونار قالت ماشفت البويضه !!!
قالت لي ممكن البويضه انفجرت والتبويض صار ...
قالت لي في بويضه صغيره مره حجمها 12.. وما اعتقد انها بويضتك هالشهر ..
قالت لي تعالي بعد يومين ونشوف اذا كبرت البويضه الصغيره معناها هذي هي البويضه والتبويض عندك متاخر شوي ولو ماكبرت هالبويضه معناها التبويض صار وخلص..
رحت لها وسوت لي سونار اليوم وقالت لي التبويض صار زي ماقلت لك ومافي اي اثر للبويضه .. والبويضه الصغيره ماكبرت معناها التبويض صار من اليوم 12 او 13...
الغريبه ان عندي برنامج وامشي عليه كل شهر دايم يحسب لي التبويض على حسب ايام دورتي ..وحاط لي هالبرنامج ان التبويض عندي هالشهر راح يوافق بعد 3 ايام...!!! والدكتوره تقول نزلت !!!! يعني نزلت قبل وقتها ب5الى 6ايام!!!
شلووون!!!
واللي اعرفه ان التبويض يكون قبل 14 يوم من نزول الدوره... هل معناتها الدوره بتجيني مبكر هالشهر ؟؟؟ مو زي العاده بحكم ان التبويض صار قبل وقته؟
الدوره لسى بدري عليها باقي لها يمكن اسبوعين او اكثر بكم يوم
يارب ماتجي بسلامتها وربي يرزقني بالحمل .. واذا نزلت الله يعوضني خير الشهر الجاي يارب
شرايكم يابنات بسالفتي هالشهر ... شاركوني برايكم ..
الله يرزق كل من تتمنى الحمل بحمل تام 9 اشهر يارب على اهون سبب