عندي مشكلة النوووووووم مررره متعبتني ساعدوووني

[حبة السكر]

مرحبا بنات...
عندي مشكله ياليت تساعدوني في حلها...

انا الحين توني مكمله الخامس بدخل السادس .. عندي مشكله مررررره متعبه نفسيتي اللي هي النوووووووووم
ياعالم انا من يوم العيد الاضحى وانا نومي متغييير ومو عاجبني ابد ..
تخيلوا يابنات اعاني من ارق فضييييييع لدرجه اني ما انام الا ساعه وحده او ساعتين بالكثير طول اليوم
تخيلوا اليوم نمت الفجر يمكن 10 دقايق وبعد الفجر يمكن غفيت10 دقايق والصبح الساعه 9 غفيت يمكن ربع ثلث ساعه بسسسس...
انا من الاساس قبل لا احمل نومي متلخبط بحكم اني غير موظفه ما انام الا بعد الفجر على طلعة النور ..مو متعوده على نوم الليل..
المشكله الحين زادت صرت ما اعرف انام لا بالليل ولا بالنهار
ياعالم انا تعبانه كثييير وعشاني ما انام صار النوم متعب بالنسبه لي في صراااع مع النوم لدرجه ان الافكار والهواجيس كلها تجي على بالي
صار يجي على بالي الولاده كيف بتكون ..خايفه كثيير من موضوع الولاده
في نفس الوقت حركة البيبي قد ماهي حلوه يارب لك الحمد قد ماتوترني انو فيه مسؤوليه قدامي عساني اكون قدها..
يجي على بالي النوم مررره متعبني وهذا انا لسى بمنتصف رحلة الحمل اجل كيف بيكون لما اصير بال8 وال9..
برضوا خايفه انو مشكلة النوم تستمر معاي حتى بعد الولاده وش بسوي وقتها وفي حياتي بيكون مولود
افكار وهواجيس اعوذ بالله من الشيطان
داومت على قراءة سورة البقره والاذكار كاااامله والادعيه .. صرت اقوم الليل وادعي ربي يعدل من وضعي ووضع نومي ويرزقني راحه وسكينه وطمانينه ويصرف عني الخوف والقلق والتوتر والوسوسه وضيقة الصدر


طووولت عليكم بس ييابنات جد محتااااجه نصايح رغم ان اهلي وزوجي مو مقصرين بس ودي اسمع نصايحكم ياحوامل..

الله يفرج عليها اللي ترد علي وتنصحني وتريحني

انتظركم

[حلمي أشوفك]

حبيبتي الله يعينك انا مثلك نومي متقطع وتعبانه منه حيل بس صراحة اللي حسيته هدى نفسيتي شوي اني أشغل قرآن بصوت الشيخ الغامدي أو اي شيخ بصوت مسموع لكن خفيف ارتحت عليه حيل وحتى مزاجي وأفكاري تعدلت

[ابدوية]

الحال من بعضه انا صرت احاول اغير مكان نومي مثلا بالصالة ومرات على الكنب او الارض بحيث تحطين تحتك مفرش واشغل التلفزيون على قناة مكة القران 24 ساعه والله يعينا يارب

[أم حمزه]

حبيبتي الله يهون عليك ويفرج ضيقك وهمك,,, قبل لاتنامي خذي حمام دافي وأشربي كاسة حليب وصلي ركعتين اسألي الله فيهم بالذي تحبي وبعدها إقرأي أذكار النوم ودعاء الأرق وهو ((اللهم رب السموات السبع وما أظلت ورب الارضين وما أقلت ، ورب الشياطين وما أضلت ، كن لي جارا من شر خلقك كلهم جميعا ان يفرط علي احد منهم ، او ان يبغي ، عز جارك وجل ثناؤك ولا إله غيرك))
واسمعي قرأن وفكري بحاجات حلوة لما يجي البيبي على خير ان شاء الله وكيف ان نومك مريح للبيبي ويخليه يكبر بشكل صحي ومايجي عصبي هههههه ونامي ع جنبك اليسار وحطي وسادة تدعم بطنك وظهرك
بالتوفيق عزيزتي

[راناا]

اذكار النوم واستودعى جنينك
وسلميها لله اختى
انا مثليك بس بشى ثانى ايدى تنمل
والله اصحى من النوم من الوجع الله يعين
يمكن ما بغفل 10 دقايق والله ليالى ابكى
واسترجى الله اموت وانام الحمد لله
ان شاء الله فى ميزان حسناتنا بامر الله

[*ام هيمن*]

اني هم مثلج
كوة يلة انام لان احس ثقل بجسمي وبصدري
كوة انام

[نوتيلا]

الله يعين بس نفسك والله مانام الا شوي لاني شايله هم الولاده ونفس الوقت ابي اولد تعبت من خوف وارق وتعب حمل كل شي مجتمع علي واذا نمت حبتين اصحي جسمي يعورني مره بس انتي الين جيتي تنومين شغلي القران واسمعيه وقولي الاذكار وان شالله فتره وبتعدي عليك وان شالله تعدي علي بعد والله يهونها علينا اجمعين

[إحسآس]

نفس حالتي ... أرق ونوم متقطع ..

[أم رزاان]

الحاااال من بعضو :(

بس وجدت افضل علاج لهذة الحاله هو الإستماع للقرآن قبل النوووم !

[أم دانة القموره]

اه نفس المعاناه ارق غير طبيعي وهذا عندي بنت عمرها سنه ونص بس اتعب تنام وابغى انام لكن ما يجيني والله قبل كم يوم ابكي اقول يارب ابغى انام زوجي يفكر فيني شيئ يختي معاناه الله يسهلها ونولد ونعوض وننام