الموضوع فعلا صعب وجداااا وبالاخص ان ده ابو الزوج
انا معاهم في انك تسجلى الكلام اللى هو بيقولوا بس تحتفظى بيه
لوقت الحاجة والدفاع عن نفسك لو اصابك ضررمن ابو الزوج
لان ممكن لو ابنه لو علم الشئ ده وده ابوه ممكن تكبر المشكله
وتكونى انتى الضحيه برده لانه هيشترى خاطر ابوه لان مايقدرش يغير ابوه
لكن يقدر يغير الزوجه ودى المشكله اللى احنا بنتظلم فيها سواء مظلومين او ظالمين فانتى عالجى الموضوع بحكمه واستقبلى اهل الزوج الام والاخوات عادى
اما الاب فده يستقبل فى وجود اهل بيته كلهم وياريت تعملى او تتحدى ايام او اوقات تكونى انتى وزوجك فى جلوس عندهم اوهما عندك علشان اى حاجه تحصل تبقى فى وجود زوجك لان لو حماتك علمت بالموضوع ده هتتخلص منك مش من زوجها
تعاملى مع الموضوع بحكمه واستخدمى دهاء المراه فى الطلوع من الموضوع ده بدون خسائر
وتجنبى ابو الزوج تماما يعنى خلى معاملتك معاه رسمى وكلامك كله بطريقه دينيه
يمكن يحس ويخاف ربنا واحتاطى منه وادعى ربنا فى قيام الليل انه يبعد عنك ابو الزوج بخيره وشره وان ربنا يحافظ عليكى منه ويحافظ ربنا عليكى انتى وزوجك
وربنا معاكى يارب