اش هدفك بالحياه؟
اعدي الماستر ع خير واطلع مع زوجي نكمل برآآآ
1/اش تحسي قبل لاتنامي هم فرح ؟
على حسب اليوم كيف كان وكيف مر .. بس قد ما اقدر احاول وانا حاطة راسي ع الوسادة انسى اليوم بحالو وافكر بأشياء حلوة ..
2/متى تحبي اكثر شي تنامي بالليل ولا النهار؟
نفسي انام الليل من اولو بس للاسف قد ما احاول ماقدرت واكتر نومي بالنهار ووقت الدوام بعد ماارجع انام لما المغرب ..
3/كيفك في بيتك نشيطه ؟
الحمدلله والكل بيشهد ويقول نحلة
4/كسلانه متوسطه تضغطي على نفسك ؟
ابدا مو كسلانة في بيتي اهم شي مااشوف حاجة مكركبة او مو عاحباني ..
5/تحبي تشتغلي اول باول ولا تحبي تجمعي؟
اول بأول طبعـــآآآآ ..
6/اش تحسي وقت ترتيب البيت ؟
نشاط وحمااااااااااس ..
7/وقت جلستك مع اولادك ؟
ماعندي اولاد لسى بس الله يجيب حبيبي بالسلامة
8/وقت ماتطبخي الغدا ؟
الساعة 1 الظهرية
9/تحبي تنوعي غداك ولامكرر؟
لا انوع دايما مااحب افضل ع شي واحد حتى زوجي يطفش مايحب كدا
10/ايش اكثر شي يزعجك؟
لما اختي الصغيرة تمرض .. لانو هيا ذوي احتياجات خاااصة ومااتحمل اي شي يحصلها ان شاء الله قرصة ناموسة ابكي علها واتألم لانها ياحرام اللي فيها مكفيها ..
11/وقت ماتصحي من النوم ؟
مافي وقت محدد على حسب ارتباطاتي ..
12/وقت مابتطلعي من البيت وتجهزي اولادك؟
كل يوم اروح لبيت اهلي ماعدا الخميس والجمعة اكون مع زوجي ..
13/كيف تستقبلي زوجك بعد الدوام باهتمام اولا؟
طبعا ..باهتمام..
14/ايش اكثر وقتك تحبي تجلسي مع نفسك ولا الاولاد ولا زوجك؟
مع نفسي وقت الفراغ ..
15/انتي من اي نوع اللي تحب تهتم بنفسها ولا ببيتها اكثر؟
الإتنين ..
16/وقت الفراغ ايش تسوي؟
ادور لي ع شغلة في البيت او اجلس جلسة تصفية حسابات مع نفسي ..
17/تنامي بدري ولاتسهري والساعه كم تنامي؟
اسهـــر انام الساعة 4 واصحى 8 اروح الدوام ..
يعطيكي العافية ع الاسألة الحلوة ..