اكشن ولادتي بأحلى رواف ..

[Baby doll]

مرحباااا لكل بطة وفراشة بمنتدانا الغالي*

الحمدلله ربنا جابلي ساعة الفرج وولدت سادس يوم في الشهر التاسع والحمدلله على نعمه وفضله ..*
بالنسبة لولادتي كانت احداثهاا غرييييييبة جدا .. يمكن مو غريبة غريبة بس لاني بكرية وفدغة مالي في دي الامور وكنت حاطة ببالي انو ح يجي يوم واولد وماشلت هم هدا اليوم ولا فكرت فيه ..
طبعا انا بطني كانت تتحجر من نص الشهر التامن وكنت معاناه مع التحجير قالولي احتمال ماتكملي التاسع بهدي الحالة اتوكلت على ربنا وقلت اللي بدو يصير يصير*
اول مادخلت التاسع قالي الدكتور انتي عندك بوادر ولادة لا تكتميها وابدأي امشي والجماع ثم الجماع خاصة انو انا من السابع كنت اقولو مابدي اكمل التاسع خايفة من تعسر الولادة بس الحمدلله ربنا كرمني وجابلي الولادة من عندو بدري..
اول مادخلت التاسع جبتلي عسل وسرت اتريقو كل يوم وامشي نص ساعة يوميا وطبعا الاحم الاحم كمان وهوا له الدور الكبيييير بعد الله وحده ..
خامس يوم من التاسع صحيت الظهر دخلت الحمام وانتوا بكرامة نزلت عليا كتلة بيضا قريبة للبني استغربت بس ماشلت في بالي لاني مو حاسة بالام غير التحجير .. خرجت عملت غدا زوجي اتغدينا وع العشا خرجت امشي زي كل يوم بعد ماخلصت مشي حسيت حالي محشووووووووووورة وظهري مسكني قلت يمكت من الثقل << خخ غبيه*
رجعت البيت وكنت مرررررة تعبانة ع بالي ارهاق وتقل ..*
كلمت ماما وقلتلها ع اللي سار الظهر معايا واللي سار ساعة مامشيت ماما ماحبت تخوفني قالت انتبهي ع نفسك وازا حسيتي بأي شي اتصلي عليا اتاريها شاكة بوضعي وعارفة انو ولادة بس يااعمري عليها خايفة توترني..
في دي الليله انا برضو اصريت ع الـ احم احم مع انو هلكانه تعب بس قلت برضو لو في ولادة ح يساعد ..
مممم من بعدو حسيت زي المغص خفيييييف يجي ويرووح بس كان يلف حوالين ضهري خخ تخيلوا اكلم خالتي ع الواتس اب اشتكيلها اقول التهاب البول هالكني مو قادرة انام من الالم شااايلة فكرة ولادة*
وهيا تقولي لا تسكتي ع الالم يمكن مو التهاب بول وانا مصرة الا التهاب*
طبعا الكلام داا ع الساعة 8 الصباح كلمت زوجي قلتلو يرجع من الدوام عشان اروح المستشفى اخد نتيجة تحليل بول عملتو قبل كم يوم واشوف ازا كان اللا عندي التهاب والا ولادة <<< كأنها بدأت تستوعب انو فيه ولادة خخ
رحنا المستشفى شفنا النتيجة مافي التهاب
الحمدلله ..*
حطولي التخطيط وهنا بدأ الجد وبدأت الصدمة والخوف وكل شي .. *كان التخطيط في نسبة طلق متفاوت*
من حسن الحظ انو دكتوري المسؤول عن حالتي كان يومها دوامو صبااحي الحمدلله طلب زوجي الدكتور وجا للطورائ ولـ اول مرة طلب يفحصني ااااااااااااخ ع العذاب اللي ذقتو ساعة الفحص شفت الموت بعيني يألم مرررة *
وقالي مفتوح 2 ونص ..
وخلوني طوارئ تخيلو وكل شوية واحد او وحدة جاية تفحص هلكوني وانا بعز الطلق*
شوية قالوا 3 وبعدين 5 واخر فحص قالوا 7 ونزلت موية الراس وقتها وطلعوني ولادة عذبوني والله ماطلعوني ولادة الا بعد ماشفت الموت بعيني لان مأمور الحضانة كان يقول مافي حضانة بالعناية المركزة عشان البيبي بأول ايام التاسع ويمكن يحتاج عناية مركزة *وكان يقول لدكتوري لازم تروح مستشفى ثاني*
المهم طلعت الولادة على مسؤولية دكتوري والحمدلله اتسهلت بغرفة الولادة لاني ماطلعت الا وانا جاهزة تخيلوا الموية نزلتلي وانا بالطوارئ*
من الظريف في غرفة الولادة كنت اصرخ اقول اااااااه ياماما الله يسامحك ليه تزوجيني ههههه
زوجي المسكين جنبي كان قعد يبكي ساعتها وحضني يقرأ عليا ههههه و
لساني علق اقولهم اعملولي عملية ههههههه*
هههههه كنت لابسة ساعة في يدي من قوة الالم عصبت ع الساعة اقولهم طلعوا الساعة من ايدي خخخ مادري ايش دخلها*
ههههههه كنت خايفة من شق العجان مرررررة*
اول مانقلوني ع سرير الولادة اقولهم متى تسووا التوسعة ههههههه الدكتور قعد يضحك خخ*
طبعا شرحلي الدكتور طريقة الدف وقت الطلق والحمدلله ارتحت كتير بعد ماجربت طريقته لانو قبل كان الدف يهلكني لاني ماكنت اعرف طريقة اخد النفس والدفع معو ..*
والحمدلله ساعة الا ربع تقريبا بغرفة الولادة وبعدها طلع رواف ع الدنيا وسمعت صوتو يبكي*
نسيت الالم ونسيت كل شي وطردت ماما وزوجي من عندي قلتلهم سيبوني وروحوا معاه ..*
والله يابنات اللي حزنت عليه في هدا كلو زوجي مسكييييييين وجهه صار الوان وقال من بعد اللي شفتو سمي اللي بتسميه حسيتوو مرة اتأثر الله يخليلي هوا ..*

ايوة نسيت اقلكم ماما لما شافت الجد بغرفة الولادة وكيف اتألم هربت المسكينة برا واغمى عليها ع الارض ورفعوها حريم كانوا في الانتظار وجلسوا يصبروها ويرشوا عليها مويه لغاية مافاقت الا النيرس تقولها خلاص بيبي يجي جات تجري ورجولها من الخوف تتخبط في بعض ..
الله يخلي لي اياها يارب .

يلا عقبااال كل كروشة تقوم بالسلامة وتفرح بنونتها يارب.. في ساعة سهلة وميسرة يارب *

[noory]

يااااااااحياتي وربي عيوني تدمع كل مااقرا قصه ولاده مااااااااااااااادري ليش
اللف الف الف مبروووك ياقلبي ويتربى بعزكم والله يخليلك امك وزجك وكل عزيز ليك يارب
واااااااااااااااااااااااخيرا كتبتيها اهم شي انها على رووووووووااااق
الله يسعدك ياقلبي

[ريمووش]

مشالله. تبارك الله مبروووك ماجاكي والحمدلله على سلامتك
يتربي بعزك وعز أبوه وعقبالي يارب ربي يرزقني بحمل سليم

[الثرما]

الف مبرووووك بيبي دول

الحمد الله على سلامتك وسلامة روافي

والله يخليلك ابوه وامك يااارب

[أم ح ــنونـہ]

مبرووووووووك حبيبتي
والحمد لله على سلامتك
ويتربى بعزكم ان شاء الله

[صفاءالروح]

الف الف الف مبرووووووووووك مره ثانيه ياعسل
والحمد لله على سلامتكم ....

[رسيس الهوى]

ألف حمد لله على سلامتك ومليون مبروك بمولود السعادة ...

والله دمعت عيوني وخفت ... وربي خايفة تكفوووووون دعواتكم أنا قربت عالوالدة شكلي بأولد من الأسبوع الأول بالتاسع ...

نوري وربي زيك أبكي لما أقرأ القصص لكن الله يهونها علينا وتبشرينا بولادتك وقصتك ..

[حبي]

الف الف الف مبرووووووووووووووووووووووك
ويتربى بعزكم وعقباااااااااااااااااااالي انا والكروشات ربي يرزقنا
بولادة سهله ميسرة ياكريم ياالله

[زهرة الموسم]

اخيراً
الف الف الف مبروك ياقلبي الله يحميلك رواف

[غنج أنثى]

ماشاء الله تبارك الله
الف مبررووووووووك ويتربي بعزكم

ودعواتكم لي بالولادة السهلة وربي مرة خاااااايفة

لك ودي واحترامي