السلام عليكم ورحمة الله وبركاته
كيفكم اخواتي الحوامل
ابشركم ولله الحمد الخميس الماضي ولدت وجبت احلى فهودي
طبعا ولاده قيصريه والحمدلله بخير
كانت ولادتي بوعد في بروكير الخبر يوم الخميس الصباح
وكانت مع الدكتوره ناديه سودانيه الله يعطيها الف الف عافيه طيبه واخلاق عاليه وخاصة قبل دخولي غرفة العمليات تهدي فيني وتطمن زوجي وولدي عزووز الله يخليهم لي
طبعا اختكم جتني رجفه ونفاضه كل جسمي من الخوف اول مادخلت غرفة العمليات
وطبعا بعد ما اقنعوني بالبنج النصفي والله والله يابنات ماتوقعت النصفي كذا ابدا ماحسيت بالابره في الظهر ولا الم ولاشي الحمدلله
وطبعا يساعدك القروب الموجود من ممرضات وطبيب التخدير كان ممتااااااااااااااااااااز
ولاحسيت يده خفيفه وبديت احس بخدر برجولي لحد ماصرت اقدر احركها خلال ثواني
وبعدها حطوا ستاره بيني وبين الدكتوره وقالت الحين بسوي تست اجرب اذا تخدرتي او لا قلت طيب ودكتور التخدير يقولي باقي تجرب الدكتوره وشوي الا صوت البيبي طبعا بعد ضغطه بسيطه اسفل صدري وطلعت البيبي وشفته وارتحت
لحظه حلوه والله جربوها وطبعا الخياطه تجميليه روعه والمستشفى روعه وعنايه واهتمام والممرضات طيبات ويهتمون فيك مره
وهذي تجربتي باختصار طبعا ولدي كان وزنه ناقص 2كيلو و200 صغيييير بس الحمدلله بخير مين جابت طفلها كذا وطبيعي وعطوني حليب للي وزنهم ناقص لمدة اسبوعين لحد مايوصل 2كيلو ونص وبعدين اعطيه الحليب اللي ابغاه
وعقبال كل حامل بالولاده الميسره ويفرح قلوبكم يارب
اختكم:ام عزووووز وفهووووووووودي