السلام عليكم
حبيت افضفض معاكم لأني تعبانه قوي لأني كنت مرتاحه قوي
حتقولو ازاي
انا كنت حاسه اني عليا اعباء كتير قبل الولاده زي الفطار والغداء والعشاء وغسيل الاطباق بعد كل وجبة وغير الغسيل كنت فاكره ان دا تعب عليا بس للأسف انا كنت مرتاحه قوي وقوي قوي كمان
اتصدمة صدمة جامده يوم الولاده ماكنتش اعرف اني بولد وكنت بكشف عادي وكان عندي مغص قليل الدكتور قال ولاده وعطاني طلق صناعي ويا سلام بقي صدمة الطلق والولاده دي كانت مفاجئة بس الحمد لله انها عدة علي خير بعد الولاده مع العلم اني قاعده عند ماما لحد الوقتي ومش بغسل ومش بطبخ بس حاسه اني مخنوقه من كل حاجه وحاسه اني لوحدي ومش معايا حد بكاء البيبي بيعصبني ومش بقدر عليه لوحدي لازم افضل شيلاه كل ما يعيط غير كل حاجه من متطلباته مش عارفه انام طول ما هو صاحي من بكائه ومش عارفه انام طول ما هو نايم من التعب والارهاق اللي عندي مش عارفه لما اروح بيتي حعمل ايه وحكفي بيتي ازاي
ارجوكم ادعو لي انا مش قادره من البكاء ومش قادره اعمل حاجه وحاسه بالوحده مع اني مش لوحدي
ادعو لي بالله عليكم
عرفت الوقتي بس اني كنت مرتاحه
محتاجه نصائح من اللي عندهم خبره وحد يقول لي اطلع من الاكتئاب دا ازاي