[أم توتي]

السلام عليكم ورحمة الله وبركاته

اليوم جبتلكم صينية لذيذه وتذوب في الفم من مطبخي

بسم الله نبدأ....

المقادير ,,
3حبات بطاطس - 3حبات كوسا- ملعقة صغيرة ونص بهار الكاري - ملح - علبه صغيرة جبن شيدر -ملعقة كبيرة لبنه - بقدونس - بيضة .



الحشوه ,,
صدر دجاج -فليفله -زيتون - فطر .





التغطيه ,,
علبة قشطة - جبن سائل - مايونيز - فلفل - سماق .



الطريقة ,,,
* نقطع البطاطس والكوسا الى مكعبات ونسلقهم مع الكاري وشوي ملح .

* بعد مايستوي نصفيهمن الماي ونضيف عليه ملعقة اللبنه والشيدر ونهرسه بالشوكه .
بس أنا هنا ماحطيت شيدر لأنو مخلص من عندي .

* نضيف البقدونس وذوقيه عشان تشوفين إذا يبغيله ملح ولا لا .

* نخفق البيضه ونضيفها على الخليط طبعا راح تكون سايله شوي بس مش مشكله .

*نجي حق الحشوه أول شي نبهر الدجاج بالبهارات اللي تحبين وتحمرينه في المقلى مع شوية زيت وتخلينه لمن يستوي .

* نقطع الفليفله والزيتون والفطر إلى مكعبات صغيره ونشوحه شوي في المقلى اللي حمرنا فيه الدجاج كل واحد لحاله.




* نقطع الدجاج مكعبات ونخلطهم مع بعض .

* نجيب صينيه مدهونه ونصب خليط البطاطس فيها ونحطها في الفرن المسخن سابقا مدة ربع ساعة تقريبا أو حتى يتماسك شوي .

* نخلط القشطه والجبن والمايونيز وشوية فلفل بعدين نضيف عليه الحشوه ونخلطه .

* نطلع الصينيه من الفرن و نضيف الخلطه في الصينيه ونرش عليه السماق وندخله الفرن عشان يتحمر من فوق .

* وهذا شكله بعد ما طلعته من الفرن .

* وهذا بعد ماغرفته .

*وهذا سندويش صامولي قطعته حلقات وحمصته في الفرن .

*وهذا عشانكم .


وبالعافيه عليكم

وأمانه اللي تسويه ويعجبها تدعي لي ,,


تحياتي لكم