[بنت صيدا]

دايما بالحساب للتبويض ما يكون من اول يوم الدوره لعند يوم التبويض
لا يصير دايما من يوم التبويض لعند يوم الدوره اللي جايه
وانتي هالفتره عندك 14 يوم يعني ممتازه ما شاء الله
هي لازم تكون ما بين 10 لعند 14 يوم
كل ما كانت اطول كل ما كان احسن لانها رح تساعد على ثبوت الجنين بإذن الله
هالكلام كلام الدكاتره طبعا مو كلامي انا
واعملي بحث عن luteal phase واللي معناها الفتره الثابته من يوم التبويض الى اليوم السابق للدوره اللي بعدها

وفي نقطه مهمه كمان ان معظم البنات لما بتحسب دورتها بتحسبها كم يوم بس وبتلاقيها احيانا تلخبطت عليها وتأخرت يومين مثلا وتتوهم انها حامل
لكن الاساس هي حساب هالفتره الثابته .. يعني لو هالفتره الثابته عندي 12 يوم .. وفي شهر مثلا صار الاباضه عندي باليوم 15 فرح يكون طول دورتي 27 يوم وباليوم 28 رح تنزل الدوره .. في الشهر اللي بعده ممكن يصير التبويض عندي باليوم 17 فرح يكون طول دورتي 29 يوم وباليوم 30 رح تنزل الدوره ... بس لو البنت ما بتعرف هالمعلومه رح تفكر انه الدوره عندها تأخرت يومين

بعرف طولت بالشرح بس حبيت اشرحلك اكتر من شان تعرفي بالزبط كيف دورتك بتمشي كل شهر .. فانت لازم تراقبي دايما هالفتره عندك .. والتبويض غير ثابت كل شهر .. وينعرف من الافرازات ودرجة الحراره واجهزة فحص الاباضه