أنا بعد تابعت التبويض لأربع شهور و هذا الخامس الحمدلله على كل حال
طبعا ما في أي شئ يحدد لك وقت التبويض بالضبط ممكن كل شهر يختلف توقيت التبويض عادي
انتي روحي من اليوم 12 أو 13 من الدورة و طبعا هي بتكتب لك سونار لكن لا تاخذين سونار مهبلي لأن سوت لي اياه دكتورة و قالت ما عندي مشكلة و رحت لدكتورة ثانية استخدمت الأشعة على الرحم و بين معاها حجم البويضة صغير
الحجم المناسب للبويضة من 18 إلى 26 و كل يوم الحجم يزيد 1 ملم يعني لو رحتي في اليوم 12 من الدورة و حجم الوبضة عندك 18 اليوم اللي بعده يصير 19 و هكذا
و مثل ما قالوا لك البنات تابعي الافرازات
أما بالنسبة لجهاز التبويض أنا شريته بتوصية من الدكتورة و سويته أمس مرتين و اليوم مرة و يطلع لي خط واحد و بعد فترة الخط الثاني يبان بس فاتح مرة و حطمني رحت للدكتورة قلت لها بسوي سونار مرة ثانية و سوته لي لقيت في بويضة الحمدلله