في السالفة الأخيرة انا ما أوافقك الرأي بالعكس هذا دليل حبهم وافتخارهم فيك وجهلهم بنفس الوقت أقولك كيف؟ أنا عندي بنتين وحدة ما شالله لا إله إلا الله ممتازة ومن الأوائل على فصلها والثانية قدراتها على قدها لما تجيني الثانية جايبة درجة وحدة زيادة أفرح وسويلها عيد علشان أحفزها بس الكبيرة أساسا ما تحتاج تحفيز فما كنت أهتم مرة بالموضوع وبالعكس كنت أزعل منها لما تنزل درجة وأقولها خيبتي ظني؟ تدرين ليش؟ لأني فخورة فيها ما بيها تتراجع هذي النقطة الأولى وكانت تزعل وتقول أنت تفرقين بيني وبين أختي أنا ما كان قصدي أفرق والله بس كنت خايفة على الثانية تسقط وبنفس الوقت كنت متطمنة على الكبيرة إنها شاطرة وما تحتاج تحفيز النقطة الثانية لما درست بالجامعة وتوسعت مداركي أدركت إني خاطئة وإن الثواب والتحفيز يجب أن يكون للشاطر والكسلان!!! الشاطر علشان يحافظ على مرتبته والكسلان علشان يجتهد ومن وقتها وأنا صرت أعامل الثنتين واهتم فيهم نفس الاهتمام يعني كنت جاهلة وتعلمت وأكيد أهلك مثلي تماما وبالنسبة لموضوع حملك عادي حتى أنا ماكنت أبي أحمل ببنتي الثانية وسبحان الله بنتي هي الحين غالية عندي بشكل مو طبيعي واليوم كانت تقولي يمه انت تحبيني مع انك ما كنتي تبيني*** لا تصدقين أنه في أم تكره بنتها وأنت الحين غالية على قلب أمك صدقيني بس يمكن أمك ما حبّت تعبر عن مشاعرها الحالية واكتفت بمشاعرها القديمة وأنا واثقة إنك الآن بسن المراهقة وحساسيتك عالية تماما وتفسرين بعض الأمور بشكل غلط بالنسبة لأخواتك وضحكهم ومسخرتهم هذا شيئ عااااااااااااااااااااااادي ويصير بكل البيوت والله بناتي لما يتهاوشون يدعون على بعض بالموت ولا تنسين الخوات والأخوات قد يدخل في قلوبهم غيرة كونك أشطر منهم أو يمكن يكون عندهم إحساس بالنقص ويحبون يعوضون هذا الشي بحركاتهم وصدقيني كلشي راح يتغير بالمستقبل .. وأنت حطي في بالك شي مهم**** إذا الناس كلها ما تحبني أنا ما يهمني يكفي إني أحب نفسي وراح أجتهد وأتعب لين اصير شي كبير في المتمع ومارح أسمح لأحد يهدم حياتي بشوية تعليقات ومشاعر متغيرة !!! أما بالنسة لأخوك الله يهديه واضح إنه متفسد وهو صغير ومطلع على أمور غلط ورحمة من ربي إن الأمور مرت لصالحك الخلاصة لو بتدخلين قلب كل واحد راح تلقينه حامل مشاعر سلبية زيك وحاس ان الناس ما تحبه كل ما هنالك حبيبتي إنك لسه صغيرة وحساسة وتفهمين الأمور بطريقة أعقد مما يجب عليه تعوذي من ابليس اللي قلتيه عادي وعلى فكرة الأم قد تحب واحد من عيالها أكثر من الثانيين من معاملته * يعني أنت لو تقربتِ من أمك وعطيتيها مشاعر واهتمام راح تعطيك أضعاف مشاعرك صدقيني أنا أم واعرف هالشي حتى كره الأم عبارة عن حب وإذا مرة مرة متضايقة اقعدي مع أمك قعدة صريحة بالحالك إنت ويها وفضفضي كلشي في قلبك علشان ما تظلمينها وعلشان تاخذين تفسير لكلشي انتبهي لنفسك وفكري بمستقبلك واحملي تفكير ايجابي مو أهرب ومدري ايش لازم تكون يقوية وقد نفسك وتحاربين نفسك قبل ما تحاربين الناس بالتوفيق ياقلبي وبانتظار أخبار حلوة