أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات،
بالضغط هنا.
كما يشرفنا أن تقوم بالتسجيل بالضغط هنا
ياحبي لكم يابنات والله انكم زي خواتي فهالمنتدى
يلا انكمل الجزء الثاني
دخلوني غرفة الولادة وأنا سابقتهم من الألم أبي أخلص بسرعة, ولأني والدة من قبل مرتين ماكنت خايفة مرة لأن بالمرتين السابقتين كانت ولادات ميسرة وسهلة,
المهم طلبوا مني أصعد طاولة الولادة وصعدت وكانت الغرفة باااااااردة وفيها معدات وأشياء تخوف... إلتفت يمين ويسار مالقيت إلا الممرضة السعودية أم نقاب اللئيمة والأندونسية ,شوي جت الدكتورة قالت يلا ولادة وبدأت الممرضات بتجهيز المعدات وتعقيمها , وقفت الدكتورة
وقالت يلا بدخل يدي ...قلت ليش ؟ما يحتاج قالت لازم أفتح ماء الجنين, وقامت دخلت يدها كلها وتحاول تنتش وتشق الكيس بيدها وأنا أصارخ بين أديها المفروض تفتحه بمقص طويل أو أي شي سهل الدخول والخروج مو بيدها , أنا أصارخ من الألم وأحاول آخذ نفس وهي تقول لا تاخذي نفس اكتميه واضغطي, وأنا أول مرة أولد كذا وأحد يطلب مني أكتم نفسي, أصلا خلقة أنا مو قادرة أتنفس ولما كتمت ودفعت مرة مرتين حسيت إني بديت أختنق وهي تقولي إدفعي قلت لها مو قادرة أنا ما أفطرت وجسمي منهك, قالت حطولها مغذي علشان تساعدنا, وتقولي الدكتورة: ما تنهجيش خذي نفس واكتميه قلت لها أنا مو لاقية نفس خشمي سكّر على الآخر قالت حطو لها أوكسجين, وأنا من الألم مو قادرة أمسك حق الاوكسجين ومن لخوف قاعدة
أتكلم زي اللي معه هذيان وهم زي الآلات أكلمهم ما يردون اللي تمسك رجلي بقوة واللي تنافخ واللي تقول ليش أنت كذاهذي ولادة عادي , والله يابنات الأندنوسية هي بس اللي راحمتني نظراتها مبين عليه...أما السعوديةوالمصرية تعاملو معي كأنهم يولدون شي ثاني غير الإنسان,(غنمة مثلا) ولواللي مسكت ابرة واللي مسكت مشرط وأنا اناظرهم خايفة , قلت ليش انتم كذا مو مسلمين مو عرب؟ ليش ما تسمون ما تقرون قرآن ليش قلوبكم قاسية كذا
شوي صار جسمي يرتجف من البرد قلت لهم بردانة طفو التكييف, قالت الدكتورة إحنا ميتين حر وانت بردانة؟ طيب مين الأهم انا البردانة اللي بولد ولاهم اللي مافيهم إلا العافية؟؟
وتجي تدخل يدها وانا ازاعق قلت لها وخري عني أولد بالحالي قالت لازم لأن عنق الرحم وراء والراس قدام ونا عايزة أجيبو قدام, وأنا يابنات مو متحملة إصبع من أصابعها لو تشوفونها فرعون من فراعنة مصر أطول وأعرض من زوجي, ( وكانت هذي أول كذبة تكذبها علي) مر تقريبا ثلث ساعة وهي تناظر الساعة مستعجلة قلت لها دكتورة مابي توسيع اصبري علي أولد بالحالي بولاداتي السابقة ما سوولي توسيع قالت مش هعملك توسيع, بعدين قالت لما تحسين
بالطلق قولي, فعلا لما حسيت بالطلق علمتها وتروح الاندونيسية تحط ابرة بالمغذي قلت لها وشو هذا طلق صناعي قالت لا, وشو بنج؟ قالت لا, بس لين هنا يابنات وشفت الموووووت الحقيقي جاني ذاك الطلق الطويل اللي عيّا يفكني ووقف نفسي معاه, والله يا بنات افرفش بين أديهم كني دجاجة مذبوحة, نظري راح مني ماعد أشوف وعيوني تعلقت بالسقف حسيت روحي طلعت مني, والطلق عيّا يفكني والبيبي ما طلع مني والنفس متوقف
عندي وانا أصرخ ياربي دخيلك وإحساس زي النار كني احترق ألم ألم مو طبيعي وأسمع السعودية تقول للدكتورة يلا وسعي وسعي وشكلها وسعت لأن الوجع زاد أضعاف مضاعفة, والله يا بنات قلت خلاص أنا مت والله أنا ظر بالسقف أحسب روحي طلعت مني فقدت السيطرة على نفسي , ولما أيقنت تماما إني مت حسيت ببنتي طلعت مني,
وهنا عرفت إني ولدت وإني لسه ما مت, الحمد الله يارب الحمد الله خذت الممرضة بنتي فورا على طاولة ثانية وحسيت نظرة عيون بنتي نظرة وحدة تختنق وماطلع صوتها قلت للدكتورة بنتي دكتورة بتموت بتموت شوفوها وهي سافهتني لين ماسمعت صوتها قعدت أحمد ربي وأتشكرهم وهم ولا وحدة فيهم قالت الحمد الله على السلامة مستعجلين كنهم قاعدين يشتغلون على كمبيوتر بعدين جت الدكتورة وضغطت بطني بقوة عشان المشيمة قلت تكفين وخري عني أنا اضغط لنفسي شوي وتنزل المشيمة, وأنا زي المهبولة أقولهم خلاص ولدت خلاص ارتحت؟؟
وهم ساكتين شوي وتجي الدكتورة وجايبة سلك طويل والله حسبته سلك نحاسي تقول يلا خياطة !!!ياااااااالهوتي
لسه فيه خياطة ؟؟؟قعدت ابكي قلت مو قادرة خلاص لا تخيطين قالت لازم انت عايزة زوجك يتزوج عليك؟ قلت انا قلتلك لا توسعين؟ قالت انا ما لمستكيش البنت وسعت لوحدها, ( وكانت هذي الكذبة الثانية) وتجي بتدخل الخيط وأصرخ من الألم قلت حطي بنج قالت حطيت بس عايز وقت..قلت خلاص اصبري لين ياخذ مفعول وانا يابنات وصلت لمرحلة مو متحملة فيها شوكة, وهي تنافخ وتقول طيب حستنى كمان شوية شوية وهي كل همها تخلص قبل الساعة 2وجت بتخيط وتألمت قلت انا حاسة بالألم قالت مالمستكيش قلت إلا حاسة حطي بنج
قالت حطيت كل البنج حق الاسنان الله يعز الحكومة, قلت لها مشفى طويل عريض تحطون بنج اسنان في الاخر استسلمت لها وتحملت ألأم الغرز وخيطتني خمس غرز وحسيت بالخياطة لاني أبي أخلص وكانت هذي النهاية الحمد الله
لبسوني وودوني لغرفتي أسأل عن بنتي قالوا خذناها ساعتين للأوكسجين قلت ليش اختنقت؟ قالوا لا كل المواليد كذا نحطلهم اوكسجين, (وكانت هذي الكذبة الثالثة) وبعد ساعتين جابو حبيبة قلبي لي, والله فرحة مقدر أوصفها لما شفتها
وضميتها بس بنفس الوقت انكسر خاطري عليها البنت خدودها سوووودة وخشمها زي خشوم الأفارقة ووجهها كله شعر, أناظر فيها ماحسيت انها بنت, مرة زعلت وقلت إنا لله وإنا إليه راجعون لأنها بنت صارت كذا وحمات سودة في وجهها وخشم أفطس مرررة تروع, ضميتها لصدري وقلت معليش حبيبتي لو كل الناس ماحبوكي أنا أحبك, شوي وتجي نفس الدكتورة وسألتني بعض الاسئلة وقبل لا تطلع قلت دكتورة وش ذا اللي
في وجه بنتي ؟قالت ده عادي علشان البنت سمارة شوية(كذبة رابعة), وكمان الشعر اللي في وشها زايد, قلت لها عادي الشعر يطيح قالت لا مش هيروح لأنك ماخذة فيها مثبتتات, لما راحت الدكتورة زعلت على بنتي اكثر ياربي حتى الشعر مارح يروح؟ وتخيلها كبيرة ووجهها مليان شعر وخدودها وحمات سودة ياعمري يا بنتي...
وبعد العصر جو اهل زوجي كلهم زاروني وبانت نظراتهم انها مو طبيعية قالت وحدة فيهم معليش تكبر وتزينهنا حسيت خنجر بصدري, وجت وحدة ثانية تغيير لها الله يجزاها خير وقالت ياحراااام ليش عيونها كذا؟ كلها دم!! ياعمري يابنتي عيونها دم قالت مسكينة من الطلق, بعد المغرب راحوا وقعدت انا وبنتي لحالنا وبنتي الكبيرة مرافقة لي ومرت الليلة بسلام وانا ضامة بنتي على صدري, وفي الصباح جاء دكتورأطفال مصري يكشف على بنتي ومعه نفس الممرضة الاندونيسية قمت وسألته دكتور هذه الوحمةاللي في وجه بنتي مارح تروح أبد؟ قال دي مش وحمة دي اختناق ولادة!!! دن دن دن والله يا بنات صدمة اختناااق؟ قلت واللي في عيونها؟ قال يروح من اثر الطلق القوي, دن دن دن بعد؟؟ قامت الأندونيسية تبربر كلااام كثير ويوم خلصت سألته وش قالت؟قال أنا بحسب الغلط منهم طلع منك إنت اللي ماساعدتيهم في الدفع قلت طيب والشعر مافي امل يروح؟ قاللا بالعكس ده بطيح من نفسو بعد ماراح الدكتور قعدت اتأمل بنتي تخيلو فيه خط ماشي من أول إذنها لفوق خشمها للاذن الثانية هذا الخط ازرق وانا احسب ان هذا شكل خشمها طلع الطلق ماسكها من تحت عيونها وضاغط عليها وعاصرها عصر علشان كذا العيون فيها دم وخدودها انحبس الدم فيها وصارت سوداء وخشمها منفرش مدري وش قايل وقعدت أتذكر وش اللي خلاها كذا وتذكرت ذيك الابرة اللي عطوني ياها وعرفت ساعتها انها طلق صناعي
مع طلقي الطبيعي لأني اذكر وقتها كلشي عندي توقف حتى النفس من الألم وعرفت ان الدكتورة كذااابة بكلشي المهم طلعت بيتي ثاني يوم وكل يوم بدت البنت تتغير , اللون الاسود صار نيلي بعدين ازرق بعدين ارجواني بعدين احمر لين اختفى وفتح لونها, والدم اللي بعيونها راح., وخشمها تغير مرة والبنت تغيرت مرة
وصارت قمر ماشاء الله
بغيت أموت أنا وبنتي وانا ماعندي خبر لكن الحمد الله رب العالمين انو طلعنا بسلامة والحين لي حوالي شهر والدة والحمد الله صرت امشي واقوم ومافي شي متعبني إلا النوم هههههههه مو مخليتني انام هذي قصتي اتمنى اكون افدتكم... اي صحيح تذكرت شي مهم...قبل لا يخرجوني جاء دكتور النسائية وسألته عن الخيوط قال لا تستعملي شي بس تشطفي بالماء ونشفي, بس صراحة ماقدرت امشي على كلامه اصلا المنطقة مايبيلها تنشيف خاصة ‘ذا شد الخيوط, وصرت كل مرة ادخل الحمام احط على الخيوط مرهم ميبوالله رهيييب يخلي المنطقة طرية وماتشد ويساعد على الترميم ويخدر وبعد كم يوم صرت استخدم معه الفوسايدين علشان لو فيه التهاب, وطبعا الخيوط تبدأ تشد بعد كم يوم اكثر من اول يومين وتشد بعد عشر ايام واسبوعين
اكثر شي لانها بدت تلتئم
هذي نهاية قصتي ان شالله كل حامل تقراها تقوم بالسلامة وتكون ولادتها سهلة واللي مو حامل ربي يرزقها
واللي والدة ربي يعينها على تربية عيالها
كتبت هذه الكلمات وصغيرتي في احضاني نائمة لاتعلم ان هذه القصة قصتها ههههههه
استودعكم الله الذي لا تضيع ودائعه
06-05-2013, 02:10 AM
قصة ولادتي بغلا الجزء الثاني
أم فروحة 
.gif "21")
, ولأني والدة من قبل مرتين ماكنت خايفة مرة لأن بالمرتين السابقتين كانت ولادات ميسرة وسهلة, .gif "61")
وفيها معدات وأشياء تخوف... إلتفت يمين ويسار مالقيت إلا الممرضة السعودية أم نقاب اللئيمة والأندونسية ,شوي جت الدكتورة قالت يلا ولادة وبدأت الممرضات بتجهيز المعدات وتعقيمها , وقفت الدكتورة.gif "hwaml8")
, وأنا أول مرة أولد كذا وأحد يطلب مني أكتم نفسي, أصلا خلقة أنا مو قادرة أتنفس ولما كتمت ودفعت مرة مرتين حسيت إني بديت أختنق وهي تقولي إدفعي قلت لها مو قادرة أنا ما أفطرت وجسمي منهك, قالت حطولها مغذي علشان تساعدنا, وتقولي الدكتورة: ما تنهجيش خذي نفس واكتميه قلت لها أنا مو لاقية نفس خشمي سكّر على الآخر قالت حطو لها أوكسجين, وأنا من الألم مو قادرة أمسك حق الاوكسجين ومن لخوف قاعدة
واللي تقول ليش أنت كذاهذي ولادة عادي , والله يابنات الأندنوسية هي بس اللي راحمتني نظراتها مبين عليه...أما السعوديةوالمصرية تعاملو معي كأنهم يولدون شي ثاني غير الإنسان,(غنمة مثلا) ولواللي مسكت ابرة واللي مسكت مشرط وأنا اناظرهم خايفة , قلت ليش انتم كذا مو مسلمين مو عرب؟ ليش ما تسمون ما تقرون قرآن ليش قلوبكم قاسية كذا
طيب مين الأهم انا البردانة اللي بولد ولاهم اللي مافيهم إلا العافية؟؟.gif "93")
اللي عيّا يفكني ووقف نفسي معاه, والله يا بنات افرفش بين أديهم كني دجاجة مذبوحة, نظري راح مني ماعد أشوف وعيوني تعلقت بالسقف حسيت روحي طلعت مني, والطلق عيّا يفكني والبيبي ما طلع مني والنفس متوقف.gif "hwaml15")
في الاخر استسلمت لها وتحملت ألأم الغرز وخيطتني خمس غرز وحسيت بالخياطة لاني أبي أخلص وكانت هذي النهاية الحمد الله.gif "55")
.gif "39")
, شوي وتجي نفس الدكتورة وسألتني بعض الاسئلة وقبل لا تطلع قلت دكتورة وش ذا اللي.gif "23")
.gif "95")
.gif "hwaml13")
جديد منتدى إستفسارات مرحلة الولادة
العرض العادي
