[أم فروحة]

يعني الدكتورة تقول مو دم دورة أجل دم وشو؟؟؟ دكتورة عل الفاضي لازم تحدد
إما دورة أو استحاضة أو دم نفاس أو دم إجهاض
المهم أنا بعطيك آرائي على حسب ما أعرف*** أمي الله يخليها لي تقول إن أم الصبي تطهر على 40 يوم وأم البنت تطهر على 60 يوم
وهذي أنا جربتها فعلا قبل الأربعين طهرت وبعدها نزل علي دم وفعلا الطهر الحقيقي ما تم إلا بال60 طبعا أنا كنت مسافرة عند أهلي وزوجي مو موجود علشان كذا ما خبصت ولا خذت حبوب منع تاركة جسمي على راحته* فممكن أنت تكوني لسه ما طهرتي وقاعدة تحوسين نفسك بهالحبوب الله يعينك يارب والله ما ألومك الوحدة تكون شايلة هم زوجها والحمال مرة ثانية

الشي الثاني ممكن تكون الحبوب ما ناسبتك أنا قبل ما أحمل رحت جبت حبوب ميكروجينون يقولون هذي أخف شي ومن خذتها وأنا فيني دم طبعا مو دم كثير ولكن مافي طهارة مسحات مسحات بعدين اكتشفت إن حبوب الحمل أحادية الهرمون( يعني تعتمد على هرمون واحد فقط) تسبب هذا الشيئ علشان كذا تركتها وصرت آخذ مورفيلون
بالنسبة لك ممكن يكون أحد هالأمرين خاصة إنها حبوب رضاعة وأتوقع صار معك زيي
المهم أختي مافي داعي للخوف أنت انتظري لل60 وإن طهرتي وجت بعدها دورة كان بها بعدها خذي حبوب منع الحمل وان شالله ما تشوفين الدم عقبها المسألة مسألة وقت لا تخافين حبيبتي عطي جسمك فرصته ولا تدققين مرة وان شالله تدخلين بعدين وتطمنينا عنك
أدعيلنا نقوم بالسلامة زيك ونفرح ياااااااارب